Лев Толстой «Екі жолдас».

Білім беру саласы: «Коммуникация»

Пәні:  Драма

Өтпелі тақырыбы: «Бір шаңырақ астында»

Тақырыбы: Лев Толстой «Екі жолдас».

Мақсаттары:

Тәрбиелеу: Жақындарына деген мейірімділік пен сыйластық сезіміне тәрбиелеу

Дамытушылық: Әдеби шығарма кейіпкерлерінің іс-әрекетіне өзінің қатынасы жөнінде әңгімелей отырып, оны адамгершілік қағидалар мен түсініктер тұрғысынан бағалауға ниеттендіру

Оқыту: Өз ойларын ашық, жүйелі жеткізуге, байланыстырып сөйлеуге үйрету

Педагогикалық технология: Кейіпкерлердің суреттері.

Ресурстармен қамтамасыз ету: Түсіндіру, сұрақ жауап, сахыналау,

Көптілділік: Ертегі,сказка, fairy tale

Ұйымдастырылған оқу қызметтінің барысы:

1.Ұйымдастырушылық кезеңі:

«Достық жолы» Тақпақ айтады.

Балалар арасындағы достық.

Жануарларға деген достық.

Құстарға деген достық.

Табиғатқа деген достық.

-Балалар достық деген сөзді қалай түсінесіңдер?

Балалар достық дегеніміз-балалардың бір-бірімен достасуы. Жануарларға, құстарға деген достық- жануарларды құстарды күту, қамқор болу, оларды жақсы көру деген сөз. Табиғатқа деген достық-өімдіктерді күту, табиғатқа жақын болу деген сөз.

2.Негізгі бөлім:

Біз бүгін достық туралы «Екі жолдас» деген әңгіме оқимыз. Бұл әңгімені орыс жазушысы Лев Толстой жазған.

Жазушының суретін көрсету, қысқаша мағлұмат беріп өту. Лев Николаевич Толстой орыс әдебиетінің әлемге аты шыққан жазушысы, ағартушы. Ол көптеген әңгімелерді, шығармаларды жазған.

Әңгімені оқып беріп, талдау.

Екі жолдас

Екі дос кісі жолдастасып келе жатып, бір аюға ұшырапты. Бұл екі кісінің біреуі әлсіз, ауру екен, екіншісі мықты, жас жігіт, аюды көрген соң бұл жігіт, ауру жолдасын тастап, өзі бір үлкен ағаштың басына шығып кетті дейді. Ауру байғұс ағашқа шығуға дәрмені жоқ, жерге құлады да созылып, өлген кісі болды да жатты: есітуі бар еді, аю өлген кісіге тимейді деп. Аю бұл жатқан кісінің қасына келіп иіскелеп тұрды да, дыбысы білінбеген соң тастап жөніне кетті. Мұнан соң манағы жолдасы ағаштан түсіп, аурудан сұрапты: — Достым, аю құлағыңа не сыбырлап кетті? Ауру айтты дейді: — Аю құлағыма ақыл сыбырлады, екінші рет тар жерде жолдасын тастап қашатын достармен жолдас болма деді, — дейді.

Әңгімеде кімдер туралы?

Неліктен достардың біреуі ағаш басына шығып кетті?

Қалай ойлайсыңдар, ол дұрыс істеді ме?

Оның орнында сендер болсаңдар не істер едіңдер?

Досыңа қауіп-қатер төніп тұрғанда қашып кеткен дұрыс па?

Достық дегенді қалай түсінесіңдер?

Достар қандай болады?

Доссыз өмір қызықты болады ма?

Ойын: «Достық неден басталады?»                                                                                             Шарты: Сендерге бірнеше сұрақтар қоямын. Егер оған келіссеңдер «Ия» деп жауап беріп, қолдарыңды шапалақтайсыңдар. Келіспесеңдер, «Жоқ» деп жауап беріп, қолдарыңды шапалақтамайсыңдар.

Достық татулықтан басталады ма?

Достық төбелестен басталады ма?

Достыққа мейірімділік жараса ма?

Достық ренжуден бастала ма?

Достыққа адалдық жараса ма?

Достық мазақтағаннан бастала ма?

Достыққы қамқорлық жараса ма?

Достыққа сүйіспеншілік жараса ма?

Жағдаяттарды талдау.

1.Сырым мен Жанар дос болатын.Бірде Сырымның лақтырған добы Жанардың басына барып тиді. Сырым добын домалатып теуіп ала жөнелді.

Сырым жасағанын дұрыс деп айтуға болады ма?

2.Сендер ролик теуіп жүрсіңдер,ал досың қарап тұр. Сендердің әрекеттерің?

3.Жолда әже келе жатты қолында сөмкесі бар, байқамай қағып кеттің. Сендер не істейсіңдер?

Сергіту сәті.

«Көңілді күн»

Достық туралы мақал-мәтел жаттау

*Адал дос алтыннан да қымбат.

*Достық бірлікте.

Бірлік түбі - береке

*Досы көпті жау алмайды.

*Дос болсаң, берік бол,

Досыңа серік бол!

*Адам достығымен күшті.

*Досы көпті жау алмайды.

*Бірліксіз ел тозады,

Қорытынды:

Балалар, біз бүгін оқу іс-әрекетімізде адал достық, мейірімділік, сыйластық жайлы әңгімелестік. Достар әрқашан бір-біріне қамқорлық көрсетіп, қажет нәрселермен бөліседі. Балаларды мақтап, мадақтау.