LearningApps.org интерактивті тапсырмалар құрастырушысы

LearningApps.org

интерактивті тапсырмалар

құрастырушысы

Арнайы пәндер оқытушысы Р.Ж. Хожина

LearningApps.org интерактивті тапсырмалар құрастырушысы интерактивті модульдер (жаттығулар) арқылы оқыту процесін қолдауға арналған. Сонымен бірге оқытушыда студентте дайын шаблондарды пайдаланып, интерактивті модульдер жасай алады. Осы қызметтің арқасында жасалатын интерактивті тапсырмалардың негізгі идеясы - студенттер белгілі бір оқу пәніне деген танымдық қызығушылығын қалыптастыруға ықпал ететін білімдерін ойын түрінде тексеріп, бекіте алады.

LearningApps.org сервисінде өзіңіздің тапсырмаларыңызды құру және сақтау үшін тіркелуіңіз керек. Оқытушы жеке пайдаланушы ретінде тіркеліп, аккаунт құрады.  Өз оқу модульдерін жасап, сақтайды, сонымен қатар басқарады. Пайдаланушы оқу модульдерінің авторы ретінде жасаған контентті статистикада көре алады.

Оқытушы «Барлық жаттығулар», «Жаңа жаттығу», «Менің сыныптарым», «Менің жаттығуларым» қызметтерін пайдаланады.

«Жаңа жаттығу» қызметі: жұпты табу, классификация, хронологиялық кесте, мәтін енгізу, суреттерді іріктеу, викториналық сұрақтар, бос орындарды толықтыру, аудио/видео контент, кім миллионер болғысы келеді?, пазл, сөзжұмбақ, әріптен сөз құрау, сөзді табу т.б. модульдерді ұсынады.

Жаңа жаттығуды құру батырмасын басу арқылы жаңа жаттығу жасай аламыз.

Мысалы Геодезия Нивелирлер. Нивелирлік рейкалар. Тапсырманың сипаттамасын өзіңіз білесіз.

Сұрақ қойып, 4 жауап жазып оның дұрыс жауабына галочка қойып, өзіңіздің тақырыпқа сәйкес бірнеше сұрақтарыңызды құрастырасыз.

Кері байланыс жасап, Аяқтау және алдын ала қарауда көрсету батырмасын басамыз.

Ашылған терезеден жаттығуды сақтау батырмасын басамыз.

Осылай өз аккаунтыңызда пәндер бойынша әртүрлі бағытта тапсырмаларымызды жинақтаймыз.

Сіз өзіңіздің жасаған жаттығуларыңызды студенттерге әлеуметтік желілерде (whatsapp) веб-сілтеме түрінде жібере аласыз немесе оны веб-сайтқа енгізе аласыз.

Сабақтың қандай кезеңдерінде қолдана аласыз?

1. Білімді жаңарту;

2. Жаңа материалды бастапқы бекіту;

3. Білімді жалпылау және жүйелеу;

4. Үй тапсырмасы.

LearningApps.org сервисі оқу үдерісіне келесі мүмкіндіктерді береді:

- оқу материалын деңгей, уақыт, көлеміне қарамастан меңгереді;

- білімалушы алған білімін жүйелейді;

- шешімді тез қабылдауына мүмкіндік алады;

- тапсырманы бірнеше рет орындау арқылы жақсы нәтижеге жетеді;

- жалпы оқуға деген мотивация пайда болады;

- кері байланыс алады, өзін-өзі бағалайды;

білімалушы өзіндік жұмысты дербес компьютердің, ноутбуктың, ұялы телефонның көмегімен ұйымдастыра алады.

Білімалушылар іздеу жүйелері немесе LearningApps.org оқу модулінің авторы шифрланған веб-сілтемесі арқылы өтеді немесе бағдарламаны белгілі бір аудитория үшін қолжетімді ету үшін кірістіру кодын пайдалана алады. Сонымен қатар, сіз өзіңіздің студенттерге арналған аккаунттарды құра аласыз және ресурстарыңызды олардың білімдерін дәл осы сайтта тексеруге пайдалана аласыз.

Кері байланыс

Топтық статистикадағы тапсырмаларды орындау кезінде оқытушы жаттығудың дұрыстығын және шешілген тапсырмалар санын көрсетеді.

Қорытынды

Студенттер LearningApps сервисімен жұмыс жасағанды ұнатады, барлық тапсырмаларды уақытылы орындайды, олардың толық орындалуына қол жеткізеді деп есептеймін.

Тапсырмаларды орындау барысында олардың қиындықтарын талқылап, талдап, бағалайды. Берілген тапсырмаларды орындауда білімнің жоғары деңгейіне жетуге деген келесі қадамдарын құра алады. Бір – бірінен көмек сұрайды және көмектеседі.

Студенттердің сабаққа деген ынтасы мен белсенділігін артыруда LearningApps сервисі шын мәнінде қалыптастыруша бағалау құралы болып табылады.