Кыргыз тили сабагы. 5-класстар үчүн билимди бышыктоочу тесттик суроолор

Кыргыз тили сабагы боюнча тест

Түзгөн: Шамырзаев Илгиз

Мектеби: Ош шаарындагы №52 «Кыргыз-Түрк достугу» мектеп-лицейинин кыргыз тили жана адабияты мугалими.

5-клаасынын окуучулары үчүн. Бышыктоо тести.

1. Өтмө мааниде колдонулган асты сызылган сөздү кайсы варианттан кезиктире алабыз?

А) Жапайы жаныбарлардын ичинен эң эле амалкөйү – түлкү.

Б) Түлкү – Жаңыл Мырзанын душманы!

В) Мен сенин түлкү мүнөз экендигиңди билгенмин.

Г) Ажайыпкананын ичинен түлкүнү да кезиктирсе болот.

2. Темасы жок тексттер болот, алар - ?

А) Жаңылмачтар

Б) Аңгемелер

В) Макал-лакаптар

Г) Акындардын ырлары

3. Туура жазылган сөздөрдүн тизмегин белгиле?

А) көп бала, таап бер

Б) эл гелди, ар кандай

В) аз галды, миң киши

Г) жыгашчы, күрүч

4. Бардык муундары жалаң гана ачык муундан турган сөздү белгилегиле?

А) байчечекей

Б) долоно

В) капчык

Г) тегирмен

5. Көп маанилүү сөз катышкан сүйлөмдү тап?

А) Коноктор короого эки баш койду жетелеп киришти.

Б) Бешиктен ыңаалаган наристенин дабышы угулду.

В) Ырыс алды – ынтымак!

Г) Күн батканга чейин талаада аштык айдап чарчадык!

6. Айтылышы жана жазылышы окшош, а бирок мааниси ар кандай болгон сөздөр ......... деп аталат.

А) Антонимдер

Б) Синонимдер

В) Омонимдер

Г) Фразеологизмдер

7. Кыргыз тилинде канча тамганын баш тамгасы жок?

А) 3

Б) 4

В) 5

Г) 6

8. «Тарбиячы» деген сөздүн грамматикалык мааниси кайсы вариантта туура көрсөтүлгөн?

А) зат атооч, атооч жөндөмөдө, конкреттүү зат, көптүк сан, жалпы ат.

Б) зат атооч, атооч жөндөмөдө, абстрактуу зат, жекелик сан, жалпы ат.

В) зат атооч, атооч жөндөмөдө, конкреттүү зат, жекелик сан, жалпы ат.

Г) зат атооч, атооч жөндөмөдө, конкреттүү зат, жекелик сан, энчилүү ат.

9. «Тымызын» деген сөздүн синоними кайсы катарда туура көрсөтүлгөн?

А) коркпоо

Б) амалкөй

В) жашыруун

Г) берешен

10. .......... – пикир алышуунун куралы, адамдар ортосундагы байланышты, баарлашууну, карым-катышты тейлөөчү каражат.

А) Тил

Б) Сөз

В) Текст

Г) Диалог

11. Тексттин кичине бирдиги эмне?

А) Сүйлөм

Б) Сөз

В) Сөз айкашы

Г) Татаал сүйлөм

12. Тексттин жапыланган мазмуну эмне деп аталат?

А) Абзац

Б) Тема

В) План

Г) Көлөм

13. .........- турмушта болуп жаткан, боло турган жана болуп өткөн окуяны, жаратылыштын кубулушун ирети менен кабарлоо.

А) Ой жүгүртүү

Б) Баяндоо

В) Сүрөттөө

Г) Сүйлөм

14. Расмий иш кагаздары кайсы вариантта?

А) Арыз, түшүнүк кат

Б) Указ, жобо, закон

В) Жобо, өмүр баян

Г) Тактама, чакыруу

15. Айтылышы жана жазылышы ар түрдүү, а бирок мааниси бир болгон сөздөрдү ........... деп атайбыз.

А) Антонимдер

Б) Синонимдер

В) Омонимдер

Г) Фразеологизмдер

16. Ыкташуу байланышында турган сөздөрдү белгилегиле?

А) кызыл алма, бийик үй, каттуу таш

Б) эненин мээрими, атанын уулу

В) талаага баруу, арыкты чабуу

Г) сууну буруу, балыкка жөнөө

17. Сүйлөм айтылыш максатына карай канчага бөлүнөт?

А) 4

Б) 3

В) 2

Г) 1

18. Сүйлөмдүн баш мүчөлөрүнөн гана түзүлгөн сүйлөм?

А) Жайылма

Б) Жалаң

В) Жөнөкөй

Г) Татаал

19. ............... – кыймыл-аракет менен байланышта болуп, анын ар түрдүү кырдаалын (мезгилин, ордун, сан өлчөмүн, сапатын) билдирет.

А) Толуктооч

Б) Аныктооч

В) Бышыктооч

Г) Баяндооч

20. Тыныш белгиси туура коюлган жана каратма сөз катышкан сүйлөмдү тапкыла?

А) Асан сен качан, келесиң?

Б) Айбек, Мурат силер кайдасыңар?

В) Жамгырбек, мени менен ойночу?

Г) Кагылайын, мен эми жалгыз калдымбы?