Компьютерде иштөөнүн коопсуздук эрежелери

Тема: Компьютерде иштөөнүн коопсуздук эрежелери жана ден-соолук.

1. “Компьютерде иштөөнүн коопсуздук эрежелери”

• Коопсуздук эрежелери

• Иштөө алдындагы коопсуздук: Кабинетти кылдаттык менен желдендирүү, абанын температурасы 19 0 С-21 0 С, салыштырма нымдуулук 55-60% болушу керек. Мугалимдин уруксаты менен компьютерди жандыруу .

Иш мезгилиндеги коопсуздук: Мугалимдин уруксатысыз компьютерди өчүрбөө. Бир компьютерде эки же андан ашык окуучу иштөөгө мүмкүн эмес. Компьютерде иштөөнүн узактыгы: 7-класстар үчүн 20 минута 8-9-класстар үчүн 25 минута 10-11-класстар үчүн 30 минута Андан кийин сөзсүз көздүн чарчоосун жок кылуучу көнүгүүлөр үчүн 10 минута дем алуу керек. Өндүрүштүк практика мезгилинде компьютерде иштөөнүн узактыгы 16 жашка чейинкилер үчүн 2 саат, андан чоңдор үчүн 3 сааттан ашпоо керек. Ар бир 20-25 минутадан кийин атайын көз үчүн көнүгүүлөр, 45 минутадан кийин физикалык көнүгүүлөр аткарылганы пайдалуу. Кружоктор сабак бүткөндөн кийин толук 1 сааттан кийин жумасына эки жолудан көп коюлбашы керек. Жалпы узактыгы: 2-5-класстар үчүн 60 минута, 6-11-класстар үчүн 90 минутадан ашпоо керек. Информатика кабинетинде бор менен доска пайдаланууга болбойт.

• Авариялык кырдаалдагы коопсуздук: Компьютерде кандайдыр бир туура эмес белгилер байкалса, компьютерди өчүрүп, мугалимге билдирүү керек. Өзүн жаман сезсе, баш оору, баш айлануу ж.б. симптомдор байкалса ишти токтотуу, мугалимдерге билдирүү зарыл. Өткөргүчтөрдө ачык жерлери байкалса, компьютерди дароо өчүрүү, жаракат алгандарга 1-медициналык жардам көрсөтүү, бул жөнүндө администрацияга билдирүү керек.

• Иш бүткөндөгү коопсуздук: Мугалимдин уруксаты менен компьютерди өчүрүү, классты иретке келтирүү. Кылдаттык менен желдендирүү, компьютерлерди, столдорду нымдуу тряпка менен сүртүп тазалоо.

2. “Компьютердин ден -соолукка тийгизген таасири”

Компьютердин ден-соолукка тийгизген тескери таасирлери:

• Көздүн көрүүсүнө;
• Психологиясына;
• Таяныч - кыймылдаткыч аппарат;
• Эске тутумдун начарлашы;
• Техникалык көндүмдөрдүн начарлашы;
• ж.б.

Гимнастика

Ден - соолукту сактоо