Конспект на тему "Фармакология немен айналысады?

ФАРМАКОЛОГИЯ НЕМЕН АЙНАЛЫСАДЫ

Фармакология (грек. pharmacon — дәрі және logos — ілім) — адам организміне әр түрлі дәрілік және биологиялық белсенді заттардың тигізетін әсерін зерттейтін, сондай-ақ дәрі-дәрмектің жаңа түрлерін іздеп табуды қарастыратын ғылым. Фармакологияда организмге дәрілік заттардың әсерін жануарларға әр түрлі әдістермен жасалынған тәжірибелер негізінде анықтайды. Жалпы және жеке, медициналық және ветеринарлық. фармакология болып бөлінеді. Фармакология дәрілік заттардың денеге сіңуі, таралуы, органдар мен тіндерде жинақталуы, өзгеруі, олардың әсер етуіндегі биохимиялық механизмдер, дәрілік препараттарды клиника жағдайында зерттеу , дәрілік заттардың сау және ауру организмге әсерін, биологиялық тасымалдануын, органдардан шығарылуын салыстырмалы түрде зерттеу бағыттарында дамып келеді.

Фармокологияның қарқынды дамуының нәтижесінде әр түрлі жаңа препараттар, дәрі-дәрмектердің алынуы медицина салаларының дамуы мен қауіпті ауруларды тиімді емдеуге мүмкіндік берді. Мысалы, наркозға арналған жергілікті жансыздандыратын дәрілердің пайда болуы әр түрлі ауыр хирургиялық оталар жасауға жол ашты. Антибиотиктер мен сульфаниламидті дәрілік заттар бактериялық инфекцияларды, гормондық заттардың бөлініп алынуы эндокриндік ауруларды, химия-терапиялық дәрілік зат — сальварсан мерезді, т.б. қатерлі ауруларды емдеуге мүмкіндік берді.

Фармакология фармацевтік химия (дәрілік заттардың химия құрамы мен химия қасиетін зерттейді) және фармакогнозия (өсімдіктер мен жануарлардан алынатын дәрілік шикізатты зерттейді), сондай-ақ токсикологиямен өте тығыз байланыста дамиды.

Сұрақтарға жауап беріңіз:

1. Фармакология дегеніміз не?

2. Фармакология нені зерттейді?

3. Фармакологияның неше түрі бар және қандай?

4. Фармакология немен тығыз байланыста дамиды?

5. Фармакология нені аңықтайды?

Сөздік:

Биологиялық белсенді заттар–биологические активные вещества

Зерттейтін–изучающие

Жаңа түрлерін–новые виды

Ғылым–наука

Әр түрлі әдістермен–различными методами

Тәжірибелер негізінде–основанный на опате

Ауру организмге–больному организму

Оталар жасауға–делать операции

Қатерлі ауруларды–емдеуге лечение злокачественных заболеваний

Дәрілік заттардың–лекарственных средств

Наркозға арналған–для наркоза

Жаңа препараттар–новые препараты

Жалпы–общий

Жеке–личный