Бэе бэеэ шалгаха диктант (взаимный диктант)

Методические разработки по технологии сотрудничества учащихся (работа в парах сменного состава)

Бэе бэеэ шалгаха диктант

(Взаимный диктант. Метод М.Г.Булановской)

Һуралсалай түсэблэhэн дүн. (Планируемые результаты)

1. Буряад хэлээр шадабари (Предметные результаты):

Буряад хэлэнэйнгээ бэшэлгын дүримүүдые практика дээрэ hурагшадай зүб хэрэглэжэ шададаг болохын тула үнгэргэгдэнэ. Эндэ гол шухалань бэшэгэй дүримүүдтэ, сэглэлтын тэмдэгүүдтэ алдуу хэдэггүй болгохо зорилго табигдана.

1. Υхибүүнэй өөрын хүгжэлтын дүнгүүд(Личностные):

Буряад хэлэнэй хэшээлдэ hонирхолынь дээшэлүүлхэ.Буряад хэлэн дээрэ харилсаха, бэшэхэ дуратай байха.

Метапредметнэ дүнгүүд

Бэеэ гуримшалаад ябаха шадабари(Регулятивные УУД):

Ажалайнгаа урда зорилго табиха, өөрынгөө, нүхэдэйнгөө ажал шалгаха,сэгнэжэ hураха, багшын үгэhэн түсэбөөр хүдэлжэ шадаха.

Оршон тойрониие адаглаха ба hонирхохо (познавательные УУД):

Багшатаяа болон нүхэдтэеэ дүн гаргаха

Харилсаха шадабари (Коммуникативные УУД): өөрынгөө hанал бодол аман хэлэлгээр харуулха.

Бэлэдхэлэй үе. Υхибүүд хэшээлэйнгээ үедэ хоёр хоёроор өөhэдөө хүдэлхын дадалтай болонхой байха шухала. Багша олон янзын, богонихон текстнүүдые бэлдэхэ. Текстнүүд удхынгаа талаар hонирхолтой, үхибүүдэй hанаан бодолдо таарама. Диктантын текстнүүдэй хүндэ хүнгэниинь үхибүүдэй шадабариhаа дулдыдаха юм. Диктантын текст 1-дэхи класста 12-15 үгэ, 2-дохи класста 15-20 үгэ, 3-4 класста 20-30 үгэhөө бүридэхэ.

Гол шухала ажал: Хэшээл соогоо үхибүүдэй хоёр хоёроор хүдэлмэри.

Хүдэлмэриин алхамууд:

(алгоритм работы)

1. Һурагша бүхэн текст абана, өөр соогоо уншана.

2. Текст уншаhанай hүүлээр, багша hурагшадай асуудалда харюусана, ямар танигдаагүй, хүндэ үгэнүүд дайралдааб.

3. Һурагшад паараар хубаарна. Һурагша А өөрынгөө текст уншана, (багшын зааhан методээр 3дахин) hурагша В бэшэнэ.А уншана → текст А, дэбтэр В←бэшэнэ В

4. Һэлгэсэлдээн болоно. Хэн уншааб – бэшэнэ, хэн бэшээб – уншана.

В уншана → текст В, дэбтэр А←бэшэнэ А.

1. Диктантаа бэшэжэ дүүргэhэнэй hүүлээр дэбтэрээрээ hэлгэсэлдээд бэе бэеэ шалгана (карточка текстээрээ доошоо харанхай) Ногоон бэхээр алдуу заhаха.

2. Текстээр шалгалга. (Бэшэлгэеэ текстэтэй жэшээлхэ)

А→шалгана дэбтэр В, В→шалгана дэбтэр А

1. Суг хамта шалгалта. Түрүүн дэбтэр А шалгана, хэhэн алдуугаа А-hурагша сээжээр шүүмжэлнэ, В-hурагша шагнана. Гүйсэдхэжэ байhан ролёор hэлгэсэлдээн болоно.

А – сээжэ шүүмжэлэл→дэбтэр А, В – шалгана, шагнана

В - сээжэ шүүмжэлэл→дэбтэр В, А – шалгана, шагнана

1. Һурагша бүхэн өөрынгөө дэбтэр соо алдуу дээрэ хүдэлмэри үнгэргэнэ.

А – алдуу дээрэ хүдэлмэри → дэбтэр А

В – алдуу дээрэ хүдэлмэри → дэбтэр В

1. Һурагшад бэе бэеынгээ дэбтэр абалсана, дахин уншана, сэгнэлтэ табина. Хэн шалгааб бэшэнэ: Дамбаева шалгаа.

2. Энээн дээрэ паараар ажал дүүрэбэ. Һурагшад текстээрэй hэлгэсэлдэнэ. Шэнэ паара бэдэрнэ. Тиигээд паараар хүдэлмэриин шэнэ шата эхилнэ.

А-hурагша → В текст абаба

В-hурагша → А текст абаба

Хоёрдохи шата дээрэ шэнэ пааранууд хүдэлжэ эхилнэ. А-hурагша өөрынгөө дэбтэр баряад, В текст абаад, С-hурагшатай hууна. С-hурагшада өөрын дэбтэр ба диктовко доро бэшэhэн текстэтэй.

Энээнэй ёhоор hурагша бүхэн нэгэ текст дээрэ хоёр дахин хүдэлнэ. Нэгэ дахин бэшэнэ, хоёрдохёор нүхэртөө уншана. Тиихэдээ энэ ехэ гуримтай, хүсэд hайн ойлгоод, ухаамжалан дүүргэжэ байhан ажал болоно.

Багша болбол hурагшадайнгаа хоорондохи харилсаа адаглана, гээгдэжэ бэшэдэг, тулюурхан дадалтай үхибүүндэ ехэ хандасаа үгэхэ аргатай болоно, хэhэн алдууень hайнаар тэрэ дары ойлгуулжа үгэхэ ехэ шухала.

Суг хамта хүдэлхэ нүхэрөө шэлэхэ – энэ психологическа талаhаа ехэ шухала хэрэг болоно. Багша класс соомни үхибүүд хоорондоо хэр харилсана, хайшан гээд бэе бэедээ хандана, энэ хэрэг хэр хүгжэжэ байнаб гэhэн адаглалга хэхэ болоно.

Өөртөө шэнэ пара бэдэрэлгэ «цепочкын» принципээр үнгэргэжэ болохо. Энэ хадаа 1 вариант hуурида үлэнэ, 2 вариант hэлгэсэлдэнэ. Иимэ hэлгэсэлдээн өөрынгөө «муутай, hайтай» байна. Муунь түргөөр хүдэлhэн паара удаан хүдэлhэнөө хүлеэхэ баатай болоно. Хэрбээ класс соо үхибүүд журамтай, томоотой hаань өөрын дураар hэлгэсэлдээ эмхидхэхэдэ тааруутай.

Энэ ажал «Бэе бэеэ шалгаха диктант. Паарна хүдэлмэри» хэшээл соо зүб эмхидхэгдэжэ, багша хэрэглэжэ байбал ехэ hайн дүн асарха. Һурагшадай буряад бэшэлгэ (грамотность), дүрим хүсэд ойлгожо, hайн хэрэглэжэ шадаха болохонь лабтай байна, юундэб гэхэдэ үхибүүд нэгэ хэшээл соо олон текст дээрэ хүдэлнэ, шагнана, харана, бэшэнэ, оло дахин дабтана. Хамаг толгой соохи, гарайшье, нюдэнэйшье hанажа абаха гэhэн психологическа зүйлнүүд тодоор хүдэлнэ ха юм.

3 класста диктовко доро бэшэхэ текстнууд.

Т-1 Халуун зунүнгэрбэ. Һэрюун намар эхилбэ. Модоной набшаhан шарлаба. Υбhэ ногоон хагдарба.

Т-2. Намар боложо, hургуули эхилбэ. Һурагшад hургуулидаа булта сугларба. Хонхо ханхинаба. Хэшээл эхилбэ. Багша асууба. Һурагшад харюусаба.

Т-3. Ойн сэнгэлиг модон соо олон хүүгэд ябасагаана. Алирhа, нэрhэ түүгшэдэй аман харлаад харагдана. Оог шууяан зэдэлжэ, ойн сууряан дабтана.

Т-4.Хатаhан үбhөөр хангал гутаад, сабшалан талада сарюун юм. Хүдэр тармуур хүнгэн байбал, хүдэлэн ябахада хүхюун юм. Υргэн hүриин үндэр боложо, урган байхань урматай юм.

Т-5. Хуhанай набшаhад шарлаба. Уляаhан улайба. Хараасгайнууд халуун орон тээшэ ниидэбэ. Хойноhоонь уhанай шубууд бүлэг бүлэгөөрөө субана. Бүри дээгүүр тохорюунууд тамарна.

Т-6 Һурагшад hургуулиингаа огородто элдэб юумэ тариhан байгаа. Зундаа hурагшад огородтоо ехэ ажал хэбэ. Август hарада огородой ургамалнууд эдеэшэбэ. Һурагшад ехэ hайн ургаса хуряаба.

Т-7.Намарай сагта наратай дулаан үдэрнүүд олон. Тиибэшье заримдаа тэнгэри бүрхэжэ, бороо, саhан ородог. Тиихэдэнь хада гүбээнүүд саhаар хушагдана. Теэд түрүүшын саhан түргөөр хайлашана.

Т-8. Дулма самса оёбо. Олон самса оёhон байба. Дулма самса гоёор оёдог болоо. Дулмын оёhон самсые Ёндон үмдэбэ. Дулма үшөө олон самса оёхоёо байна.

Т-9. Ехэ аадар оробо. Хүүеэн шууяан дуулдаба. Гол горхон үерлэбэ. Голой уhан эрье дээгүүрээ халиба. Олон хүүгэд уhанай эрьеэр гүйлдэбэ. Тэдэниие хүнүүд хорибо. Уhанай үер аюултай юм.

Т-10. Талын аалин hэбшээндэ таряанай хоолос найгалзана. Добын хаяагаар эбхэрhэн долгин шэнги сайбалзана. Аяр шара үнгөөрөө арбай таряан ялбайна. Миисгэйн hахалай маягтай мянган сасаг hарбайна.

Т-11.Хүхэ тэнгэриин наахануур хүбэн үүлэд hолжорно. Хүбэн үүлэдэй доохонуур томонууд тохорюуд тамарна. Алтан шара набшаhад арын ойе бүрхөөбэ. Аржагар шара шэниисэ ажалай хүсөөр хуряагдаба.

Т-12.Зөөлэн сагаан хилээмэ зөөхэйтэйгөөр эдихэдэ амтатай. Томо бухаанха зүhөөд, тоhотойгоор эдихэдэ амтатай, Хилээмэ ехэтэй байха гэбэл, таряа hайнаар ургуулха хэрэгтэй. Хилээмэн гээшэ хүн бүхэндэ эдеэн юм.

Т-13. Манай нютагта нэгэ ехэ нуур бии юм. Тэрэ нуурта зундаа нугаhад олон hуудаг. Нэгэтэ бидэ тэрэ нуурай эрьедэ наадаха гэлсээбди. Нуурта дүтэлжэ ерэхэдэмнай нугаhад олоороо ниидэшэбэ.