Конкурс "Хаарийн б1ов"

«Хаарийн б1ов»

Къовсам 10-чу классашкахь

Астамирова А. А. 19.04.2021г.

Д1аяхьаран кеп: тобанашна юкъахь къовсам.

1алашо: халкъан барта кхолларалла йовза, еза лаам кхоллар, дешархойн хаарийн гуо шорбар, нохчийн матте йолу шовкъ а х1ума довза лаар совдаккхар.

Къовсаман декъашхой:

1-ра тоба – «Нохчийчоь» (10А кл.)

2-г1а тоба – «Даймохк» (10Б кл.)

Х1ора тобанан шен эмблема а ю, тхьамда а ву.

Д1ахьошволчо: Де дика хуьлда шун, хьомсара накъостий!

Тахана вай цхьаьнакхетта ненан мотт безар а, бовзар а

гайта.

Вайн мотт г1иллакхе а, оьзда а бу, нуьцкъала а, мерза а бу.

Нохчийн мотт хьалдолуш а, бийца атта а бу. Шен ненан мотт доггах безаш воцчунна, Даймохк а безар бац. Цундела, вайна беза, вай 1амабо вешан нохчийн мотт. Иза ц1ена хууш, к1орггера 1амийна, 1амо лууш волчунна даиманна а сий дан деза.

Вайн къовсам д1аболор вай.

Дала т1аьхье беркате йойла! Дуьххьара вовшашка а, кхиэлахошка а маршалла хотту.

1. Х1ора тобано кхеле юьллу шаьш кечйина стихотворени.

1. Къовсадалар «Дукха хьан даладо?» (2 минот).

1. Къовсадалар «Д1адайна кицанаш» (2 минот).

1. Къовсадалар «Цхьана дашца жоп» (3 минот).

1. Къовсадалар «Анаграммаш» (нийса дош схьалаха) (1 минот).

1. Самукъане миноташ: х1ора тобано кхеле дуьллу шаьш кечдина забаре дийцарш.

1. Тобанаша кхиэле дуьллу шаьш кечдина илли.

1. «Б1аьвнийн мохк» - ц1ахь диллина сурт кхиэле дуьллу.

1. Хьаша-да т1еэцар «Мерза даарш»

- Кхелахоша къовсадаларан жам1 дар.

- Толамхой билгалбахар, декъалбар.

- Хьовсархошка, къийсадаларан мах хадош , дош далар.

- Дерзор.

Къовсадалар «Анаграммаш» (нийса дош схьалаха)

1. ШАРМА –

2. РАТБ –

3. КАДОЙХКМ -

4. ТОМТ -

5. СКЪМАВО –

Къовсадалар «Д1адайна кицанаш»

Х1ора тобане шайна т1ехь кицанаш яздина карточкаш д1ало, уьш меттах1итто деза цара, шаьш хьалха ма-хиллара.

Къовсадалар «Д1адайна кицанаш»

Х1ора тобане шайна т1ехь кицанаш яздина карточкаш д1ало, уьш меттах1итто деза цара, шаьш хьалха ма-хиллара.

Къовсадалар «Цхьана дашца жоп»

Х1окху т1аьххьарчу къовсадаларехь шайна т1е ца тоьуш долу кхаьжнаш даха йиш ю дешархойн. Хьехархочо дешнийн цхьаьнакхетарш даладо, дешархоша цхьана дашца жоп дала деза. Хьалха куьг айъинчо жоп ло, муьлххачу тобанера и велахь а.

1. Бага са а кхаьчна (…).

2. Б1аьрг-нег1ар тохале (…).

3. Ц1е яьлча санна, хьаьдда воьду (…).

4. Ж1аьлеш хи т1е диггал (…).

5. Ц1арна ц1е яххана (…).

6. Борз, газий санна (…).

7. Веллачунна т1ера марчо доккхур долуш (…).

8. Мас-Малик хилла хьовза (…).

9. Лергана таь1на хила (…).

10. Мера к1ел ваха (…).

11. Б1аьрга 1оьттича п1елг гур боцуш (…).

12. Моза т1е ца хоуьйтуш (…).

13. Ког лаьттах ца кхеташ (…).

14. Малхе ваккха (…).

Къовсадалар «Цхьана дашца жоп»

Х1окху т1аьххьарчу къовсадаларехь шайна т1е ца тоьуш долу кхаьжнаш даха йиш ю дешархойн. Хьехархочо дешнийн цхьаьнакхетарш даладо, дешархоша цхьана дашца жоп дала деза. Хьалха куьг айъинчо жоп ло, муьлххачу тобанера и велахь а.

1. Бага са а кхаьчна (доггах).

2. Б1аьрг-нег1ар тохале (сиха).

3. Ц1е яьлча санна, хьаьдда воьду (чехка).

4. Ж1аьлеш хи т1е диггал (дукха).

5. Ц1арна ц1е яххана (г1араваьлла).

6. Борз, газий санна (девне).

7. Веллачунна т1ера марчо доккхур долуш (сутара).

8. Мас-Малик хилла хьовза (эсала, к1еда-мерза).

9. Лергана таь1на хила (къора).

10. Мера к1ел ваха (юххе).

11. Б1аьрга 1оьттича п1елг гур боцуш (1аьржа).

12. Моза т1е ца хоуьйтуш (лерана).

13. Ког лаьттах ца кхеташ (каде).

14. Малхе ваккха (вовзийта).