"Күшіктер патруліне көмек"

Оқу іс-әрекетінің кезеңдері

Тәрбиешінің іс-әрекеті

Мотивациялық-

қозғаушылық.

Балалармен сәлемдесіп, шаттық шеңберін жасайды.

Біздер жақсы баламыз

Айтқан тілді аламыз

Қонақтармен алдымен

Амандасып аламыз

- Сәлеметсіздер ме!

Ұйымдастыру

шылық-

ізденушілік

Тосын сәт:

- Балалар экранға қараңдаршы,бізге күшік хат алып келіпті. Қанеки хатты оқыйықшы

Хат:

- Сәлеметсіңдер ме, балалар! Біз сендерден көмек сұрағалы тұрмыз. Біз өз тобымызды толықтырып алғымыз келеді, бірақ көмекшілер таппай жүрміз. Біздерге көмекшілерді тауып беруге көмектесесіңдер ме?

- Балалар көмектесеміз бе? Ал хатты жіберген кім екенін білгілерін келе ме? Қараңдаршы мына хаттың ішінде қиылған суреттер бар екен, егер оларды жинасақ, хаттың иесін табамыз

(Балалар хаттағы қиылған суреттерді жинайды).

-Балалар бұл хатты күшіктер патрулі жіберген екен. Енді жолға шығып көмекке барайық.

Орнымыздан тұрайық,

Жол сапарға шығайық

Топ-топ басайық,

Көмекке барайық.

Көмектесіп болған соң

Тобымызға қайтайық

(Шеңбер бойымен жүріп, орындықтарға отырады)

- Балалар, қараңдаршы бізді күшіктер патрулі қарсы алып жатыр.

Олар өздерін таныстырғылары келіп тұр. Бәрімен жеке – жеке танысайық. Қараңдаршы олар бір-біріне ұқсамайды, түрлі иттер тұқымдарынан екенін байқаған шығарсыңдар. Енді олардың түрлерімен танысайық.

1. Крепыш- бұл иттің түрі- бульдог деп аталады. Бульдогтар ең алғаш Ұлыбританияда пайда болды. Бульдогтың денесінің қысқа болғанына қарамастан, ол салмақты - кейбір еркектердің салмағы 50 килограммға жетеді.

2. Зума- бұл иттің түрі- лабрадор деп аталады. Лабрадор – иттердің арасында ең әйгілі ит. Ол ең алғашқы рет Канада елінде пайда болды. Оның ерекшеліктері: ол 14 м тереңдікке сүңгиді, 3 секунде 20 км/сағ жылдымдықты жетілдіреді, жұмыртқаны аузымен тасып, сол қалпында әкеле алады.

3. Чейз- бұл иттің түрі- неміс овчаркасы деп аталады. Неміс овчаркасы Германияда малшылар мен фермерлерге көмек ретінде берілген қызметтік иттердің тегі.

4. Маршал- бұл иттің түрі- далмация (далматинец) деп аталады. Бұл иттердің «ресми» отаны - Далматия. Далмация - мықты, бұлшықет симметриялық денесі бар ит. Ол өте ақылды және күшті.

5. Скай- бұл иттің түрі- кокапу деп аталады. Шыққан елі АҚШ. Пудель мен коккер тұқымдарын будандастырудан пайда болған. Ол өте тапқыр және мейірімді. Сондықтан көптеген адамдар оларды үйлеріне қамқорлыққа алады.

-Балалар ит адамға не үшін қажет? (балалардың жауаптары)

- Иттер түрлі қызметтер атқарады: Бақташы иттер мал бағуға көмектеседі.

Сонымен қатар әскери қызметте де иттер болады, олар полицияға, шекарашыларға қылмыскерлерді ұстауға көмектеседі. Түрлі заңмен тыйым салынған заттарды шекарадан кіргізбеуге көмектеседі. Кейбір иттер көздері көрмейтін - соқыр адамдарға көшеде жүріп - тұруға көмектеседі. Аңшылар да иттерді өздерімен аңға алады, олар аңшыларға көмектеседі.
Сонымен қатар ең алғашқы рет ғарышты иттер бағындырған. 1960 жылы 19 тамызда «Спутник - 5» кемесімен Белка және Стрелка деген екі ит ғарышқа бірінші болып ұшқан.

-Балалар енді күшіктер патруліне көмектеспес бұрын бойымызды сергітіп алайық

Сергіту сәті.

Саусақ жаттығуы: «Қуыр-қуыр-қуырмаш»

2 кезең Аппликация

- Балалар енді жұмысқа кірісейік. Ең алдымен мен сендерге үлгіін көрсетемін. Сендер қайталап отырасыңдар.

- Бірінші шаршы қағазды диагональ бойынша үшбұрыш қылып бүктеп аламыз;

- үшбұрыштың екі бұрышын бүтеп аламыз

- Қосарланған бұрыштың беткей жағын бүктейміз

- Қолымызға маркер алып, иттің тұмсығын, көзін толықтырып саламыз

(Қиналған балаларға жеке көмек көрсету)

Рефлексиялық

түзетушілік.

Қорытындылауы:

-Жарайсыңдар балалар! Біз сендермен иттер тобын жасадық, енді топқа оралатын уақыт болды:

Жол сапарға шығайық

Топ-топ басайық

Шаршамай, жабықпай

Тобымызға қайтайық.

Сұрақ-жауап тәсілі:

- Біз бүгін кімдерге көмектестік?

- Қандай ит түрлерімен таныстық?

- Иттер адамға не үшін қажет?

(Қорап тауып алу)

- Балалар, қараңдаршы күшіктер патрулі сендерге шағын сыйлық беріп жіберіпті.

Қорапты ашып, ішіндегі смайликтерді балаларға тарату.