Лексика такрар гьаби

Открытый урок

тема:

«Лексика такрар гьаби»

5 класс

Подготовила учительница

родного языка и литературы

Пахрудинова Айшат Назирбеговна

Лологонитль

Тема : Лексика такрар гьаби

Мурадал:

1. Лъай кьеялъул:

- Араб материал такрар гьабиялдалъун лъималазул лексика г1ат1ид гьаби

2. Лъай цебет1еялъул:

- Хъвавул бажари цебет1езаби.

- БатIи –батIиял даражаялъул тIадкъаял тIуразари

-Хъвавул ва кIалзул калам цебетIезаби

3. Тарбия кьеялъул:

- Авар мац1алде рокьи бижизаби.

-Нилъерго мац1ги ц1арги к1очене бегьунгут1и бич1ч1изаби.

- Кицабаздалъун малъа-хъвай гьаби.

Дарсил алатал: кроссворд, ребус, суратал, плакатал, синонимал антонимал хъварал, слайдал.

Дарсил план.

1. Класс дарсиде х1адур гьаби.

2. Дарсил тема рагьи (раг1икъот1).

3. Дарсил цебераг1и.

4. Такрар гьаби.

1. Суалал.

2. Плакаталдаса х1алт1и.

3. Жалго жидедаго ч1ун, ц1алдохъабазул х1алт1и (Омоним).

4. Ребус «Синоним».

5. Таблицаялда х1алт1и(Синоним).

6. Физминутка.

7. Т1ехьалдаса х1алт1и (Антоним).

8. Таблицаялдаса х1алт1и (Антоним).

9. Риххизе бегьуларел раг1аби.

10. «Раг1аби лъугьинаре».

1. Дарсил х1асил гьаби.

2. Рокъобе х1алт1и кьей

Дарсил ин.

1. Класс дарсиде х1адур гьаби

2. Дарсил тема рагьи

Ц1алдохъабаз раг1икъот1 ц1езабила.

-Доскаялда руго суратал. Нужеца х1аракат бахъе, гьал рух1ч1аголъабазул ц1аралги хъван, раг1икъот1 ц1езабизе.

-Нилъеца ц1езабураб раг1икъот1алъухъги балагьун, лъица бицинеб жакъасеб дарсил тема щиб бугеб нилъер? Т1аса г1одобе кинаб раг1и ккараб? (Лексика).

1. Дарсил цебераг1и

Жакъа нилъеца хал гьабизе буго лексикаялъул х1акъалъулъ щиб нужеда лъалеб бугищали. Нужеца кьураб щибаб бит1араб жавабалъухъ нужее щвезе руго ц1ваби.

1. Такрар гьаби

1. Суалал

-Сунда абулеб лексикаян?

-Лексика абураб раг1и ккола франг мац1алдаса босараб.Маг1арул мац1алде буссинабуни, гьелъул маг1на щиб кколеб?

-Г1емер маг1наялъул раг1абазда гьоркьоб бат1алъи щиб?

1. Плакаталдаса х1алт1и

- Гьал раг1аби кинаб маг1наялъул раг1аби кколел?

А)Бер

Б)Г1анк1у

В)Мац1

Г)Кьибил

-Кина-кинаб маг1на кьолеб гьал раг1абаз?

-Омоним сунда абулеб? (абиялъулъги хъваялъулъги релълъарал, амма маг1на бат1иял раг1аби)

1. Жалго жидедаго ч1ун, ц1алдохъабазул х1алт1и (Омоним)

-Гьал раг1аби омонималлъун ккезарун, предложениял ургъе.

1 вариант 2 вариант

Сон-сон моц1-моц1

Нус-нус мег1ер-мег1ер

1. Ребус «Синоним»

у-о

лъ-н

1. Таблицаялда х1алт1и(Синоним)

Гьал рехсарал раг1абазда гъорлъ синонимал рате. Синонимазда гьоркьоб х1учч ц1ай.

Г1енеккана шаг1ир

Ц1орораб гъулбас

Коч1охъан г1адалав

Хехаб г1инт1амуна

Подпись квачараб

Билана т1аг1ана

Г1антав г1едераб

1. Физминутка

1. Нужер хъатикь лимон бугилан цебеч1езабе.Гьанже киназго х1аракат бахъе лимоналдаса ,лъик1го дандеги цун, сок бахъизе.

2. Лопаткабазда гьоркьоб къаламилан те. Къалам гьет1изабизе х1аракат бахъе.

1. Т1ехьалдаса х1алт1и(Антоним).

- Рагье киназго т1ахьал 119 абилеб гьумералде. Бате 319 х1алт1и. Гьал кицаби киназго ц1але. Антонимал рате 4-5 предложениялда.

Барахщарасул- чидае, чехь квешасул- жиндиего. Араб батулареб, тараб щолареб. Буголъи баккарулеб, гьеч1олъи бахчарулеб. Ах1долаго гаргадулев- г1абдал, г1одовиччан бицунев- г1акъил. Бергьарав- къавуда, къурав- г1ияда. Г1орц1арав вацасда вакъарав вац лъаларев. Жиндагоги лъалев, лъалесдаги гьикъулев- г1акъил, жиндагоги лъаларев, лъалесдаги гьикъуларев- г1абдал.

-Ахирияб кициялъ сунде нилъ кант1изарулел ругел? (Чиясул т1адег1анлъи г1акълуялъулъ бук1ин).

1. Таблицаялдаса х1алт1и(Антоним).

Гьал раг1абазе антонимал ургъе.

Сордо (Къо)

Ч1ег1ераб (ХЪах1аб)

Бит1араб (Гьет1араб)

Бечедаб (Мискинаб)

Гъоркь (Т1ад)

Халатаб (Къокъаб)

Роц1ен (Кьерхен)

1. Риххизе бегьуларел раг1аби.

-Фразеологиял сверелазул маг1на бице.

А)Досул ц1ц1ани маг1арде рахана.

Б)Ах1мад, Г1ашилт1а Манташ г1адин, вуго.

В)Жергъен г1адин рекъезабизе.

Г)Х1арщулъ т1илал кьабизе.

.Д)Нижеца носол балалъ бахъана гьабихъе нух.

Е)Гьоболас мугъ берцин гьабуна.

Ё)Гъалдибералъул г1уч1ал халатав чи.

1. «Раг1аби лъугьинаре».

Г1, Р,КЪ, КЬ,Ж,У,И,О,Е,А,Л

Гьал х1арпазул раг1аби лъугьинаре.

(Г1ужрукъ, кьуру, г1ор, рукъ, жул, ражи, рукъ, раг1и, къор, къали, г1ерекъ, г1ел, г1илла, ракъи, рокьи, лал, г1акълу, лалу, къулаг1и, ужра, г1уж, раг1, жал, жа, къел, кьал, г1ер, ракь, кьер, росу)

1. Дарсил х1асил гьаби (Рефлексия)

-Бокьанищ нужее дарс?

-Дарсил бищунго щиб бокьараб?

-Ц1ияб жо щиб лъараб нужеда гьаб дарсида?

-Кинаб къимат лъелеб нужеего?

Ц1алдохъабазе щварал ц1вабзазул къадаралдеги балагьун, къиматал лъела.

1. Рокъобе х1алт1и кьей.

(109 гьумералда бугеб сураталдаса предложениял г1уц1изе № 285)