Конспект Аппликация Тақырыбы: "Ақ көжек"

Ортаңғы«Қызғалдақ» тобындағы ұйымдастырылған оқу қызметінің конспектісі

Өткізу күні: 11.01.2019 ж

Тәрбиеші: Фаткуллина К.С.

Білім беру саласы: «Шығармашылық»

Пән: Аппликация

Өтпелі тақырып: «Аңдардың қысқы қызығы»

Тақырыбы: Ақ көжек

Мақсаттары:

-Тәрбиелік:Әсімдікке тәрбиелеу

-Дамытушылық :шығармашылық пен қиялын дамыту

-Оқыту: : Балаларды түрлі геометриялық фигуралар көмегімен көжек суретін құрастырып, жапсыруға үйрету.

Педагогикалық технологиялар:ойын

Ресурстармен қамтамасыз ету:суреттер,үлгі,түрлі түсті қағаздар,қайшы,желім,сүрткіш, қылқалам

Билингвалдық компонент:қоян заяц

Ұйымдастырылған оқу қызметінің барысы:

I.Ұйымдастырушылық кезеңі:

Біз қандаймыз, қандаймыз

Шұғылалы таңдаймыз.

Күлімдеген күндейміз,

Ренжуді білмейміз.

Тақтада ненің суретін көріп тұрсыңдар?( Көжектердің.)

Олардың түстері қандай?(ақ)

II. Негізгі бөлім:

Тосын сәт: Апай, есікті біреу қағып тұр.

Ол, кім екен? Ол, Қоян!

Қоян: Сәлеметсіңдер ме балалар, қалдарың қалай? (Сәлеметсіз бе, Қоян. Жақсы, рахмет!)

Қоян: Менің суретімді жапсыруды үйренгілерің келе ме?

-Онда, мына үлгіге қараңдар:

-Қане, менің суретімді жасау үшін қандай пішіндерді қиып алу керек?

-Дұрыс. Денесіне неше дөңгелек керек?

-Дұрыс. Басына неше дөңгелек керек?

-Жақсы, денесіне неше сопақша дөңгелек керек?

-Керемет, басына неше сопақша дөңгелек керек?

-Ең бірінші, қайшымен жұмыс жасаудағы қауіпсіздік ережелерін еске түсірейік.

Қайшымен ойнауға болмайды.

Қайшымен жұмыс жасағанда сақ болу керек.

Қайшының ұшын жоғары қаратуға, адамға қаратуға болмайды.

Қайшымен жұмыс жасау кезінде жүруге, ұруға болмайды.

Жарайсыңдар! Ал енді, біріншіден, қоянның басын жасайық. Ол үшін не істейміз? (Орташа дөңгелек қиып аламыз! /қиып алады/)

Әріқарай не істейміз?( Құлақтарын, яғни, екі орташа сопақша және екі кішкентай сопақша қиып аламыз. /қиып алады/)

-Дұрыс, бұдан әрі не істейміз? (Көзі мен ауызын қиып аламыз.)

-Керемет, ендігі әрі ше?( Денесі үшін үлкен дөңгелек қиямыз. /қиып алады/

Аяғы ретінде екі орташа сопақша және қолы ретінде екі кішкентай дөңгелек қиып аламыз. /қиып алады/)

Сергіту сәті:

Қия, қия, саусағым,

Әлсіредім шаршадым.

Бір, екі, үш,

Қолға жинап күш!

Қане, қайшы алайық,

Әдемілеп қияйық.

Енді, барлық қиындылар дайын болса, қоянымыздың суретін, үлгіге қарап жабыстырайық.

Балалар үлгіге қарап, қоян суретін жабыстырады

Д/О№2: Қарамақайшылық

Мақсаты: Қарама-қарсы ұғымдарды ажырата білуге үйрету.

Шарты: қасиеттердің біреуін атағанда, бала сол қасиетке кері қасиетті атауы керек.

Құлағы ұзын Құйрығы қысқа

-Көзі кішкентай Денесі үлкен

Қасқыр – батыл-Қоян-қорқақ

-Қоян - жүйрік Тасбақа – баяу

Қорытынды: Сонымен, балалар, бүгін біз ненің суретін жапсырдық?

Қане, суреттеріңді бері әкеліп, арнайы шығармашылық қабырғамызға іліп, көрме ұйымдастырайық.

Жақсы, енді демалайық.