Конспект урока .Крымскотатарский язык 3 класс. Тема " Созукъ ве тутукъ сеслер"

Къырымтатар тили. 3-нджи сыныф

Мевзу: Созукъ ве тутукъ сеслер.

Макъсад: талебелерге созукъ ве тутукъ мевзуда чалышмакъ ичюн шараитлерини яратмакъ,

созукъ ве тутукъ сеслер устюнде чалышкъаны девам этмек,метиннен чалышмакъ,къырымтатр тильге севги ашламакъ.

Дерсин донатмасы: тахта,китап ,карточкалар,таблица,мультимедио тахта.

Дерснинъ кетишаты:

1.Тешкилий дакъкъа

Оджа талабелернен селямлаша. Оларнынъ дерске азырлыггъыны тешкере.

Шенъ чанъ къакъылды,

Дерске сизлерни чагъырды.

Дерсте сизлер динълейджекмиз,

Ве фикирни юрсетеджекмиз.

-Дерске насыл кейф иле кельгенинъизни корсетинъиз

-Дефтерлеринизни ачынъыз ве бугуньки насыл куню ве « Сыныф иши» язынъыз

2. Янъы мевзу

-Дерснинъмевзусыны исе бугунь озюнъиз бельгилейжексинъиз.

-Тахтада не коресиз? ( тахтада тюрлю арифлер язылгъан)

-Оларны айтынъз.

- Не эшитемиз.?

-Сесле насыл эки группагъа болюне?

-Созукъ сеслерни айткъанда ава агъызымыздан насыл чыкъа?

-Тутукъларны исе?

-Демек бугунь бизлер дерсте не акъкъында лаф юрсетеджекмиз?

-Догъру. Созукъ ве тутукъ сеслер акъкъында.

3 . Темиз язув дакъкъасы

Тахтада язылгъан арифлерни окъунъыз. ( тахтада язылгъан А О И Е Ю Я )

-Тек овал элемент олгъаны язынъыз.

Экинджи сырада ,тек ана тильде олгъаныны язынъыз ( КЪ ГЪ ДЖ НЪ)

Джошкъун сезюни язалар . Эджагъа болелер,сез бирикмелерини тизелер.

-Бутюн арифлерни насыл эки балабан группагъа больмек мумкюн?

-Созукъ арифлерни не бирлештире?

-Сеслер эки тюрлю ола: созукъ ве тутукъ.Языда сеслер къавуслар ичине алыныр [ ]

Къаиденен таныш олалар ( с. 20)

-Дерсте насыл макъсатларны огюнюзде къояджакъсыз?

4. Лугъатлы иш.

Тапмаджаларны тапынъыз ве дефтерге эджаларгъа болюп джевапларыны язынъыз.

а) Ер астында чипчели тавукъ? ( къартоп)

б) Кучючик юрт,

ичи толу къурт? ( къабакъ)

в)Урбасы чокъ , дегмеси екъ? ( къапыста)

-Бу себзелер не вакъыт пише?.Да насыл тапмаджаларыны билесиз?

4. Китапнен иш.

19 с. 33-нджи иш

Талебелер шиирни окъуйлар.

-Шаир кузьни насыл тасвирлей?

«Алтынъ мевсим» ибаренинъ манасыны анълатынъыз.

«Кузь» сезюнде къач сес ве къач ариф бар, айтынъыз.О, языда насыл арифнен косьтерильген?

-Балалар! Бу не демектир? Не вакъыт ойле айтыла.? Тымар эмеги къайнай

Чайникте сув къайнай

Талебелер фикирлерини айталар, джумлелер тизелер.

Бегенген джумлени дефтерге язалар.

5. Раатлыкъ дакъкъасы .

Ербучыкъ айванчыгъы.

Елакълы пыджачыгъы.

Ербучыкъ эрте тура,

Яначыкъларны юва.

Эвчигини сипире ,

Сонъра азбаргъа кете

бир ,эки бир, эки

Еринде о секире

Дерт ,беш, алты, еди

Ербучычек болдурды.

6. Группада иш .

Балалар группагъа болюнелер.

- Бакъынъыз , ралелерде сизлерге вазифелер бар.

Халиль багъчеван оладжакъ.О, къартбабасынен багъчада чалышмагъа пек севе. Олар баарьде ______ къазалар, тереклерни пытайлар. Къазылгъан ________ ташларны джыйып алалар ве олардан елчыкъ япалар .Сонъ ________ сарымсакъ, согъан, бибер, хыяр

экелер.

Кузь кельген сонъ буюк берекет джыялар.

Къартбабасы ве Халиль пек къуваналар.

1-нджи группа

-Керекли сезюни язынъыз.

-Халиль ким олмагъа истей?

-Халиль къартбабасынен баарьде багъчада не япа?

-Къазылгъан топракъкъа олар не екелер?

-Олар неге къуваналар?

-Метинде къач джумле бар ?

-Созукъларнынъ тюбюни сызынъыз.

-ГЪ КЪ ДЖ НЪ сеслер олгъан сезлерни ешиль къарандашнен сыз.

2-нджи группа

-Биринджи джумледе баш азаларыны сыз.

-Сатырдан сатыргъа авуштурмакъ олмагъан сезлерини, къырмызы къарандашнен сыз.

-Серлева къойныз.

бибер -сезюни талиль яп.

-Талебелер джевапларыны айталар.

7. Раатлыкъ дакъкъасы

Оджа мультимедио тахтада предметли ресимлер косьтере .Сезлер созукъ сеснен башланса къолларыны котерелер, тутукъ сеснен - тарафларгъа къоялар( лимон, тахта, аюв, учакъ, топракъ, кобете, цирк.и т.д.)

8. Мустакъиль иш.

35- мешгъулиетни язалар.

9. Нетидже. Рефлексия.

-Балалар , биз бугунь насыл мевзуда субетлештик?

- Арифлерни догъру ерлештир. Мультимедио тахтада иш.

А Д О Р В ГЪ ДЖ У С Р Ч Г Л Ю Я Ы М Н Ц ( и т.д.)

- Кимге бугунь дерсте эр шей анълашлы олды, ве меракълы эди, тебессюм иле смайликни котеринъиз

- Бу мевзуда даа чалышмакъ керек олгъанлар исе тюшюнджели смайликни котерелер.

10.. Эв вазифеси

Къаидени огренмек (20 с.) 1-нджи группа «Кузь» акъкъында 6 джумле тизмек.

2-нджи группа «Берекет» акъкъында .Созукъ сеслерни ифаделеген арифлернинъ тюбюни сызмакъ.