Дьэрэкээн еннеех кэмпиэттэр

Дьэрэкээн өҥнөөх кэмпиэттэр кистэлэҥнэрэ.

Сыала: 1.Кэмпиэккэ баар бэссэстибэлэри кытта билсиһии;

2. Тоҕо сорох кэмпиэттэр ыраас хаарга дьэрэкээн өҥнөөх бээтинэлэри хаалларалларын сиһилии ырытыы;

Соруктар :1.Кырааска араас көрүҥнэрин ( ол иһигэр аска туттуллар кыраасканы) ылан туттуу.

2. Аска туттуллар кырааска бэйэтин туспатын уопут көмөтүнэн үөрэтии( хаарга, ууга,

сииктээх маҕан салфеткаҕа, киһи тылыгар).

3.Аска туттуллар кырааскалар киһи доруобуйатыгар хайдах дьайалларын быһаарыы.

Үлэ ис хоһоонун кылгастык мэктиэлээһин.

Маҕаһыыҥҥа киирэн баран, оҕолор дьэрэкээн суулаах кэмпиэттэри көрөннөр, дьонноругар атыылаһыҥ диэн көрдөһөллөр. Улахан дьон оҕолоругар кэмпиэт туһалааҕын, буортулааҕын билбэккэ атыылаһаллар. Кэмпиэти оҥорооччулар араас аска туттуллар кырааскалары тутталлар. Манна туох кистэлэҥ баарый? Маннык кэмпиэттэри оҕолорго биэриэххэ сөп дуу, суох дуу?

Быһаарыыга турар боппуруос.

Кыһын , оҕолор оонньуур сирдэриттэн биһиги хаарга туох эрэ кистэлэҥнээх : тэтэркэй, кытархай, араҕас , от күөх бээтинэлэри булбуппут. Ол бээтинэлэр ортолоругар биһиги коричневай өҥнөөх төгүрүгү бэлиэтии көрбүппүт, ким эрэ мaм*s кэмпиэти тохпут этэ.Тоҕо кэмпиэттэн хаарга араас өҥнөр хаалбыттара буолуой? Биһиги кэмпиэккэ кыраасканы эппиттэр, ол иһин хаарга өҥ хаалбыт диэн быһаарбыппыт.

Сыалы сабаҕалааһын.

Оонньуур сиртэн киирэн баран биһиги МAМ*S кэмпиэккэ ханнык кыраасканы тутталларын уонна киһи доруобуйатыгар буортутун, туһалааҕын быһаарарга сананныбыт.

Былааннааһын

Дьүүллэһэн баран биһиги маннык түмүккэ кэллибит:

1.Дьэрэкээн бүрүөһүннээх кэмпиэттэри ылан уопут оҥорорго.

2. Аска туттуллар кырааскалар тустарынан элбэх матырыйаалы хомуйуу( иитээччини кытта интерниэттэн, кинигэттэн, энциклопедияттан булуу).

Олоххо киллэрии.

Хаста да холонон көрүүлэри ыыттыбыт:

-хаар үрдүгэр тарҕатан ыстыбыт.

- дьэҥкир ыстакааҥҥа кутан кэмпиэти ыраас ууну кытта булкуйдубут.

- сииктээх маҥан салфеткаҕа суулаатыбыт.

- тылбытыгар эмтибит.

Холонон көрүүлэри ыытан баран, маннык түмүккэ кэллибит:

• аска туттуллар кырааскалары , атыылааһыччылар болҕомтолорун тардаарылар, дьэрэкээн

өҥнөөн тутталлар эбит.

-аска туттуллар кырааскалар буолаллар эбит : айылҕаттан ылыллар( отоннор, оҕуруот астарыттан, фруктаттан, оттон- мастан) уонна сымыйа – кубулҕат оҥоруу( химическэй бэссэстибэттэн).

- айылҕаттан ылыллар кырааскалар битэмииннээх уонна микроэлемиэннэрдээх эбиттэр.

- учуонайдар дакаастаабыттарыттан көрдөххө сымыйа – кубулҕат кырааскалаах астар 3-8 саастаах оҕолорго буортулаах эбиттэр. Итинтэн оҕолор болҕомтолоро мөлтүүр, сатаан түмүллэн болҕойбот буолаллар эбит.

Онон оҕолоор, итинник саарбах , буортулаах кэмпиэттэри сиэмэҥ!