Конспект урока "Аялганууд"

Класс

2

Темэ

Аялган абяан хашалган абяанhаа юугээрээ илгаатайб?

Багшын зорилго

Аялган хашалган абяануудай илгаа харуулха ба үгэнүүд соо аялган абяануудые илгажа һургаха.

Хэшээлэй янза

Шэнэ материал ойлгуулха хэшээл

Хэшээлэй түхэл

Шэнжэлэлгын

Буряад хэлээр үхибүүнэй шадабари

Аялган абяануудые хэлэлгэ ба бэшэлгэ сооһоо илгажа, оложо шадаха шадабари бүрилдүүлхэ

Yхибүүнэй өөрын хүгжэлтын дүнгүүд

Шэнэ юумэ ойлгохо дуратай байһанаа харуулха; хэшээлэй бүхы шатануудта эдэбхитэйгээр хабаадаха; бэеэ даанги хүдэлмэри ойлгон дүүргэхэ, харилсаха дуратай байха.

Бэеэ гуримшуулаад ябаха шадабари

Багшатаяа хамта хэшээлэйнгээ зорилго табиха; юу хэхэ гээшэбиб гэжэ уридшалан хэлэхэ; өөрынгѳѳ, нүхэдэйнгөө ажал шалгаха; багшын үгэһэн түсэбөөр, алгоритмаар хүдэлжэ шадаха, өөрөө түсэб табиха

Оршон тойрониие шудалха шадабари

Текст сооһоо аялган абяануудые илгалга, тодорхойлолго үгэхэ;багшатаяа болон нүхэдтэеэ хамта дүн гаргаха;

Харилсаха шадабари

Өөрынгөө һанал бодол аман хэлэлгээр харуулха; хажуудахи хүнүүдээ шагнаха, тэдэнэй хэлэһэниие ойлгохо; хоёр хоёроороо хүдэлхэ;

Хэрэгсэлнүүд

Ном, дэбтэр, презентаци, үхибүүн бүхэндэ даабаринуудтай ба сэгнэлтын карточкануудтай шэнжэлэгшын хуудаһан.

Хэшээлэй шатанууд

Багшын ажаябуулга

Һурагшадай ажаябуулга

I. Эмхидхэлэй үе

- Сайн байна! Мүнөөдэрэймнай хэшээлэй оньhон үгэ:

Хэлэhэн үгэдөө хүрэхэ,

Эхилhэн ажалаа бүтээхэ. (1 слайд)

- Сайн байна!

II.Дабталга

- Хэшээлынгээ сэдэб мэдэхын тула слайд харагты.

А, в, о, ж, у, к, э, м, ү, д, ы, h.

Эдэ үзэгүүдые хэды группа болгог хубаахаар бэ? (2 слайд)

Буряад хэлэндэ хэды аялган, хэды хашалган үзэгүүд бииб?

-Зүб даа, дабтая. (3 слайд)

- Аялган абяан хашалган абяанhаа юугээрээ илгаатайб?

- Аялган ба хашалган үзэгүүд гэжэ хубаахаар.

-12 аялган ба 24 хашалган үзэгүүд бии.

III. Хэлэеэ һорилго

- Буряад алфавидаа дабтая.

- Бэрхэнүүд! Ямар гоёор дуулаба гээшэт!

Алфавидаа дабтаял даа (Повторим-ка алфавит) Композитор, аранжировка: Наранбаатарын Нар-Оюу. Авторы слов: Артугаева Нина, Дарибазарова Цырен-Ханда, Цыбикова Сэсэгма.

Дуунай студи «Мүнгэн хонхонууд»

-Аялган абяан хашалган абяанhаа юугээрээ илгаатайб?

Аялган абяанууд торолтогүй үгүүлэгдэнэ. Хашалган абяанууд торолтотойгоор үгүүлэгдэдэг.

IV. Хэшээлэй зорилго табилга

Манай хэшэлэй зорилго ямар болоноб?

- Аялган абяан хашалган абяануудай илгаа мэдэхэ.

V. Арсалдаата асуудал шиидхэхэ шата

“Хүршын хүбүүхэн” гэһэн шүлэгтэй танилсая. ( 33 хуудаhан 53 даабари)

(Yхибүүдтэ ном харуулха). Булта уншая.

Хэн тухай шүлэг бэ? Хүршын хүбүүхэн ямар бэ?

Аялган абяануудые тэмдэглэhэн үзэгүүд доогуур зурая.

Мүнөө дэбтэрнүүдээ һэлгэлдээд, ажалаа шалгая. (6 слайд)

( самбарта жэшээтэ харюу).

Өөрынгөө дэбтэр абагты. Хэндэ нэгэшье алдуу үгы байгааб, ногоон карандашаар тэмдэглэе. 1-2 алдуу-шара, ядараа һаа- улаан.

• Хүршын хүбүүхэн тухай шүлэг.

• Туhатай, бэрхэ, хөөрхэн, өөрэхэн.

Бэеэ һорилго

1,2 – би hуунаб,

3,4 – гараа үргэнэб,

5,6- би бодоноб,

7,8 – би хэлэнэб,

9,10 – би hуунаб.

VI.Бэхижүүлгэ.

Мүнөө номоо нээгээд, дүримтэй танилсая. ( 32-33 хуудаhан)

Удаадахи даабари дүүргэе.

Энэ даабари дүүргэбэл, өөрыгөө сэгнэгты даа.

Дүримүүдые уншана.

VII. Сэгнэлгэ

Мүнөө өөрыгөө иимэ карточканууд дээрэ сэгнэе. Мүнөө хоёр хоёроор хүдэлэе. Карточканууд соо үгэнүүд бэшээтэй. Эдэ үгэнүүд соо улаан карандашаар аялган үзэгүүдые оложо, доогуурнь зурагты.

Карандашаа абаад, яажа энэ даабари дүүргээбииб гэжэ өөрыгөө хүн бүхэн сэгнэгты

Хэндэ нэгэшье алдуу үгыб?

Үхибүүд карточканууд соогоо даабари дүүргэнэ.

Үхибүүд шалгана.

VIII. Хэшээлэй

дүн

Хэшээлдээ юу мэдэхэ ба шадаха болообта?

Зүбөөр аялган абяан хашалган абяанhаа илгааруулжа һураабди, үгэнүүд соо шэлэжэ hураабди.

IX. Гэрэй даабари

Гэрэй даабари 32 хуудаhан 51 даабари. Зураг дээрэ мориной зэмсэгүүдые уншажа, шэнэ үгэнүүдые сээжэлдэжэ, даабари дүүргэхэ.

Үхибүүд зурагуудые абана.