Ինտերակտիվ գրատախտակի կիրառման նպատակները դպրոցում

091 721 045, 091 015 085 [email protected]

Ինտերակտիվ գրատախտակի կիրառման նպատակները դպրոցում

Միքայելյան Կարինե

Սպիտակի Ս. Ավետիսյանի անվան ավագ դպրոցի ինֆորմատիկայի ուսուցչուհի

Համակարգչային տեխնիկայի զարգացման այս ժամանակաշրջանում այլևս հնարավոր չի գտնել մարդու գործունեության մի ոլորտ, որտեղ համակարգչային տեխնիկան չի կարողացել գտնել իր կիրառությունը: Մանկավարժությունը նույնպես չի առանձնացել համակարգչայինացման ընդհանուր գործընթացից: Նորագույն տեխնոլոգիաների շնորհիվ ուսուցիչը հնարավորություն ունեցավ դասը դարձնել ավելի պատկերավոր և հետաքրքիր: Ինտերակտիվ դասերի ժամանակ հնարավորություն է ստեղծվել օգտագործել հատուկ դասարանային ցանցային ծրագրային ապահովումներ, ինտերնետային վեբինարներ (ցանցային, օնլայն սեմինարներ) ապահովող ծրագրերը (օրինակ՝ Microsoft Lynk Attendy), Flash ծրագրով ուսուցողական խաղեր և ինտերակտիվ թեստեր: Ավելի հաճախ ինտերակտիվ դասերն անցկացվում են էլեկտրոնային ինտերակտիվ գրատախտակի միջոցով, որն ունի հատուկ ծրագրային ապահովում՝ Smart Notebook: Ինտերակտիվ կապ ապահովում են տարբեր սարքավորումներ՝ լոկալ ցանցին միացված անհատական համակարգիչներ, էլեկտրոնային գրիչներ, թեստային կամ քվեարկության վահանակներ, գրատախտակ, պրոյեկտոր [1]: Հիշենք, որ «Ինտերակտիվ» նշանակում է փոխազդող, համագործակցող («Inter»` փոխադարձ, «act»` գործողություն): Ինտերակտիվ դասը փոխգործակցություն է ոչ միայն դասավանդողի և սովորողի, այլև հենց իրենց՝ սովորողների միջև, ոսումնական նյութի և սովորողների միջև: Դասը պլանավորելիս ՏՀՏ-ի կիրառման համար հաշվի են առնվում այնպիսի գործոններ, ինչպիսիք են՝ սովորողների անհատական բնութագրերը, զարգացվածության մակարդակը և տեղեկացվածությունը: Արդեն մի քանի տարվա իմ աշխատանքային փորձը ցույց է տվել, որ տարբեր առարկաների դասապրոցեսներում ՏՀՏ-ի կիրառման նպատակներից են.

-առարկայի նկատմամբ ճանաչողական հետաքրքրության աճը,

-Տեղեկատվական դաշտի սահմանների ընդլայնումը ` ուսուցման նոր գործիքների կիրառմամբ,

-վիզուալիզացիայի նոր ձևերի կիրառումը, որոնք նախատեսված են դասարանում ուսուցիչների և սովորողների գործունեության արտացոլման համար [7]:

Դասապրոցեսում օգտագործվվող տեղեկատվական տեխնոլոգիաների տեսակները. Ինտերակտիվ դասի անցկացման ժամանակ դասավանդողը պետք է կատարի միայն ուղղորդողի դեր: Դասի պլանը կազմելիս անպայման անհրաժեշտ է հաշվի առնել դասի աստիճանական զարգացումը, գործիքների համատեղ օգտագործումը, թիրախները, վերջնական նպատակը: Ինտերակտիվ առաջադրանքները և վարժությունները սովորականից տարբերվում են նրանով, որ սովորողները ոչ միայն ամրապնդում են իրենց գիտելիքները, այլև ուսումնասիրման, դիտարկման միջոցով յուրացնում են նորը [1] : Արդեն շատ վաղուց աշակերտները կարողանում են ինքնուրույն ներկայացումներ պատրաստել MS Power Point-ում: Դասերի ընթացքում MS Power Point աշխատանքային միջավայրում աշխատանքի մեծ փորձ են կուտակել և՛ աշակերտները, և՛ մանկավարժները: Այն օգտագործվում է ինչպես դասի նյութերի պատկերավոր ներկայացման համար, այնպես էլ տնային աշխատանքները ներկայացնելիս, ինչպես նաև ծրագրայինի նյութն ամփոփելիս: Օգտագործելով ինտերակտիվ գրատախտակ, այն ուսուցիչին տալիս է դասապրոցեսում աշխատելու նոր հնարավորություններ: Այն ամենը, ինչ համակարգչի վրա է, ցուցադրվում է ինտերակտիվ գրատախտակի վրա: Դրա վրա կարող ենք տեղափոխել առարկաներ և պիտակներ, տեքստերին, պատկերներին և գծագրերին մեկնաբանություններ ավելացնել՝ դրանք պահպանելով հետագա օգտագործման համար, կարևորել հիմնական տարածքները և ավելացնել գույները: Կարող ենք թաքցնել տեքստերը, գծագրերը կամ առաջադրանքների համար պատրաստած ակնարկները, այնուհետև ցույց տալ դրանք դասի հիմնական մասերում: Ուսուցիչներն ու սովորողներն այս ամենը անում են ողջ դասարանի դիմաց, գրատախտակին, ինչը գրավում է բոլորի ուշադրությունը: Ինտերակտիվ գրատախտակի հետ աշխատելը հնարավորություն է տալիս ուսուցիչին ակտիվացնել աշակերտների գործունեությունը, բացատրել նոր նյութեր, ստուգել սովորողների գիտելիքները և ներգրավվել դրանց քննարկմանը [5]:

Առավելությունները և հնարավոր դժվարությունները. ինտերակտիվ գրատախտակի օգտագործմամբ բացահայտվեցին մի շարք առավելություններ. Ինտերակտիվ գրատախտակում առկա գույների բազմազանությունը թույլ է տալիս առանձնացնել կարևոր հատվածները և ուշադրությունը հրավիրել դրանց վրա, միավորել ընդհանուր գաղափարները կամ ցույց տալ դրանց տարբերությունները և ցույց տալ մտքի ընթացքը: Օրինակ. «Իմ ամառային արձակուրդը» թեմայով բանավոր հարցումները կամ տնային հանձնարարությունը գրելը: Ասոցիոգրամը՝ սովորական աշխատանքի համար, բայց պայծառ գույները դրանով ավելի հետաքրքիր և աշխույժ են աշխատում: Վառ նկարները օգնում են հիշել և հարստացնել բառապաշարը: Գրառումներ կատարելու ունակությունը թույլ է տալիս էկրանին տեղադրել տեղեկատվություն, հարցեր տեքստի կամ պատկերների վրա: Բոլոր նշումները կարող են պահվել, դիտվել կամ տպվել: Օրինակ. «Իմ քաղաքը» թեմայով աշխատող սովորողները հնարավորություն ունեն ուղղակիորեն քարտեզի վրա գծել քաղաքի տեսարժան վայրերը, որից հետո կազմում են շրջագայության համար առավել օպտիմալ երթուղին` այն կրկին նշելով անմիջապես քարտեզի վրա: Արդյունքը պահպանվում է, և քարտեզի հետ աշխատանքը կարող է շարունակվել հետագա դասաժամերին: Սլայդի սկզբնական տարբերակը նույնպես պահպանվում է և կարող է օգտագործվել մեկ այլ նպատակով կամ զուգահեռ դասարանում:

Օբյեկտները գրատախտակի վրա տեղափոխելու ունակությունը, դրանց խմբավորումը ըստ որոշակի չափանիշների թույլ է տալիս աշխատել գրավոր տեքստի հետ՝ խնայելով ժամանակը: Օրինակ. «Կենդանիներ» թեմայով ասոցիագրերով աշխատելիս հարկ չկա ժամանակ վատնել բառ գրելու համար, պարզապես «քաշեք» այն ցանկալի խմբի մեջ[3]:

Գոյություն ունեն նաև այլ առավելություններ՝ դասի կամ թեմայի վերաբերյալ որևէ կանոն կարելի է գրել բառախառնուկի տեսքով: Աշակերտը, նշված բառերը կարդալով, կհիշի կանոնը և կդասավորի այդ բառերն ըստ հաջորդականության: Վառ նկարազարդումներ օգտագործելու ունակությունն օգնում է հասկանալ անծանոթ բառը, ուսուցանվող նյութի հետ աշխատանքն ավելի վառ դարձնել: Օրինակ. «Սենյակ» թեմայով (օտար լեզու առարկայի դասաժամին) բառապաշարի հետ աշխատելը շատ ավելի հետաքրքիր է, և ուսուցիչը կարիք չունի իր հետ թղթե նկարներ բերելու, որպեսզի մի մեծ սենյակ պատկերների միջոցով կահավորի: Աշխատանքի մեթոդը նույնն է. սովորողը «քարշ է տալիս» բառը և տեղադրում ցանկալի առարկայի վրա՝ արտասանելով բառը կամ նախադասությունը (կախված ուսուցչի առաջադրանքից): Նման աշխատանքով բառերը շատ արագ և լավ են հիշվում, քանի որ գործում է նաև ասոցատիվ հիշողությունը:

Գործիքները աշխատանքային տիրույթ բերելու ունակություն. դրանք կարող են ժամանակավորապես թաքնված լինել աշխատանքային սլայդի ցանկացած օբյեկտի հետևում կամ տեղադրված լինել հաջորդ սլայդում: Ստորև բերված օրինակում, պատասխանները թաքնված են ափսե հիշեցնող օբյեկտի հետևում՝ օժանդակ բայերի կոնյունգացիայի միջոցով: Դուք կարող եք այն տեղափոխել ինչպես աշխատանքային գործընթացում, ստուգելով յուրաքանչյուր հատուկ բայ, այնպես և վերջում՝ վերջնական ստուգման համար: Ինտերակտիվ գրատախտակի հետ աշխատելիս պետք է հաշվի առնել որոոշ հնարավոր դժվարությունները. Կան Ինտերակտիվ գրատախտակների մի քանի տարբեր տեսակներ, որոնց ծրագրերը անհամատեղելի են: Օրինակ, MIMIO տախտակի համար պատրաստված նյութը չի գործում Starboard- ում: Զուտ տեխնիկական խնդիրների առկայությունը. անհայտ պատճառով, էլեկտրաէներգիայի տատանումներից էկրանի սևացում կամ գրատախտակի ֆոկուսի խախտում , որոնց վերացման համար ոչ բոլոր ուսուցիչները կկարողանան գտնել խնդրի ճիշտ լուծում: Ստիլուսների կառուցողական թերությունները [4]: Դրանք բարդ են, պատկերը կանգ է առնում շարժումներից հետո, շատ դժվար է և անհարմար է նրանց հետ աշխատելը: Ծրագրաշարի բացակայությունը կամ անհասանելիությունը, ինչը ենթադրում է հետևյալ թերությունները: Դասը պատրաստելու համար անհրաժեշտ ժամանակը շատ մեծ է: Դասապրոցեսում ինտերակտիվ գրատախտակի հետ աշխատանքը ժամանակավորապես սահմանափակելու անհրաժեշտություն է առաջանում` առողջական և սանիտարական չափանիշներին համապատասխանելու անհրաժեշտության պատճառով: Չնայած բոլոր այն դժվարություններին, որոնք ուսուցիչը կարողանում է լուծել, նոր տեխնոլոգիաները ստեղծում են ավելի մեծ հնարավորություններ ուսուցիչի ստեղծագործ աշխատանքի համար: Մարդկության զարգացման ժամանակակից փուլը բնութագրվում է որպես տեղեկատվական հասարակության կայացման փուլ: Այս փուլում մարդկային գործունեության բոլոր ոլորտներում տեղեկատվական տեխնոլոգիաները առավել կարևոր դեր ունեն, քան մյուս ոլորտների տեխնոլոգիաները: Հասարակության տեղեկատվացումը (ինֆորմացումը), ինչը բնութագրվում է մյուս ապրանքատեսակների նկատմամբ ինֆորմացիայի մասնաբաժնի անընդհատ աճով, անխուսափելի գործընթաց է: Այդ պատճառով տեղեկատվական տեխնոլոգիաների նպատակահարմար օգտագործման խնդիրների լուծումը առաջնային նշանակություն է ստանում: Փաստորեն բոլոր բնագավառների տեղեկատվացման շնորհիվ տեղեկատվական տեխնոլոգիաները առաջատար դեր են ստանձնել: Ընդ որում, հասարակության համատարած տեղեկատվացումը մարդկության զարգացման անխուսափելի փուլ է: Մյուս կողմից տեղեկատվական տեխնոլոգիաների կիրառումը գործնականում ապահովում է ինֆորմացիայի որակի բարձրացմանը, ճշտության և օպերատիվության աճը, հետևաբար նաև, որոշումների ընդունման ժամանակին լինելը: Համաշխարհային պրակտիկան հաստատում է, որ եկել է այնպիսի ժամանակաշրջան, երբ հնարավոր չէ կյանքի տարբեր խնդիրների լուծումը կազմակերպել առանց տեղեկատվական տեխնոլոգիաների, ցանցային տեխնոլոգիաների կիրառության[7]: Տարեցտարի աճում է այդ տեխնոլոգիաների պահանջարկը: Միաժամանակ աճում են նաև պահանջները այդ տեխնոլոգիաներն օգտագործող մասնագետների նկատմամբ: Տեղեկատվական տեխնոլոգիաները գործնականում կիրառվում են ավտոմատացված տեղեկատվական համակարգերում: Ավտոմատացված տեղեկատվական համակարգերը հնարավորություն են տալիս ավտոմատացնել մարդկանց պրոֆեսիոնալ գործունեության այս կամ այն ոլորտը` համակարգչային միջոցների և տեխնոլոգիաների օգտագործման շնորհիվ [1]: Այսպիսով, տեղեկատվական տեխնոլոգիաները մարդկանց պրոֆեսիոնալ գործունեության ավտոմատացման հիմնական գործիքներն են: Ուստի այժմյան կրթության համակարգի գլխավոր խնդիրներից մեկն է դարձել կրթել ժամանակաշրջանի մարտահրավերներին պատրաստ սերունդ, այնպիսի սերունդ, որն ազատորեն տիրապետի այդ տեխնոլոգիաներին ու դրանք հետագայում կիրառի իր մասնագիտական գործունեության ընթացքում: Հետևաբար, դպրոցը պետք է նախապատրաստի սովորողներին ինֆորմացիոն հոսքերի այս հսկայածավալ դաշտում ու ժամանակաշրջանում կարողանալ օգտագործելով նշված տեխնոլոգիաների ընձեռած հնարավորությունները, առավել ևս համացանցի առկայության պայմաններում և անհրաժեշտի ու վտանգների սարդոստայնում զտել, առանձնացնել պիտանի ու անպիտան ինֆորմացիան՝ խնայելով ներկայումս այնքան կարևոր դարձած ժամանակային ռեսուրսը: Եվ այս կարևոր ու բարդ խնդիրը դրված է դպրոցում ինֆորմատիկայի առարկայի ուսուցիչների վրա: Ուսուցիչն այդպիսի պահանջներին համապատասխան սերունդ տալու, աշակերտին՝ ապագա մասնագետին, նշված գիտելիքներով զինելու համար փորձում է կիրառել բազմազան մեթոդներ, հնարքներ: Քանի որ մշակությաին արժեքների իմացությունն ու պահպանումը և այն սերունդներին փոխանցելու պարտավորությունը հայ ժողովրդի կենսունակության գրավականն ու հիմնաքարերից մեկն է, մեր կրթահամակարգը կարևոր նպատակ ունի իրականացնել սերնդի ազգային ու համազգային մշակութային արժեքների իմացության ուսուցում: Ինտերակտիվ ուսուցման ժամանակ անհրաժեշտ է այնպիսի իրավիճակներ ստեղծել, որ սովորողները յուրօրինակ, նորարարական մոտեցում ցուցաբերեն հարցին՝ խրախուսելով խնդիրների լուծմանը ստեղծագործական մոտեցում ցուցաբերելու ունակություններ՝ ինչը հոգեբանության տեսանկյունից համարվում է արդյունավետ: Ստեղծել այնպիսի պայմաններ, որ երեխաները ինքնուրույն փնտրեն դասընթացի ընթացքում առաջադրված խնդիրների լուծման ուղիները և մեթոդները (ընտրվում են առաջադրված մեթոդներից որևէ մեկը կամ առաջադրում են սեփական տարբերակը, հիմնավորելով լուծումները) [5]։ Ինտերակտիվ ուսուցման մեթոդի ներդրումը ժամանակակից կրթական համակարգում ներկայումս ամենահաջողվածն է ուսումնական գործընթացում: Ընդ որում` ինտերակտիվ ուսուցումը ընկալվում է տարբեր կերպ: Ուսուցման նման մեթոդի գաղափարը ձևավորվել է 90-ականների կեսերին, առաջին վեբ-բրաուզերների և ինտերնետային ցանցի կիրառման զարգացմանը զուգընթաց: Այդ պատճառով, մի շարք մասնագետներ ընկալում են այդ ուսուցումը, որպես ինտերնետային ռեսուրսների և համակարգչային ցանցի օգտագործում [6]: Սակայն ընդունելի է նաև ավելի լայն մեկնաբանությունը, ինչպիսին է համագործակցության հասկացությունը, երբ գտնվում եք երկխոսության մեջ ինչ-որ բանի (համակարգիչ) կամ ինչ-որ մեկի (մարդ) կարևոր է համագործակցություն ապահովել ոչ միայն աշակերտի և ուսուցչի միջև, այլև ապահովել սովորող-սովորող համագործակցությունը, քանի որ վերջինս կնպաստի աշակերտի խմբային աշխատելու և պատասխանատվություն կրելու հատկության ձևավորմանը: Ուսուցման գործընթացը, որը հիմնված է ինտերակտիվ ուսուցման մեթոդների վրա, կազմակերպվում է այնպես, որ խնդրի լուծման բացահայտման գործընթացին մասնակցեն բոլոր երեխաներն առանց բացառության [3]: Համատեղ աշխատանքը նշանակում է, որ նրանցից յուրաքանչյուրն իր ինքնատիպ ներդրումն է ունենում: Վերջինս նպաստում է նաև, որ աշխատանքի ընթացքում տեղի ունենա գիտելիքների ու գաղափարների փոխանակում: Կազմակերպվում է անհատական, զույգերով և խմբային աշխատանքներ, դասընթացի բնույթից կախված ուսուցիչը պետք է մշակի տարաբնույթ հանձնարարություններ-ուսումնասիրություններ, որոնց իրականացման համար երեխաները պետք է կիրառեն տարբեր ուսումնառության աղբյուրներ, ինչպիսիք են գրքերը, դասագրքերը, փաստաթղթերը և այլ տեղեկատվական աղբյուրներ: Ինտերակտիվ մեթոդները հիմնված են ուսումնառվողների փոխադարձ ակտիվ համագործակցության վրա, որի արդյունքների մասին պարտադիր ուսուցիչը պետք է տրամադրի հետադարձ կապ` գնահատելով խմբի ձեռքբերումները, ներկայացնի նրանց թերացումները և ուղղորդի այդ թերացումների ուղղումը: Ստեղծվում է կրթական շփման միջավայր, որը բնութագրվում է բաց գործելաոճով, մասնակիցների համագործակցությամբ, փաստարկներ ներկայացնելու հավասարությամբ, համատեղ կուտակված գիտելիքներով, փոխադարձ գնահատման և վերահսկման հնարավորությունով: Ուսուցիչը նոր գիտելիքներ փնտրելու իր հանձնարարություններով ուսուցման մասնակիցներին ուղղորդում է անկախ հետազոտությունների կատարման [3]:

Փորձեցինք կրթության վերաբերյալ վերը քննարկված մոտեցումը, այն է երեխային ակտիվ մասնակիցը դարձնել ուսուցման գործընթացում, փորձել գործնականում ու հետևել արդյունքներին, ստուգել մեր ակնկալիքների ճշմարտացիությունը։ Ու մեկ անգամ ևս համոզվեցինք նման մոտեցման արդյունավետության մեջ: Դասի հաջողությունը իհարկե ամբողջությամբ կախված չէ նոր տեխնոլոգիաներից, որոնք օգտագործում է ուսուցիչը, բայց շատ դեպքերում էլեկտրոնային գրատախտակը կարող է դառնալ լավ օգնական և կարևոր է հասկանալ,որ արդյունավետությունը կախված է նրանից, թե ինչպես է ուսուցիչը օգտագործում այս կամ այն հնարավորությունները:

Օրինակ, կենսաբանության դասերին կարելի է կիրառել հետևյալ գործառույթները.

1. Սխալների ուղղում

Վարժություններ ուղղված սխալների, «ավելորդ» բառերի,հավասարումների, բանաձևերի ուղղմանը (օգտագործվում է «էլեկտրոնային գրիչ», «մարկեր»): Օրինակ. ընտրել ավելորդ միջատ յուրաքանչյուր տողում և բացատրել ձեր ընտրությունը:

2. Համապատասխանության ստեղծում

Այս առաջադրանքը կարող է օգտագործվել աշխատանքի տարբեր փուլերում,որը թույլ է տալիս զարգացնել գիտելիքները ,պատճառահետևանքային կապերը (գործիքակազմը՝ «էլեկտրոնային գրիչ», «նշան», «գիծ»:

Օրինակ. համապատասխանություն ծաղկի կառուցվածքի և նրա համապատասխան ընտանիքին

3. Հաջորդականության կազմում

Առաջադրանքը հնարավորություն է տալիս ձևավորել տրամաբանական կապեր ուսումնասիրված նյութի, երևույթների,պրոցեսների միջև: Օրինակ.սահմանել հաջորդականությունը միջատների զարգացման փուլերում:

4. Խմբավորում

Այս առաջադրանքի միջոցով կարելի կարելի է խմբավորել տեսակները,ինչպես բառերի այնպես էլ նկարների միջոցով: Օրինակ. խմբավորել գենային, քրոմոսոմային և գենոմային մուտացիաների տեսակները:

5. Աշխատանք պատկերների հետ

Այս առաջադրանքը օգտագործվում է նոր նյութի ուսումնասիրման ժամանակ: Օրինակ. բուսական կամ կենդանական բջիջը ուսումնասիրելու ժամանակ

6. Աշխատանք գծապատկերներով և աղյուսակներով

Այս աշխատանքը հնարավորություն է տալիս նյութը սովորել ,կազմակերպել և ամփոփել: Կարելի է օգտագործել դասի տարբեր փուլերում: Օրինակ. լրացնել բույսերի և կենդանիների նմանությունը:

7. Աշխատանք խաչբառներով

Այս վարժությունը թույլ է տալիս խաղի ձևով ստուգել գիտելիքները:

8. Տեստավորում

Այս ինտերակտիվ թեստավորման համակարգը թույլ է տալիս ներկայացնել հարցման արդյունքները և անմիջապես գնահատել:

Այսպիսով, էլեկտրոնային գրատախտակի մի շարք հնարավորությունները թույլ են տալիս ուսուցչին իրականացնել պատկերավոր, դինամիկ ուսուցում [2]:

Եզրակացություն

Էլեկտրոնային ինտերակտիվ մեթոդների կիրառումը նպաստում է ուսուցման գործընթացի բարելավմանը, ակտիվացնում և ստեղծագործ է դարձնում սովորողների և դասավանդողների անհատական և խմբային աշխատանքը: Այս ինտերակտիվ մեթոդների շնորհիվ սովորողները հաճույքով են սովորում, ակտիվորեն են մասնակցում դասին և ավելի հեշտ են յուրացնում ինչպես կրտսեր, այնպես էլ միջին և ավագ դպրոցներում: Ինտերակտիվ մեթոդներն ապահովում են այնպիսի բազային հմտությունների և կարողությունների զարգացում, ինչպիսիք են մտածելը, ստեղծագործելը, պրպտելը, ոչ ստանդարտ լուծումներ գտնելը, ինքնուրույն կողմնորոշվելը, հետազոտելը և նպատակաուղղվածությունը : Ուսուցման ժամանակակից մեթոդների հիմքում ուսուցման գործընթացում սովորողի ինքնուրույնությունն է, նրա անմիջական, ակտիվ մասնակցությունը այդ գործընթացին: Համագործակցային ուսուցման ժամանակ սովորողը պասիվ ընկալողից վերաճում է հայտնագործողի, հետազոտողի, հետաքրքրասերի: Դպրոցի ուսումնական ծրագրերի կարևոր գործառույթներից մեկը հետազոտական, ստեղծագործական աշխատանքի խթանումն է: Նախագծային աշխատանքը հենց ենթադրում է սովորողի ինքնուրույն գործունեություն, որը որոշակի ժամանակահատվածում (օր, շաբաթ, ամիս) կարող է իրականացվել անհատապես, զույգով կամ խմբով : Պրակտիկան ցույց է տալիս, որ սովորողներն առավել հաճույքով ու ոգևորությամբ սովորում են ուսուցման ժամանակակից (հատկապես նախագծային) մեթոդներով ուսուցանվող նյութերը, երբ իրենք դառնում են ուսումնական գործընթացի ակտիվ մասնակիցներ։ Այս դեպքում ուսուցիչը դառնում է կազմակերպիչ, խորհրդատու, համակարգող: Էլեկտրոնային գրատախտակը թույլ է տալիս դասաժամի ընթացքում օպերատիվ միանալ ինտերնետին և տվյալ թեմայի վերաբերյալ անհրաժեշտ տեղեկատվություն որոնել: Այն ավելի արդյունավետ է դարձնում ուսուցումը, քանի որ աշակերտը կամ ուսանողը տեղեկատվությունը ստանում է և՛ տեսողական, և՛ լսողական օրգանների միջոցով, ինչը մի քանի անգամ ավելացնում է տեղեկատվությունը յուրացնելու և մտապահելու հավանականությունը:

ԳՐԱԿԱՆՈՒԹՅՈՒՆ

1.Սուվորովա Ն. "Ինտերակտիվ ուսուցում: Նոր մեթոդներ" Մ., 2005

2. Վորոնինա Գ. Կենսաբանության դասընթացներում ինտերակտիվ տեխնոլոգիաների կիրառման օտարերկրյա փորձ // Կենսաբանությունը դպրոցում. - 2010. - N 5.

3. Մալիշևա Տ. Վ. Ինտերակտիվ ուսուցման մեթոդների ազդեցությունը սովորողների հաղորդակցական զարգացման վրա // Դպրոցի ուսուցիչ. - 2010. - N 4.

4. Ադամ Մերենյի, Վինցե Սաբո, Աթիլլա Տակաչ, «101 գաղափար նորարարական մեթոդներ կիրառող ուսուցիչների համար», Բուդապեշտ, 2006թ., էջ 7 :

Հղումներ

5. https://www.delight2000.com/about/publication/kak-vybrat-interaktivnuyu-dosku/

6. http://library.anau.am/images/stories/grqer/hasarak/Gyulumyan-teghekatvakan.pdf

7. http://urok.1sept.ru

ԻՆՏԵՐԱԿՏԻՎ ԳՐԱՏԱԽՏԱԿԻ ԿԻՐԱՌՄԱՆ ՆՊԱՏԱԿՆԵՐԸ ԴՊՐՈՑՈՒՄ

Միքայելյան Կարինե

Սպիտակի Ս. Ավետիսյանի անվան ավագ դպրոցի ինֆորմատիկայի ուսուցչուհի

Ամփոփում

Ինտերակտիվ գրատախտակը սարքավորում է, որը նախատեսված է համակարգչի աշխատանքային սեղանի պատկերը պրոյեկտորի օգնությամբ էլեկտրոնային գրատախտակի մակերևույթին արտացոլելու համար, այսինքն՝ այն կիրառվում է համակարգչի և պրոյեկտորի հետ։ Համակարգչի և գրատախտակի կապը երկկողմանի է: Որոշ էլեկտրոնային գրատախտակներ կարողանում են միաժամանակ ճանաչել մատի կամ մարկերի մի քանի հպում։ Գրատախտակների մեծ մասը ուղիղ նախագծմամբ է:

Բանալի բառեր. էլեկտրոնային գրատախտակ, ստիլուս, մարկեր, ինֆորմացիա, անիմացիա, ծրագրային ապահովում, տեղեկատվական տեխնոլոգիաներ:

ЦЕЛИ ПРИМЕНЕНИЕ ИНТЕРАКТИВНОЙ ДОСКИ В ШКОЛЕ

Микаелян Карине

Учительница информатики старшей школы им. Сурена Аветисяна, г. Спитак

Резюме

Интерактивная доска - это устройство, предназначенное для отображения изображения рабочего стола компьютера с помощью проектора на поверхности электронной доски, то есть оно используется с компьютером и проектором. Соединение между компьютером и платой двустороннее. Некоторые электронные платы могут распознавать несколько прикосновений пальцев или маркеров одновременно. Большинство досок разработаны непосредственно.

Ключевые слова: интерактивная доска, маркер, информация, анимация, программное обеспечение, информацонные технологии.

GOALS APPLICATION OF THE INTERACTIVE BOARD AT SCHOOL

Mikayelyan Karine

Teacher of Informatics at high school, name after Suren Asatisyan, Spitak

Summary

An interactive whiteboard is a device desi