Конспект урока по родному (крымскотатарскому) языку "Строчная и заглавная буква С, с, обозначающая согласный звук. Слова вежливости"

Дата:17.11.2020г Урок №11 Класс:1

Предмет:родной( крымскотатарский) язык Учитель: Аппазова Э.Н.

Тема: Строчная и заглавная буква С, с, обозначающая согласный звук. Слова вежливости.

Мевзу: С арифи. Тутукъ сеслер. Тербиевий сёзлер.

Макъсат:

С,с арифлерни язмагьа огретмек.

С арифни башкъа арифлернен багьлав.

Сес-эджа талиль къабилиетлерини мукеммелештирмек. Балаларнынъ нутукъларыны инкишаф этмек.

Дикъкъат, гьайрет, язувда джыйнакълыкъ тербиелемек.

Дерснинъ донатмасы: язув ве лугъат дефтери, ресимлер, арифлернинъ нумюнеси, тахта,ноутбук.

Дерснинъ чешити:янъы дерс

Дерснинъ кетишаты.

1. Тешкилий дакъкъа.

2. Таянч бильгилерини актуаллештирюв.

1. Субет.

• Хатырланъыз, окъув дерсинде насыл арифни огрендик?

• Онынъ акъкъында не айта билесинъиз? Онынъ толу характеристикасыны беринъиз.

2. Сёзлернинъ сес-эджа талили,

Эки сёз тренге отурмагъа ашыкъа, чюнки о тезден ёлгъа чыкъаджакъ. Отургъанда сёзлер эджаларыны джойдылар. Оларны джыймакъ керек. Риджа этем, ярдым этинъиз.

- «САНА», «УСТА» сёзлерни талиль этинъиз ве схемаларыны тизинъиз.

1. Дерснинъ мевзусыны ве макъсадыны еткизюв.

2. Янъы мальземени анълатув.

1. Уфакъ с арифнинъ язылувыны талиль этюв ве анъ­латув.

У факъ с арифи - бу сагъ тарафлы яры овалдыр.

Иш сатырнынъ ашадаки сызыгъындан азчыкъ ашада язмагъа башлаймыз, тёпеге сол тарафкъа тёгереклеп, иш сатырнынъ усттеки сызыгъына токъунамыз ве иш сатырынъ ашадаки сызыгъынадже тюшемиз. Сонъра сагъ тарафкъа тёгереклеп, иш сатырнынъ орталарында язмагъа битиремиз.

Бойле тактнен языла: «Ве-бир-ве».

1. Пармакъ гимнастикасы.

Сепет

Мен дагъгъа сепет алам

Ве мантар онъа джыям.

1. Мустакъиль язув.

2. Уфакъ с арифни уфакъ а арифнен берабер язув.

3. «Сана», «уста» сёзлерни тахтадан кочюрип язув.

4. Физдакъкъа.

«С» сесини эшиткенде элъчарпма япынъыз.

Саат, козьлюк, сабун, кестане, къуш, сансар, фес, сепет, япракь.

1. Баш С арифнинъ язылувыны талиль этюв ве анълатув. Баш С арифнинъ шекили уфакъ с арифке бенъзей, Бу - сагъ тарафлы ярыовал. Тёпедеки ара сатыр сызыгьындан ашаджа язмагьа башлаймыз, онынъ тюбюнде тёгереклеп, тёпеге ве сол тарафкъа язамыз.Сонъра тёгереклеп, иш сатырнынъ ашадаки сызыгъына тюшемиз, мында сагъ тарафкъа тёгереклеп, иш сатырнынъ орталарында язмагьа токътаймыз.

Бойле тактнен языла: «Ве- бир-ве».

1. Мустакъиль язув.

2. Баш С арифни уфакъ с арифнен ве башкъа арифлернен берабер язув.

3. Нутукъ инкишафы. Язув дефтерде олгьан ресимлер эсасында джумлелер тизюв.

1. Рефлексия.

2. Дерснинъ нетиджеси.

– Насыл арифни язмагъа огрендик?

– О насыл сес бильдире?

– Теркибинде с сеси олгъан сёзлерни айтынъыз.