Коми кыв.Диктант. Медводдза четверть. 8 класс.

Кылöмöн гижöм. 8 класс. 1 четверть. Коми кыв.

Эзысь бöж.

Юр весьтын мыйкö чашнитчис, гирснитчис, а пожöм пу улö киссисны кырсь торъяс. Видзчысьтöмла ме дрöгмунi да видзöдлi вывлань. Кодi нö эськö татшöм повзьöдчысьыс? Ур вöлöма. Лажыньтчöма пожöм чаль бердö да сюся дзоргö ме вылö.

Видзöдлi ур вылö да сiдзи и падми. Чуйми эг ур вылас, а сылöн чурвидзысь бöж вылö. Урлöн бöжыс вöлi эзысь. Пожöмъяслöн сук туганъяс костöд писькöдчысь асъя югыд шондi югöръяс улын пашкыр бöжыслöн быд сi дзирдалiс- пöртмасис эзысьööн да зарниöн.

Гöгöр сулалiсны сись кодь веськыыд том пожöмъяс. Пуясувса веж турун пöвстын мыччасисны лысваöн мыссьысь гöрд оз тусьяс. Ме быттьö веськалi мойдö. Тайö мöвпсö эз вермыны торкны весиг ю вылын садьмöм моторъяслöн шыясыс.

(106 кыв)

1. Видлавны 2 абзацысь сёрникузяяссö подувпас да содтана юкöдъяс серти да визьнитны найöс.

2. Тöдмавны юöрпасыслысь сикассö.

3. Видланы тöдчöдöм кывъяссö состав серти.