Конспект утренника"Наш Коста"

« Базонгæ уæм Къостаимæ »

Залы Къостайы портрет. Ауыгъд Къостайы конд нывтæ. Ирон фæндыры цагъдмæ, кæстæр къорды сывæллæттæ залмæ æрбацæуынц, сæ бандæттыл æрбадынц.

Слайд №1 (портрет)

Амонœг: Уæ бон хорз ,сывæллæттæ, хъомылгæнджытæ!

Сывæллæттæ, абон цавœр бœрœгбон у, уый зонут ? Зынаргъ сывæллæттæ, абон у Хетæгкаты Къостайы гуырæнбон.

Слайд № 2 (Нары хъæу)

Райгуырд бæрзонд хохаг хъæу Нары .

Слайд №3 (йæ мад æмæ фыд)

Йæ мад – Гуыбаты Мария, раджы амард æмæ Къоста баззад сидзæрæй. Йæ фыд Леуан та уыд паддзахы ӕфсады афицер.

Слайд № 4 (чиныджы ныв )

Къоста фыста æмдзæвгæтæ, радзырдтæ, нывтæ кодта. Мæнæ къулыл цы нывтæ ис, уыдон Къостайы конд сты.

Слайд № 5 ( йæ нывтæ )

Зарæг « Нæхи Къоста»

Амонœг: Къоста тынг бирæ уарзта сывæллæтты, ныффыста сын бирæ дзæбæх æмдзæвгæтæ : «Гино», «Уасӕг», «Зӕрватыкк» , «Скъолайы лӕппу», «Фыдуаг». Сыв-тӕ бацӕттӕ кодтой Х. Къостайы ӕмдзӕвгӕтӕ,байхъусӕм ма сӕм.

Слайд № 6

«Гино».

Гино, гино, гис!

Иу гæды нæм ис,

Хъарм фæлмæн кæрц дары,

Къонайыл хуыссы,

Аргъæуттæ мысы,

Хъал зæрдæйæ зары...

Слайд № 7

«Скъолайы лæппу»

 — Кæй фырт дæ?
 — Толайы.
 — Кæм уыддæ?
 — Скъолайы,
Алыбон дæр дзы вæййын.

Фæкæсын а-бе-тæ,
Фæфыссын бе-ве-тæ,
Ахуыр кæнынмæ бæллын.

Слайд № 8

«Фыдуаг»

О, цъиусур, ма мæм дзур!
О, рувас, ма мæм уас! —
Хуысгæ ма кæнын.

О, цæргæс, ма мæм кæс!
О, тæрхъус, ма мæм хъус! —
Кæрдзыныл кæуын!

Слайд № 9

-Нæ лæппутæ бæхтыл куыд тахынц, уымæ бакæсæм.

Хъазт « Бœхтыл дугъ»

Слайд № 10

«Уасæг»

О, уасæг, уасæг,

Сызгъæрин къоппа!

О, уасæг, уасæг,

Сырхзæлдаг боцъо!

Куыд раджы фестыс,

Куыд хъæрæй зарыс?

Нæ буц лæппуйы

Хуыссын нæ уадзыс!

Слайд №11(фæззæджы ныв)

Хъазт «Фæззæджы лæвæрттæ»

( Хицæн чыргъæдтæм равзарын дыргътæ æмæ халсартæ)

 Амонœг: Къостайæн никуы ферох уыдзæн йæ ном. Мах стæм тынг амондджын адæм, кæй нын ис æмбисонды Къоста. Къоста уыд сæрибармæ сидæг.

Слайд №12( Къоста)

Балцы зарӕг» ( иууылдæр иумæ)

Цӕйут, ӕфсымӕртау раттӕм нӕ къухтӕ

Абон кӕрӕдзимӕ, Иры лӕппутӕ!

Скӕнӕм нӕ тырыса дзыллӕйы номӕй,

Рухсмӕ ӕнӕзивӕг цомут ӕнгомӕй!

Амонœг: Ныр та ахъаздзыстœм пуртитæй. Кæрæдзийы ныхмæ æрлæууæм дыууæ рæгъæй . «Ратул пурти мæнмæ, стæй та æз дæумæ»

Амонœг: Нæ бæрæгбон кæронмæ æрхæццæ.

Сабитæ, æнæнизæй амондимæ бахъомыл ут, уарзут Къостайы , Ирыстоны ! Хистæрты фæндиаг ут!