Крымскотатарский язык "Виды предложений по цели высказывания"

Этапы урока

Деятельность учителя

Деятельность учащихся.

Дерске азырлув

Чанъ къакъылды

Талебелер сыныфкъа кирди

Дефтер ве китапны ралеге къойды.

Бир бирине кульди

Яваштан отурды

Дерске азырланалар (слайд1)

I.Эв вазифесиин тешкерюв.

- Эвге насыл вазифе берильген эди? Эв вазифени насыл беджергенинъизни тешкерейик.

- Мешгъулиетте насыл вазифе энъ къыйын эди? Сизге нелер ярдым этти?

- Балалар, япкъан ишлеринъизге къыймет кесинъиз.

Талебелер эвде беджерген мешгъулиетни айталар.

Оджанынъ суалине джевап берелер. Тизген джумлелерни окъуйлар.

II.Дерсте чезиледжек меселени къоюв.

- Дерсликлерни ачынъыз. Насыл мевзунен таныш оладжакъмыз?

- «Джумленинъ макъсады» ибарени насыл анълайсынъыз?

- мына айны бу суальге биз бугунь джевап береджекмиз.

«Макъсадына коре джумлелернинъ чешитлери»

Оджанынъ суаллерине джевап берелер. ( слайд2)

III.Темиз язув дакъкъасы.

- Балалар, тахтагъа дикъкъатнен бакъынъыз. Бугунь биз насыл арифлернинъ язылувыны текрарлайджакъмыз?

Къ къ

Оджа арифлернинъ элементелри насыл багълангъанларыны анълата ве косьтере.

Къ арифинен сёзлер языла, джыумле тизиле. Джумленинъ бириси дефтерде языла.

- Джумлени даа бир кере окъунъыз.

Къартоп векъапыста бостанда оселер.

Талебелер буюк ве кучюк Къ ек ъ арифлерини язалар.

Оджаны динълейлер.

Гузель язылгъан арифлерни къайд этелер.

Оджанынъ суаллерине джевап берелер. ( слайд 3)

IV.Янъы мевзуны огренюв.

Дерсликнен иш.

- Дерсликте … мешгъулиетни тапынъыз. Окъунъыз. Бу мешгъулиетте не япмакъ керек?

- Суаль дуйгъунен айтылгъан джумлени тапынъыз. Бу джумлени насыл окъуйджакъсынъыз? Джумледе насыл сёзлерни кучьлю дуйгъунен окъудынъыз? Не ичюн?

- Суаль манасы олгъан джумле – суаль джумле деп сайыла, сонъунда суаль ишарети къоюла.

- Бир де бир шей акъкъында хабер этильген джумлени тапынъыз.

- Джумлени окъунъыз.

- Бир шей акъкъында хабер этильген джумлеге икяе джумле дейлер. Бойле джумленинъ сонъунда нокъта къоюла.

- Бир де бир инсангъа мураджаат этильген джумлени тапынъыз.

- Не мураджаат этелер?

- Бойле джумлелер – эмир джумлелердир. Оларнынъ сонъунда нокъта къоюла.

Талебелер вазифелерни беджерелер.

Суаль джумлени окъуйлар.

- Джумледе бу сёз суальни бильдире.

- Бу джумлени биз суаль интонациянен окъуймыз.

- Бу джумлени биз сакин сеснен окъуймыз, джумленинъ сонъунда сес алчакълаша.

- Бу джумледе мураджаат этильген сёз виргульнен ве сеснен къайд этиле. ( слайд 5)

Физдакъкъа. Козьлер ичюн гимнастика.

Талебелер «даире», «квадрат» шекилинде козьлерини айландыралар, кошелерге бакъалар.

Талебелер физдакъкъа мешгъулиетлерини беджерелер.

Раатлыкъ дакъкъасы

Кокте къушлар учалар

Тереклерден япракълар тюшелер

Балалар мейданда ойнайлар

Бир бирине къуваналар.

Талебелер мевзуны япалар.

2. Чифт ве индивидуаль мешгъулиетлер.

- Бир къач талебе карточкаларнен чалышалар. Олар джумлелер арасындан суаль, икяе, эмир джумлелерини къайд этелер. Озь япкъан ишлерини анълаталар.

- «….» - икяе джумле, чюнки бу джумледе бир шей акъкъында хабер этиле, сонъунда нокъта къоюла.

- «….» - суаль джумле, чюнки бу джумледе бир шей акъкъында сорала, сонъунда суаль ишарети къоюла.

- «…» - эмир джумле, чюнки бу джумледе мураджаат этиле, сонъунда нокъта къоюла.

Талебелер дерсликнен чалышалар, вазифелерни беджерелер, суаллерге толу джевап бермеге тырышалар.

Озь фикирлерини музакере этмеге огренелер.

3. Дерсликнен иш.

Мустакъиль иш.

- Дерсликлеринъизде …. Мешгъулиетни тапынъыз. Вазифени окъунъыз ве беджермеге азырланынъыз.

Талебелер мустакъиль алда дерсликтен мешгъулиетни беджерелер. Оджагъа суаллер берелер.

4. Чифтли чалышув

Карточка . «Сез джоюлды» Джумлелерге сёзни язынъыз.

Талебелер чифтли чалышалар ( слайд6)

V.Дерснинъ нетиджеси.

- Бугуньь дерсте биз насыл мевзу боюнджа чалыштыкъ? Джумлелер макъсадына коре насыл олалар? Бу джумлелернинъ сонъунда насыл токътав ишаретлери къоюла?

- Тахтада язылгъан джумлелерни окъунъыз. 1 сыра эмир джумлелерини, 2 сыра икяе джумлелерини, 3 сыра суаль джумлелерини кочюрип язынъыз.

Бири-бири дефтерлеринъизни тешкеринъиз.

Суаллерге джевап берелер, озь фикирлерини тасдикълайлар.

Оджа берген вазифенеи беджерелер. Бири-бирининъ дефтерлерини тешкерелер. ( слайд7)

VI. Эв иши.

Эв ишини анълата,3 джумле мектеп акъкында язмагъа.

Оджа анълаткъанларын динълейлер. Суаллер берелер.