Кыргыз тили 4-класс

4-класс

Предмет кыргыз тили

Сабактын темасы: Сөз түркүмдөрү

Сабактын максаты:

Билим берүүчүлүк: Сөздөрдүн аткарган кызматына карай

бөлүштүрүшөт.

Өнүктүрүүчүлүк: Ой жүгүртүүсүн өстүрүү менен керектүү

маалыматты ала алат.

Тарбиялоочулук: Бири-бирин сыйлоого, ынтымакка тарбияланышат.

Сабактын методу:

Сабактын тиби:

Сабактын жүрүшү:

Уюштуруу

Саламдашуу

Алтын эрежени эске салуу

Окуучуларды жоктоо

Класстын тазалыгына көз салуу

Үй тапшырманы текшерүү

Үйгө берилген тапшырманы текшерип баалоо

Жаңы темага өбөлгө түзүү

Кандай сөз түркүмдөрүн билесиңер? Зат атооч кандай суроого жооп берет? Сан атооч, сын атоочтун суроолорун айткылачы? Канча сөз түркүмүн билесиңер?

Окуучулар жооп беришет:

Мугалимдин сөзү

Биз бүгүн кыргыз тилинен сөз түркүмдөрү деген теманы өтөбүз. Сөздөрдүн аткарган кызматына, кандай маанини билдиргенине жана кандай суроого жооп бергенине карата топторго бөлүнүшү сөз түркүмдөрү деп аталат. Жалпы кыргыз тилинде 9 сөз түркүмү бар.

Алар зат атооч, сан атооч, сын атооч, ат атооч, этиш, тактооч, тууранды сөздөр, сырдык сөздөр, кызматчы сөздөр.

1-көнүгүү. Тексттин 1-абзацын көчүрүп жазып ким? эмне? канча? Деген суроолорго жооп берген сөздөрдү таап астын сызгыла.

2-көнүгүү. Сөздөрдөн макалдарды курагыла

Жаралат, бакыт, эмгектен. Эмгектен бакыт жаралат.

Жаны, таттуу, жалкоонун, Жалкоонун жаны таттуу,

Наны, эмгекчинин, таттуу. Эмгекчинин наны таттуу.

Физьминутка:

Бара жатып абышка,

Тоокторго жем чачты.

Тооктор келип чокуду,

Өрдөктөр келип таптады.

Шамал келип учурду,

Кемпир келип шыпырды.

3-көнүгүү. Тексттин мазмунун өз сөзүңөр менен айтып бергиле.

4-көнүгүү. Тексттен 5-7 сүйлөмдөрдү көчүрүп жазгыла. Ким? Эмне? Канча? Кандай? Деген суроолорго жооп берген сөздөрдүн астын сызгыла.

5-көнүгүү. Сөз түркүмдөрү боюнча кластер түзгүлө.

Үйгө тапшырма:

Нанды тандаба текстти боюнча сүрөт тарткыла. Ага аңгеме түзүп, дептериңерге жазгыла.

Баалоо: Окуучулардын аракетине жараша суммативдик баалоо.