"К?ктемні? шуакты к?ндері"

Мақсаты:

·         Көктем мезгіліндегі табиғат өзгерістері жайында балалардың түсініктерін  қалыптастыру;

·         Балаларды көктем айларының халықтық атауымен және айлар атауларына қатысты мақал – мәтелдерімен  таныстыру;

·         Балаларды табиғат өзгерістерін бақылауға үйрету, табиғаттың оянуына сүйсіне қарауға, байқағыштыққа, зерек болуға тәрбиелеу.

Құрал - жабдықтар:

• әр жыл мезгіліне декорация

• көктем бойынша суреттер

• магнит тақтасы

• паровоз

• сәулешіктер

• көктем айларының костюм  элементтері: бас киім, жамылғыш

• Көктем костюмі

• музыкалық сүйемелдеу.

Сабақтың барысы:

Таңғы шеңбер.

Сәлем, алтын күн!

(қолдары жоғары көтерулі, екі жаққа созулы)

Сәлем, көгілдір аспан!

(қолдары жағары көтерулі)

                       Сәлем, самал жел!

(қолдарын жоғары көтеріп, толқынды қозғалыс жасайды)

Сәлем, көгілдір бұлақ!

(қолдары төмен түсірулі)

Сәлеметсіндер ме! Қонақтар мен жолдастар!

Барлығымен кездесуге қуаныштымыз!

Тәрбиеші: Балалар, бүгін таңертең пошташы бізге хат әкелді. Конвертте не жазылылғанын тыңдандаршы.

Жаңа Қима ауылы.

Ғ.Әбдірахманов атындағы Қима мектеп –  бақшасы

Екінші сәбилер тобының балаларына

– Бұл бізге? Бірақ та конвертте кімнен екені жазылмаған. Сендер осы хаттың  кімнен екенін білгілерің келе ме? Ендеше, оны ашып, оқиық.

«Сәлеметсіңдер ме,  балалар!

Жақсылықпен келемін,

Жылулықты желбіретем,

Атым менің не...  (Көктем)

Сендерді менімен және менің айларыммен кездесуге шақырамын. Сендерді көріп, естуге қуанышты боламын. Сендерді әкелу үшін мен көңілді пойызды жіберемін. Ол сендерді   алып    келеді.

                                    «Сіздердің көктеміңіз».

Тәрбиеші: Саяхатқа барар алдында сендер мына сұрақтарға жауап берулерің керек:

• Көктем қай жыл мезгілінен кейін келеді? (қыстан кейін)

• Көктемде неше ай бар ? (үш)

• Көктем айларын рет-ретімен айтып беріңдер (наурыз, сәуір, мамы)

• Қазір көктемнің қай айы ? (сәуір)

Ал,  енді жолға  шығуға болады. Пойызға  отыра  беріндер.

(«Вот поезд наш мчится»  деген   көктемгі  әнді   айтады)

Тәрбиеші: Біздің пойызымыз тоқтады, ол бізді қайда әкелді? Шығып қарайықшы (балаларды Наурыз боп бейнеленген бала қарсы  алады).

Наурыз:  Мен көктемнің бірінші айы - Наурызбын!

            Наурызда күннің көзі көңілденіп ән айтады,

            Шатырлардан тамшылап су ағады.

            Бәйшешек алғашқы гүлі

            Наурызда өсіп шығады,

             Көктемді гүлімен қуантады .

Балалар сендер мен туралы не білесіндер?

Тәрбиеші: Балалар, суретке қарап  көктемде не болатынын айтып беріңдерші.

 (балалар суретке сүйене отырып,  табиғат өзгерістері туралы айтады)

Тәрбиеші: Наурыз, біз сені халық арасында қалай атайтынын білеміз, тыңдашы.

Бала:         Көк көйлегін киді жер,

                   Шешіп ақ қар ішігін.

                   Емірене сүйді жел,

                   Жас теректің бүршігін.

Наурыз: Сендер мен туралы көп білесіндер, рақмет. Ал енді менімен бірге ойын ойнаңдаршы.

Ойын: «Күн сәулесі».

Тәрбиеші: Әрі қарай қайда барасыз? Мен жылғаның дауысын естіп тұрмын, жүріңдер,  сол   жаққа  қарай  барайық.

(Сәуір боп бейнеленген балаға жақындайды)

Сәуір: Мен – көктемнің екінші айымын .

                 Көлде аққу, көкте қаз,

                 Орманда бұлбыл сайраған.

                 Көптен күткен сәуір кеп,

                 Құлпырды дала жайнаған.

Мені басқа айлардың ішінен тауып алыңдар

(мольбертте үш  материал  тұрады, балалар көктемді тауып алып ол туралы әңгімелейді)

Тәрбиеші: Сәуір айы, біз сенің  халық арасындағы   атауыңды  білеміз. Міне, тыңдашы.

Бала:      Алақай – ау, балалар

                Қандай жақсы көктемгі айы.

                Гүлге оранды кең дала,

                Келді бізге көп торғай.

Сәуір: Сендер мен туралы көп білесіндер, рақмет. Ал енді менімен бірге ойын ойнаңдаршы.

Ойын «Жырға»

Тәрбиеші: Рақмет саған Сәуір, ал біздің саяхатымыз әрі қарай жалғасады. Бір жерде құстар ән салып отыр, сол жаққа қарай барайық.

(Мамыр боп бейнеленген балаға жақындайды)

Мамыр: Мен көктемнің үшінші айы - мамырмын. Мен жұмбақ жасырайын,  жұмбақтарым мамырда не болатынына байланысты , соларды шешіп көріңдер. Ал жауаптарын қабырға стендінен табасындар.

1. Әуеден күбі түсті,

Күбінің түбі түсті.

                      (күннің күркіреуі)

1.      Көтеріліп теңізден,

Аспанға биік барамы.

Биіктен қайта түскенде,

Өңі кірер даланың.

                   (жаңбыр)

2.      Қырда қылыш жарқылдайды.

(найзағай)

Тәрбиеші: Мамыр айы, сені халық арасында қалай атайтынын біз білеміз.

Бала мамыр айы туралы өлең айтады.

(музыканың сүйемелдеуімен Көктем кіреді)

Көктем:                       

 Ақ қар еріп,

Су көбейіп,

Сай салада ағады.

Мал маңырап,

Төл жамырап,

Жайлау малға толады.

Бүршік шашып,

Жапырақ ашып,

Даланы гүлдер басады.

Сұлу көктем есігін ашып,

Шуағын бізге шашады.

- Тамаша, балалар, сендер менің айларым туралы жақсы біледі  екенсіңдер, ал олар  туралы мақал – мәтелдер  айта аласыңдар ма?

(балаларкөктем туралы  мақал – мәтелдер   айтады)

Көктем: Табиғаттың   әдемі  және  таза болуы  үшін, сендер менің айларыма қалай көмектесесіндер?

• Қарды жолдан жинап,  ылғал болу үшін оны ағаштың түбіне  саламыз.

• Жылғаларды қоқыстан тазартамыз.

• Жас, жаңа шөптің өсуі  үшін ескі,  құрғақ шөптерді жинаймыз.

Тәрбиеші: Ал енді балалар көктемнің ертегісін тыңдандар. (көктем туралы ертегі оқылады)

Тәрбиеші: Көктем, сен бізді  айларыңмен кездесуге шақырғаның үшін және қызықты ертегі айтқаның үшін саған көп рақмет. Ал біз балабақшаға қайтуымыз керек.  Бізді көңілді паровоз тосып қалды.

Көктем: Мен сендерге күн көзімнің сәулелерін сыйға тартқым келеді. Олар сендерді  өз жылуымен жылытады.  (балалар паровозикқа отырады)

Тәрбиеші: Осымен балалар біздің көктемге саяхатымыз аяқталды, енді біз топқа ораламыз. Балалар, сендерге ұнады ма, әлде ұнаған жоқ па соны білгім келеді? Егер сендерге ұнаса онда күлімдеңдер, ал ұнамаса көңілсіз көңіл-күйлеріңді көрсетіңдер («күлімдеген» немесе «мұңайған» суреті бар карточкаларды қолдануға болады).

Тәрбиеші: Біздің саяхатымыз осымен аяқталды. Саяхатқа қатысқандарға үлкен рақмен.

(Саяхат сабақ)

Өткізген: Бірімжанова М.З