Конспект Сурет салу Тақырыбы: "Түрлі түсті шарлар"

Тәрбиеші: Фаткуллина К.С.

Білім беру саласы: «Шығармашылық»

Пән: Сурет салу

Өтпелі тақырып: «Ғажайыптар әлемінде»

Тақырыбы: «Түрлі түсті шарлар»

Мақсаты:

Тәрбиелік:ұқыптылыққа,ептілікке,әдемілікке тәрбиелеу

Дамытушылық:Түстер (қызыл,жасыл,сары,көк) туралы білімдерін бекітіп,дамыту

Оқыту:шарлармен таныстырып ,сабын көпіршігімен сурет салу әдісімен түрлі түсті шарларды салуға үйрету.

Педагогикалық технологиялар :ойын,ақпараттық коммуникативтік,жеке тұлғаға бағытталған.

Ресурстармен қамтамасыз ету : суреттер,түтікшелер,бояу түрлі түсті,сабын,су,сүрткіш, парақтар,сабын көпіршіктері.

Билингвалдық компонент:шарлар шары,түрлі түсті разноцветные,сабын көпіршігі мыльные пузыри

Ұйымдастырылған оқу қызметінің барысы

1. Ұйымдастырушылық кезеңі:Музыка әуенімен топға күлдіргіш келеді.Сәлем,менің достарым!Менің атым Ирис ,ал сендердің аттарын кім?Кәне танысайық.Ал мен сендермен былай танысамын.Қазір мен үшке дейін санаған кезде сендер өз аттарынды дайыстап айтасыңдар.Дайынсыңдар ма!Онда бастайық:бір,екі,үш(балалар өз аттарын дауыстап айтады) Егер балалар ақырын айтса күлдіргіш қайтадан айтқызады.

Міне танысыпта алдық.

1. Негізгі кезең:Сендер білесіңдер ме,бүгін менің көңіл күйім өте тамаша!Мен бүгін ғажайып жасағым келіп тұр.Балалар сендер ғажайыпты жақсы көресіңдер ме?(иә)

Менде ғажайыпты жақсы көремін.Ғажайыпты жасау үшін біз сиқыршыға айналуымыз керек.Кәне маған қарай жақындандар.Мен сиқырлы сөздер айтамын.:Эни, бени, рики, таки, Фурда, бурда, БАЦЦ!  БАЦЦ!  БАЦЦ! (қолды  шапалақтау)

Балалар бірақ сиқырлы таяқшасыз ғажайып болмайды.Біз сиқырлы таяқша тауып алуымыз керек.Оны қайдан табамыз?(бояулар мен түтікшелерді акелу) Міне бізге осы түтікшелер сиқырлы таяқша болады.Түтікшенің көмегімен ғажайып жасай аламыз.

Балалар,мен осы түтікшемен сиқыр жасап,мынадай жұмыстар жасағанмын.Жасаған жұмыстарды көрсету.

Сұрақтар:  

Қараңдар қанша көп сабын көпіршіктері.Олар түрлі түсті.

Сабын көпіршіктері қандай түсте?(қызыл,сары,көк,жасыл)

Олар қандай пішінде?(шеңбер)

Ал көлемдері қандай?(үлкен,кішкентай)

Сабын көпіршіктерімен ойын ойнағыларын келе ме?Ол менде болған.Қайда екен?(балалардың киімдерінен,бантигінен қарайды,тауып алады.)

Ойын: мен үрлеймін,ал сендер ұстап аласыңдар.Қалай үрлейду көрсету.Енді балаларға сабын көпіршіктерін таратып беру.Балалар сендерде жақсы шығып жатыр,жарайсыңдар.Сабын көпіршіктерімен тек ойын ойнау ғана емес онымен суретте салуға болады.

Сабын көпіршігімен сурет салғыларын келе ме?(иә)

Бірақ біз ненін суретін салсақ екен.

Сол кезде топға шар ұшып келеді.Міне ғажап,балалар біз түрлі түсті шарларды саламыз.

Шарлар қандай болады?(шарлар түрлі түсті болады)Мына шардың түсі қандай?(түсі көк)

Олардың пішіні қандай болады?(шарлар шеңбер,сопақша болады)

Шарлардың салмағы қандай?ауыр ма ,жеңіл ме?(шарлар жеңіл болады)

Шарларды біз қай уақытта пайдаланамыз?(шарларды мерекеде пайдаланамыз)

Шарлардың түстері әр түрлі болады.

Шарлар резинадан жасалады,өте жеңіл болады.Біз оларды туған күндерде,мерекелерде пайдаланамыз.

Балалар енді осы шарларды қалай саламыз.Соны сендерге көрсетейін.

Салу жолын көрсету,түсіндіру.

1.Гуашь,су,сабын көпіршігі ыдыста дайындалады.

2.Түтікшені ыдысға салып сиқырлы сөздер айтамын:биль,буль,биль үрлеймін.

3.Пайда болған көпіршіктерді қағаз бетіне түтікшенің көмегімен орналастыру.

4.Суретті кепкенше күту.Кепкен соң фломастермен бөліктерін салу.Қараңдар менде қандай сурет шықты.(түрлі түсті шарлар)

Міне сабын көпіршігімен қандай ғажайып жасауға болады.

Жұмыс жасауға кірісеміз.Бірақ абай болыңдар балалар,сендер түтікшеге үрлеген кезде ішімізге емес сыртқа үрлейсіңдер.Жеңдерімізді түріп алайық.Үстел қасына жақындаймыз.Түтікшелерді қолымызға алып сиқырлы сөздерді айтып бояу дайындалған ыдысға салып үрлеп,сурет саламыз.(музыка қосылып тұрады)

Қараңдар сиқырлы шарлар шықты.Балалар сендермен қоштасып үйге кететін уақытым болды.Мен сиқырлы сөздерді айтып сендерді сиқыршыдан балаларға айналдырам.: Эни, бени, рики, таки, Фурда, бурда, БАЦЦ!  БАЦЦ!  БАЦЦ! (қолды  шапалақтау)

1. Қорытынды:Балалар сендерге сиқыршы болып,ғажайып жасаған ұнады ма?(иә)

Сендермен қызықты уақыт өткіздім.Біз сиқыршы болдық.Ненін суретін салдық? (шарлардың.)

Қандай шарлар салдық?(түрлі түсті)

Суретті немен салдық?(сабын көпіршігімен)

Сендерге салған суреттерін ұнады ма?