Кыргыздын улуттук баш кийими ак калпак

Кыргыздын улуттук баш кийими ак калпакты байыртадан бери ата-бабабыз ардактап кийип, барктап келген. Улуттук баш кийимдин маанилүүлүгү, улуктугу бүгүн да атадан балага мурас катары өтүп, кылымдар бою жашай бермекчи.

Ак калпакты эмне үчүн кийүү керектиги тууралуу салмактуу жети факты менен бөлүшөбүз.

1. Башына ак калпак кийген киши көпчүлүктүн арасынан кескин айырмаланып, көзгө даана көрүнөт. Топ ичинен боордошуңду дароо тааныйсың.

2. 

© SPUTNIK / АЛИЯ РАИМБЕКОВА

Студенттер үч метрлик калпакты Гиннес китебине киргизүүнү көздөп жатат

Ак калпак кийген киши боюнун кыскалыгына карабай шыңга бойлуу болуп чыга келет. 

1. Калпак кышында сууктан, жайында ысыктан сонун коргойт. Ал табигый таза материал — кийизден жасалат.

2. Калпак кийип турган кишинин жаш курагын, коомдо ээлеген ордун, социалдык абалын биздин ата-бабалар жаңылбай аныктаган.

3. Ак калпакты, негизи эле баш кийимди кыргыздар дайыма ыйык тутуп келген. Мындан улам аны эч убакта жерге таштаган эмес. Ар убакта төр жакка, бийик жерге коюлган. 

4. Калпакка түшүрүлгөн ар бир оюунун философиялык мааниси бар. Ата-бабалар ага өзгөчө маани берип, аяр мамиле жасаган. 

5. Калпактын көркөмдүгү, ыңгайлуулугу чет элдиктердин бүйүрүн кызытып келет.

P.S. Акыркы убакты калпакты кыз-келиндердин тамаша, сүрөткө түшүү үчүн кийип алышы көп байкалат. Бул абдан өөн, одоно көрүнүш. Эр кишинин баш кийимин аялзаты эч убакта кийген эмес. Бул жана башка жазылбаган эрежелерди кыргыздар так сактап, коомдогу аял-эркектин ордун даана көрсөтүп келген.

Дагы: https://sputnik.kg/society/20160305/1022961952.html