Конспект урока на тему "Числительное"

Муниципальное казённое общеобразовательное учреждение

«Каякентская СОШ № 1»

Конспект урока

Класс: 6

Предмет: родной язык

УМК» : учебник «Родной язык 6-7 класс» Хангишиев Ж.М.: «Издательство НИИ педагогики», 2005 г.

Тема: «Числительное. Виды числительных»

Образовательная технология: развивающая технология, здоровьесберегающиие технологии, игровые технологии.

Учитель: Арсланбекова Гулькиз Эминовна

Дарсны темасы: Санавлукъ. Санавлукъланы бёлюклери.

Простой ва къошма санавлукълар.

Дарсны муратлары:

1.Санавлукъну гьакъында билеген англавларын яшланы ачыкъ этмек, алдагъы дарсларда алгъан билимлерин беклешдирмек. Оьзбашына юрюлюген ахтарыв ишни натижасында янгылыкъланы уьйретмек.

2.Оьзбашына билим алдырмакъ, гьакълашыв ва пайдалы маълумат топлав имканлыкъларын яшланы оьсдюрмек.

3.Яшланы тил культурасын артдырмагъа , чебер сезивню тарбияламагъа уьйретив.

Къурулушуна гёре дарс – янгы дарсны англатыв дарс.

1.Къурум мюгьлет.

Сынавун мекенлешдирив, токъташдырыв.

1 Слайд.

Атам къойланы къыркъа.

Бабишлер кёлде юзе.

Яшлар, жумлаланы охугъуз, язып алыгъыз, ичиндеги сёзлеге тергев беригиз, санавлукълар булан байлавлу сёзлени язып алыгъыз, нечик этилгенни ачыкъ этип айтыгъыз.

Яшлар айталар.

Къыркъа (не эте?) – ишлик - баш къалиби –къыркъмакъ.

Тамуру - къыркъ – санав англата ( сорок). Бир сезден этилген, шо саялы да простой санавлукъ бола.

Юзе (не эте?) баш къалиби – юзмек, тамур юз – санав англата(сто)

Бу да – бир сёзден этилген.

Анай яшлагъа он беш китап алды.

Он беш деген санавлукъ эки сёзден этилген, шо саялы къошма санавлукъ бола.

Яшлар тюз жаваплар бердигиз.

Слайд 2.

1. Йигирма беш яш юртда къалажакъ.

2.Уьчев дарсда яза.

3. Алтынчы класны охувчулары музейге барды.

Яшлар тергев бересиз жумлалагъа.

Биринчи жумланы охуйбуз. Санавлукъну табабыз

Йигирма беш (нечакъы?) жумлада белгилевюч, къошма анавлукъ.

Русча булай санавлукълагъа сложные числительные деп айтабыз.

Экинчи жумладагъы санавлукъ – уьчев- иеси болуп гелген, бу простой, жыйылыш санавлукъ.

Уьчюнчю жумлагъа тергев бериле.

Санавлугъу – алтынчы (неченчи?) простой, гезик санавлукъ - порядковые числит. деп айтабыз русча.

Яхшы, яшлар, сиз арив жаваплар бердигиз.

Бары жумлаларда къоллангъан санавлукълар тюрлю –тюрлю рольланы кюте.

Слайд 3. Суратгъа тергев беригиз.

Авуздан жумлалар къурабыз, санавлукъланы да къоллама герек бола.

Яшлар тюз жаваплар бере.

Физмюгьлет.

Слайд 4. Савлукъ сюйсенг, таза тур, эринмей къолларынг жув.

Бояма парталаны, йыртма китапларынгны.

Слайд 5.

Дюньяланы ачагъан

Алтын ачгъыч – ана тил.

Адам болмагъа сюйсенг,

Башлап ана тилни бил!

Текстге тергев бериле.

Нени гьакъында айтылагъанны ачыкъ этиле (ана тилге бакъгъан сююв гёрюне...)

Бу сатырланы ичинде санав булан байлавлу сёз бармы экен?

Яшлар айталар – алтын деген сезню ичинде къайсы санавлукъ бар? --6

ол простой, неге тюгюл бир сёзден этилген.

Слайд 6. Ребуслар яда ребуслу жумлалар.( Яшырылгъан санавлукъланы излейик)

Яшны сюзе (100), бирев (1) айтгъанны, итти беки (2), алтын (6)сагьат,

гюч (3) бере.

Анам сюзгючню илди. ( 3)

Тананы мююзю сынды. ( 100)

Слайд 7. Бёлюклер булан ишлев.

Ким кёп «тил » деген сёз булан байлавлу айтывлар язажакъ.( ичинде санавлукълар болсун) …

Рефлексия.

Яшлар, бугюнгю дарс сизин кепигизге гелдими?

_Яшлар айталар.

Яшлар, сиз дарсны не ерин ушатдыгъыз?

Яшлар айталар.

Дарсны къайсы ерин бек ушатдыгъыз? Не учун кепигизге гелди?

Яшлар айталар.

Яшлар, мен сизге арив рази къалдым, яхшы ортакъчылыкъ этдигиз .Гёк тюсдеги карточкалар – « 4», Къызыл тюс – «5» къыймат.

Слайд 8. Уьйге иш.

Санавлукъланы такрарлайсыз, язмагъа иш адабият асарлардан санавлугъу булангъы беш жумла язасыз, беш къыймат салгъанларым «Яшырылгъан санавлукълары» булангъы дерт-беш жумла язажакъ.(Юз сугъарма – гюз сугъар.)

Дарс битди, кёп савболугъуз!