Күн менен Сур булуттун кармашы

№

Негизги компеттенттүүлүктөр

№

Предметтик компеттенттүүлүктөр

1

Маалыматтык (НК 1): өз ишин пландаштырат, маалыматты пайдаланат, маалыматты максатка багыттап изденет, салыштырат, чечимдерди кабыл алат.

1

Тыбыш жана тамга менен иштей алуу компетенттүүлүгү (К1): тыбыш жана тамганы жазууну камтыйт.

2

Социалдык-коммуникациялык (НК 2): башкалар менен мамиле түзөт, сүйлөшө билет, маектешет, бири бирин баалайт, сөз байлыгы өсөт, өз оюн айтат, башкаларды уга билет.

2

Окуй алуу компетенттүүлүгү (К2): окуу ылдамдыгын, туура жана кѳркѳм окууну өзүнө камтыйт.

3

Өз ишин уюштуруу жана көйгөйлөрдү чечүү (НК 3): өз алдынча иштейт, көнүгөт, машыгат, өз ишин талдап, баа берет, жөндөмдүүлүккө, билгичтикке каалоого ээ болот.

3

Сөз байлыгы менен иштей алуу компетенттүүлүгү (К3): сүйлөөнү жана жазууну камтыйт.

4

Сүйлөм, текст менен иштей алуу компетенттүүлүгү (К4): пунктуацияны жана жазууну камтыйт.

5

Аң-сезимдүү окуу, угуу жана адабий түшүнүктөр менен иштей алуу компетенттүүлүгү (К5): окуганын түшүнүүнү, талдоо, баалоо иш-аракеттерин жана жазууну камтыйт.

Сабактын максаты

Күтүлүүчү натыйжа

1

Билим берүүчүлүк

Чыгарма тууралуу маалымат алышат, жаратылыштын мыйзам ченемдүүлүнүн биздин жашообуздагы маанисин түшүнүшөт.

Чыгарма тууралуу маалымат алышса, жаратылыш мыйзвм ченемдүүлүктөрүнүн биздин жашообуздагы маанисин түшүнүшсө.

2

Өнүктүрүүчүлүк

Өнүктүрүүчүлүк: Суроолорго так, туура жооп берүү,  элестетүү, кабыл алуу  көндүмдөрү өнүгөт.

Суроолорго так, туура жооп берүү,  элестетүү, кабыл алуу  көндүмдөрү өнүксө.

3

Тарбия берүүчүлүк

Достукка, бири-бирин урматтоого, сыйлоого тарбияланышат.

Достукка, бири-бирин урматтоого, сыйлоого тарбияланышса.

Сабактын этабы

(убактысы)

Мугалимдин ишмердүүлүгү

Окуучулардын ишмердүүлүгү

Негизги компетенттүүлүтөр

(НК)

Пред-ттик компетенттүүлүктөр

(ПК)

Баалоо

Уюштуруу-чулук:

Сабакты уюштуруу:

1. Саламатыңарбы балдар! Маанайыңар кандай, бүгүгкү сабакка жакшы даярдандыңарбы?
2. Балдар келгиле класс ичиндке жагымдуу маанай жаратыш үчүн сабак башында ар бирибиз бири-бирибизге комплимент айтабыз.
3. Бүгүн биздин класста ким дежур? Класстагы окуучулардын катышуусу кандай?

1. Мугалим менен саламдашышат, берилген суроолорго жооп беришет.(Ырды чогуу айтуу менен)
2. Берилген тапшырманы аткарышыт, жагымдуу маанай жаратышат.
3. Дежур окуучу: класс тууралуу малымат берет жб.

НК2

К3

Үй тапшырма-сын текшерүү:

Көктөм ыры

           Бардык-бардык өсүмдүк,

           Бардык-бардык жаныбар,           

           Күтө-күтө көркөмдү,

           Абдан-абдан сагынар.

          Аппак-аппак булуттар,

          Бийик-бийик асманда

          Көчүп-көчүп баратат,

          Алыс-алыс жактарга.

         Чексиз-чексиз талаалар,

         Күнлө-күндө кулпунат.

         Шаңдуу-шаңдуу ыр менен,

         Кучак-кучак гүл сунат.

(Ырды жатка, көркөм айтуу)

Ар бир окуучу мугалимге ырды жатка, көркөм айтып берет.

НК2, НК3

К2

 Жыйынтыктоочу баалоо

Окуучулар-дын билимин актуалдаштыруу:

Балдар биздин бүгүнкү өтө турган темабыз абдан кызыктуу жана тарбиялык мааниси чоң тема.

Биз андан көптөгөн жакшы нерселерди өзүбүзгө алып калууга аракет кылышыбыз керек.

Бүгүнкү сабактын максаты:

Билим берүүчүлүк: Чыгарма тууралуу маалымат алышат, жаратылыштын мыйзам ченемдүүлүнүн биздин жашообуздагы маанисин түшүнүшот.

Өнүктүрүүчүлүк: Суроолорго так, туура жооп берүү,  элестетүү, кабыл алуу өнүгөт.

Тарбия берүүчүлүк: Достукка, бири-бирин урматтоого, сыйлоого тарбияланышат.

(Окуучуларды топторго бөлөт, командаларга темага байланыштуу ат коюлат. Күн, Сур булут, Шамал)

 Окуучулар сабактын теиамы жана максаты менен таанышышат.

Топторго бөлүнүшөт, комангаларга темага байланыштуу ат коюшат.

(Күн, Сур булут, Шамал)

НК1

К2

Жаңы теманы түшүндүрүү:

Күн менен булуттун кармашы.

Жаз мезгили болчу. Адаттагыдай эле таң эрте ойгонгон Күн нурун чачып:

   -  Эки-үч күндөн бери Жер шарын кыдырган жокмун. Кой, бүгүн кыдырбасам болбос. Эл, жан-жаныбар, бак-дарактар мени күтүп калышса керек,-деп шашып жөнөйт. Бир аз жүргөндөн кийин эле кайдан-жайдан Сур булут аайда болуп:

   -  Эй, Күн, жол болсун дейт! Шашып кайда жөнөдүң?!-дейт жолуп тороп.

   -  Эки-үч күндөн бери Жер шарын кыдыра элекмин. Барып келейинчи...  Сур булут, бир аз жыла турасыңбы, өтүп кетейин. Аябай шашып жаттым эле ,-деп суранат.

   -  Даны эмне дейсин?! Башка жерден өтө бербейсиңби,- деп жөн жооп бербей ороңдойт Сур булут.

   -  Өщүң билесиң да, мага башка дол жүрүүгө болбойт. Мен ушул жол менен гана жүрө алам. Башка жолго салсам, өз жолумдан чыгып кетем. А сен каалаган жолуң менен жүрө аласың. Тиги жакта орун кенен эле турат го! Бир аз жылып койчу, сураныч.

   -  Жок, мен эч жакка жылбайм! - деп Сур булут көгөрүп сурап туруп алат.

   -  Ай-ий, ушунчалык да көк бетсиңби? - деп Күн айласын таппай ыйлап жиберет. Күн менен Сур булут ушинтип жол ьалашып жатканда, алардын жанынан шуулдап Шамал өтүп калат. Шамал Күндун ыйлап жатканын көрүп:

   -  Ай, Күн эмне ыйлап жатасың? Сени Жердеги жандыктардын баары күтүп жатышпайбы! - дейт.

   Ошондо Күн ага болгон окуяны төкпөй-чачпай айтып берет. Каарданган Шамал:

   -  Ошондой дечи? Азыр анын айласын табам! - деп тартипсиз Сур булутту капталынан сүрүп, четке чыгарат.

   Жолу ачылганына сүйүнгөн Күн Шамалга рахматын айтып, шашкан боюнча Жерге жол тартат. Күн чыкканда жан-жаныбарлардын баары сүйүнүп, жыргап калышат.

Дамира Арстанова

(Мугалим слайддын коштоосунда жаңы теманы түшүндүрүп берет)

Мугалимдин сөзүн угат, жаңы тема тууралуу түшүнүк алышат

НК2,

НК3

К4

Бышыктоо:

1. Күн эмнеге шашты?

2. Сур булут анын өтүнүчүн аткардыбы?

3. Күн эмне үчүн ыйлап жиберди?

4. Булутту кии, кантип сүрүп чыгарды?

5. Булутка кандай баа бересиңер?

6. Жер жүзүндөгү жан-жаныбарлар Күнсүз жашоосу мүмкүнбү?

(Топторго берилүүчү суроолор)

Мугалимдин суроолоруна топтор боюнча жооп беришет.

НК2,

НК3

К3,

К5

Формативдик баалоо

Жыйынтыктоо:

Балдар бүгүнкү сабагыбыздан

Көп жакшы нернесерди өзүңөргө алдыңар деген үмүттөмүн…

Келгиле алган билимдерибизби жыйынтыктоо үсүн класстер түзүп көрсөтөбүз.

Топтор өз-өзүнчө Күн, Сур буут, Шамалга карата кластер түзүшөт.

Үй тапшырмасы:

Балдарбүгүнкү  тапшырма "Күн менен Сур булуттун кармашы" аңгемесин окуп келүү жана ушул тнмага байланышкан макалдарды жазып келүү.

Мугалимден үй тапшырманы алышат.

НК1

К1

Баалоо

Сабакка активдүү катышкан окуучуларды баалайт.

Баа алышат.

НК3

К5

Суммативдик баалоо