Конкурс по лезгинскому языку

1. «Зи лезги ч1ал» шиир.

ЗИ ЛЕЗГИ ЧIAJI

Зи лезги ч1ал, захъ авай са багьади,
Чуьхуьзва за жуван руьгь ви нурара.
Дидедин мез, играмиди, алади,
Тухузвайди уьмуьрдин зун гурарай.

Эминанни Сулейманан саз я вун,
Лезги чилин абурни я, наз я вун.
Мярекат я, берекат я лезги ч1ал,
Зи чан, намус, гьерекат я лезги ч1ал.
Дегьзаманрин суьрет я вун, лезги ч1ал,
Чи илгьамдин девлет я вун, лезги ч1ал.

Вичи хвейи зи халкь шумуд женгера
Чун агудай Шарвилидин сес я вун.
Акъудай чун шумудни-са к1еверай
Ивидин ц1ай, йикъан нур, гьевес я вун.

Масан зи ч1ал, асиррин рехъ ат1айди,
Авазва вун чи гьар садан нефесда.
Агъзур жуьре гафар гваз чал атайди,
Ви рангар гьич са ч1алани эвездач.

Абдул Фетягь

1. Ведущая: Нисинин хийирар! Гьуьрметлу муаллимар ва аялар! Квез инал чир хьайивал, къе чна лезги ч1алайни литературадай акъажунар кьиле тухузва. Буюр, яб акала ва иштирака.

Сифте нубатдай, чаз адет хьанвайвал, заз куьн чи гьуьрметлу жюридихъ галаз танишариз к1анзава:

1. Школадин директор – _________________________________________

2. Школадин завуч – ___________________________________

3. Лезги ч1аланни литературадин муаллим – _____________________________

4. Урус ч1аланни литературадин муаллимар – ______________________________

Чи мярекат Къияс Межидоваз бахшнава, гьавиляй чна адакай са куьруь суьгьбет авун лазим я. Гаф гун чна 9 классдин ученица ________________…

Гила чавай чи акъажунар башламишайт1а жезва. Башламишин!!!

Адет хьанвайвал, сифте нубатдай командайри чпин т1варар ва девизар нубатдалди лугьуда, чи гьуьрметлу жюриди абуруз къимет гуда.

1 конкурс

КОМАНДАЯР:

1. – команда «Шарвили»

- Чи команда: «Шарвили»

- Чи девиз: «Чаз авай Шарвили, чаз авай К1ири Буба. Чун тадай касс жедач гьич ерли!»

2. – команда «Гъетер».

- Чи команда: «Гъетер»

- Чи девиз: «Язва чун гъетер, къачуда чна чирвилер»

3. – команда «Игитар»

- Чи команда: «Игитар»

- Чи девиз: «Игитар я чун вири, фида чун виликди!»

Ведущий: Гьуьрметлу жюри къимет це!

2 конкурс

Гила ихьтин конкурс: Гьи командади гафар муькуьбурулай фад ахкурт1а, гьа команда гъалибни жеда.

Командайри гафар ахквадалди зал машгъуларда. (Са т1имил хъвер)

3 конкурс

Шиирар к1елунин конкурс.

Пуд командадайни са – са аял атана ва абуру лезги ч1алакай нубат – нубатдалди шиирар к1елда.

(______________________ И. Гьусейнован «Хайи ч1ал»; ______________________. А. Фетягь «Зи лезги ч1ал»; ___________________. Арбен Къардаш «Дидедин ч1ал»).

ДИДЕДИН Ч1АЛ

Зи лезги ч1ал, дидедин ч1ал — дуьньядин

Вири ч1ехи ч1аларилай ширинди...

Зи кьисметда шадвилинни сузадин

Гуьзгуь я вун, хвейи халкьдин зигьинди.

Къуй са акьван гегьенш туш ви уьруьшар,

Къуй са акьван гегьенш туш ви часпарар,

Са квелдини ийиз жедач дегишар

Ви туьнтвилин, назиквилин гьунарар.

Ви сесера ц1ун медерин ван ава,

Къаяринни, ач1арринни аранрин.

Гьар гафуна хайи чилин тан ава,

Атир ава мезрейринни харманрин.

Вун авачир яд чкайрай хтайла,

Вун ц1ай хьиз я хайи к1валин къулавай:

Рик1 кьагьардив, хвешивилив ац1айла,

Мад къахрагьиз к1ан жедач ви къвалавай.

Гекъигунрив ви кьакьанвал, деринвал,

Ви хцивал къалур жедач авайвал,

Авахьзава, артухиз ви ширинвал,

Туьхуьн тийир са гъетрен нур давай вал.

Анжах вун зи ивидани бейнида

Хьаначирт1а, туширт1а вун зи мез яз,

Рази тир зун: вун заз ч1ал яз гайида

Зун халкьунал ви са гаф яз, са сес яз. (А. Къ.)

4 конкурс

Миск1алар.

Гьи командади жавабар муькуьбурулай фад ва дуьз ахкурт1а, гьа командадиз очкони жеда.

Командайри чпин к1валах кьиле тухудалди чаз 8 классдин ученик __________________ мани яда.

Ведущий:Гьуьрметлу жюри къимет це!

Гила чи командайри са гъвеч1и ял ягърай! Чи гъвеч1и дустари 5 – классрин аялри, чпи чаз лезги шииррин азбука гьазурнавалда. Ша чна абурухъ яб акалин!

Ведущий: Гьурметлу командаяр куьн гзаф буш жемир. Чна чи акъажунар давамар хъийизва.

5 конкурс

Метаграммаяр.

Гьи командади виридалайни вилик абур ахкурт1а, гьа командадиз очкони жеда.

Арада са мани.

6 конкурс

Кьат1унар ахтармишдай конкурс.

Гьи командадиз вилик чир хьайит1а, гьам виликни фида.

Командайри чпин к1валах тамамардалди чи гъвеч1и дустари чпи чаз «Лезгинка» кьуьл гьазурнавалда. Ша чун килигин.

Ведущий:Гьуьрметлу жюри къимет це!

7 конкурс

Эхцигунин ва хкудунин знакар эцигиз ганвай месэлаяр гьялун

Гила ихьтин конкурс: эхцигунин ва хкудунин знакар эцигиз ганвай месэлаяр гьялун. Гьи командади вилик гьялайт1а, гьам виликни фида.

8 конкурс

К1валин к1валах:

Эхиримжи конкурс: К1валин к1валах: Гьар са командади са куьри къемеда гьазурун лазим тир. Ша чун абурун алакьунриз тамашин.

Ведущий:Гьуьрметлу жюри къимет це!