Күштік трансформаторларды монтаждау

КҮШ ТРАНСФОРМАТОРЛАРЫН МОНТАЖДАУ

• Күш трансформаторларын электрмен қамту жүйесінің басты элементі болып табылады. Оларды монтаждау орындарына темір және автомобиль жолдарымен жеткізеді.
• Күш трансформаторларын монтаждау жақсы өту үшін дайындық жұмыстарын жүргізеді. Монтаждауды бастағанға дейін атқарылатын жұмыстар:

а) құрылыс бөлімін іргетасы құйылып, трансформаторды жинаған жерден монтаждайтын орынға жеткізетін сырғанату жолы;

ә) жинауға арналған орын немесе ғимарат, трансформаторды тексеру және қыздыру орны;

б) лайықты құрал-сайман, көтеру тетіктері, қосалқы жабдықтар мен материалдар;

г) трансформатор майы, оны өндеуге, құюға арналған жабдықтар;

д) электрмен жабдықтайтын қуат көзі;

е) өртке қарсы жарақтар мен хабарлай жүйесі (телефон, радио, т.б.).

Содан соң трансформаторды, оның арматураларын монтаждауға дайындау.

• 30-35 кВ кернеудегі кіргізетін орынды шаң мен ылғалдан тазарту. Қарап шыққанда ақаулардың сенімділігін фарфорлардың бүтіндігіне көңіл аудару. Ыдыстан алып май толтырылған тиісті қуыстардың май құйылатын тесіктердің тазалығын тексереді, ауа шығатын тесіктердің бітелмеуін және т.б. тексереді.

• Трансформаторды орнатар алдында оның кіретін жерін айнымалы токтың жоғарғы кернеуімен 1 минут бойы сынайды:

Қалыпты кернеу, кВ 3, 6, 10, 20, 35;

Сынау кернеуі, кВ 25, 32, 42, 68, 100.

• Газ релені трансформаторларға орнатар алдында лабораторияда тексереді, содан кейін реленің қақпағындағы тіл трансформатордың ыдысынан (бак) кеңейткішке қарай бағытталатын етіп, май құбырына орнатады. Дайындық жұмыстарын орындағаннан күйін алдын ала бағалайды, ол үшін мыналарды істейді:

а) маймен тасымалданатын трансформаторлардан тексеру үшін май алады, оған қысқаша талдау жасайды және оның диэлектриктік шығынының тангенс бұрышын өлшейді;

ә) майсыз тасымалданатын трансформатордың түбінде қалған май қалдығының электрлік бекемдігін тексереді.

Оқшаулағыштың күйін алдын ала тексеру қорытындысы бойынша трансформаторды құрғатпай, эксплуатациялауға беру туралы шешім қабылдайды.