Муниципальное бюджетное общеобразовательное учреждение
«Доргелинская СОШ №1»
Конспект урока
Класс: 8
Предмет: родной язык
Тема: «Неопределённо-личные предложения»
Образовательная технология: развивающая технология, здоровьесберегающиие технологии, игровые технологии.
Учитель: Койчакаева Ажа Абдуллаевна
Дарсны темасы: «Бир бёлюклю жумлалар. Белгисиз бетли жумлалар».
Дарсны муратлары:
1.Бир бёлюклю жумлаланы гьакъында билеген англавларын яшланы ачыкъ этмек, алдагъы дарсларда алгъан билимлерин беклешдирмек. Оьзбашына юрюлюген ахтарыв ишни натижасында янгылыкъланы уьйретмек.
2.Оьзбашына билим алдырмакъ, гьакълашыв ва пайдалы маълумат топлав имканлыкъларын яшланы оьсдюрмек.
3.Яшланы тил культурасын артдырыв, чебер сезивню тарбиялав.
Къурулушуна гёре дарс - къошулчан дарс.
Дарсны барышы:
1.Къурум мюгьлет.
Сынавун мекенлешдирив, токъташдырыв.
1 Слайд.
Миллетим, диним булан
Яшав ёлун оьтгенмен.
Аявлу ана тилим,
Сени булан оьктеммен.
--Яшлар, сатырланы охугъуз, шиърудан алынгъан гесекдеги хабарлыгъы нечик этилген, ачыкъ этип айтыгъыз.
Яшлар тюз жаваплар бере.
Яшав ёлун оьтгенмен – хабарлыгъы 1 бетде, теклик санавда.
Къайсы жумла болажакъ? Бир белюклю.- Белгили бетли.
Сени булан оьктеммен -- хабарлыгъы 1 бетде, теклик санавда
Бир белюклю.- Белгили бетли.
Шулай жумлалагъа къумукъ тилде белгили бетли жумлалар деп айтыла.
Яхшы, яшлар.
Бирдагъы сатырланы эсге алайыкъ, ичиде бир бёлюклю жумлалары булангъы,ойлашыгъыз ( Оьзбашына иш)
Анам йимик аявлап, ана тилим сюемен.
Тилибизни абурлайыкъ, якълайыкъ!
--Яшлар айталар, бир-бирин тергейлер.
Бары да жумлалардагъы хабарлыкълар 1 бетде, текликде ва кёплюкде гелген.
Булай жумлалардан къайры , булагъа ошайгъан бирдагъы жумлалар бар.
2 Слайд.
Тюнегюн Атавлагъа таш текдюлер.
Яшлар жумлагъа тергев беригиз. Хабарлыгъы нечик этилген?
Хабарлыгъы 3 бетде, кёплюкде.
Яшлар жавап бере. ----- текдюлер.
Натижа чыгъарыла:
Эгер хабарлыгъы 3 бетде, текликде яда кеплюкде буса, ишни де ким мекенли тюгюл буса, шолай жумлалагъа белгисиз бетли жумлалар деп айтыла.
3 Слайд. Бизин орамлагъа асфальт этдилер.
Буу жумланы хабарлыгъы 3 бетде, кеплюк санавда, шо саялы да булай жумлалагъа белгисиз-бетли жумла деп айтыла.
4 Слайд .
Алиге савгъат берген экен.
Бу жумланы хабарлыгъына тергев беригиз.
Берген экен – хабарлыкъ 3 бетде, текликк санавда.
Белгисиз бетли жумлалар бола.
Янгы дарсны беклешдирив иш.
Китап булан ишлев, правило булан таныш болув.
Тапшурув №144 ( языв иш)
Яшлар, интерактивный доскадагъы электронный таблицагъа тергев беригиз, шонда бир бёлюклю жумлаланы таблицасы бериле.
Бары да шо биз эсгерген жумллаланы баш уьюрю къайсы баш уьюрден этилген?
- Яшлар жавап бере (хабарлыкъдан)
Оьзбашына ишлев.
5 Слайд . Шулай жумлалар бар:
1.Юз сугъарма – гюз сугъар.
2.Школагъа алгъасайман.
3. Шагьаргъа баралар.
Таблицаны ичин толтурмакъ ( жумлаланы номерлерин салмакъ)
Белгилер шулайлары къоллана:
Б 1 -- белгили бетли жумла
Б 2 – белгисиз бетли жумла
Б 3 – бетсиз жумла
О/Б – ортакъ бетли жумла
Тюз жаваплар булангъы таблица:
Китап булан ишлев. Тапшурув.
Белюклеге гёре ишлев.
1 бёлюк «Ким кёп охувну гьакъында айтывлар язажакъ»
Яшлар ишлей, астаракъ макъам согъула.
Яшланы ишлери тергеле.
Слайд 6. Суратлар бар, шолагъа къарап яшлар жумлалар къурмакъ учун кёмек гьисапда.
Яшлар, сизге мен разимен, неге тюгюл де эки де бёлюкню ортакъчылары яхшы ишледи.. Жавапларыгъыз тенг болду. Сизге блокнотлар савгъат этемен.
Рефлексия.
Яшлар, сиз дарсны не ерин ушатдыгъыз?
Сизге не ерде яхшы болду?
Дарсны къайсы еринде четимликлер ёлукъду?
Дарсны сиз ушатдыгъызмы?
Яшлар айта:
Белюклер булангъы иш оьтгерегенде бек къужурлу эди, макъамгъа тынглайгъаныкъ дагъы да яхшы болду.
Шиърулардан алынгъан гесеклер кепибизге гелди, ана тилни гьакъындагъы сатырланы ушатдыкъ.
Кёп савболугъуз, яшлар.
Уьйге иш.
Тапшурув № 145 ( бары да яшлагъа), Марьямт, Анай, Разият адабият асарлардан белгисиз бетли жумланы язып аласыз.
Дарс битди, савболугъуз!
822
69 642 
