Մայրենի, շարադրություն

Դասարան՝ երրորդ

Առարկան՝ մայրենի ՝փոխադրության ուսուցման դաս

Թեման ՝ Ձնծաղիկը

Նպատակը՝

1. Խոսքի կառուցման հմտությունների մշակում

2. Բնագրի ճիշտ ,հեղինակային տեքստին հարազատ փոխադրում

3. ՈՒղղագրական և վայելչագրական կանոնների պահպանում

4. Բառապաշարի հարստացում

Անհրաժեշտ պարագաներ

Պատին փաքցված են ձմեռային և գարնանային տեսարաններ պատկերող նկարներ,սեղանին դրված է ձնծաղիկներ:

Դասի ընթացքը՝

1.Մեկ անգամ ընթերցել բնագիրը :

2.Վեր հանել գաղափարը ՝հիմնական միտքը(բարեկամության,միասնության ,համերաշխության ,գաղափարները ձևակերպում են աշակերտները):

Երկու երեխայի հանձնարարվում է կարդալ դուր եկած հատվածները և բաժանել տրամաբանական մասերի :

1.Ձմեռը և գարունը անբաժան ընկերներ էին :Նրանք երկուսն էլ սիրում էին ծաղիկներ:

Ընթերցումից հետո երեխաները տալիս են տվյալ հատվածին համապատասխանող հարց (հարցնել մի քանի աշակերտների ,ընտրել ամենահաջողված հարցը):

Ձմեռն ու գարունը ինչ կապեր ունեն և ինչ են սիրում:

Աշակերտները պատասխանում են հարցին :Հարկավոր է ուշադրություն դարձնել ուղղագրական դժվարություններ ներկայացնող բառերին և դժվար բառերը գրել գրատախտակին՝գրում են աշակերտները:

2.Մի օր ,սակայն ձմեռը մտածեց ,որ ինքը զրկվել է ծաղիկների թովիչ գույներից ու քաղցր բուրմունքից :Նա խնդրեց գարնանը ,որ իրեն մի ծաղիկ նվիրի:

Աշակերտներն առաջադրում են հարցը՝ ինչ մտածեց մի օր ձմեռը և ինչ խնդրեց գարնանը:Պատասխանում են 2-3 աշակերտ:Պատասխանների ժամանակ առանձնացնում ենք ուղղագրական արժեք ունեցող բառերը՝ թովիչ, քաղցր, խնդրեց:Գրում են գրատախտակի աջ կողմում՝տվյալ հարցի դիմաց ,որպեսզի բառերից օգտվելով ՝պատասխանեն հարցին: Աշակերտները բացատրում են այդ բառերի իմաստը,ասում հոմանիշները և հականիշները:

3.Գարունն իր փնջից մի համեստ ծաղիկ ընտրեց ու ասաց.Ես ցանկանում եմ ,որ այս ծաղիկը մեր երկուսի բարեկամության ,մեր միասնության խորհրդանիշը լինի:

Աշակերտները առաջադրում են հարցը և գրում գրատախտակին՝ ինչ արեց գարունը և ինչ ասաց :

Աշակերտները պատասխանում են երրորդ դեմքով:Միասնություն և խորհրդանիշ բառերը գրվում են գրատախտակին և բասատրվում : Միասնություն բառը բաժանում են վանկերի , կատարում խորհրդանիշ բառի բառակազմական վերլուծություն՝

խորհրդ ( խորհուրդ)+ա+նիշ:

4.Այս ծաղիկը ձյունի պես սպիտակ իր թերթիկներով նման է քեզ ,թանկագին Ձմեռ,այս ծաղկի անունը պիտի Ձնծաղիկ դնենք:Սա կլինի առաջին ծաղիկը ,որ ծաղկի քո ծոցից, քո ձյուների տակից:

Լավագույն հարցը գրել գրատախտակին ՝ինչպես անվանեցին ծաղկին և ինչու:

Խրախուսել պատասխանները :

Աշակերտները գրում են գրատախտակին սպիտակ ,առաջին բառերը, բառակազմական վերլուծություն ենթարկում թանկագին բառը:

5.Շնորհակալություն ,- ասաց ձմեռը,և համբուրվեցին:

Երեխաները տալիս են հարցը ՝ինչ ասաց ձմեռը :

Առաջին հերթին ուշադրություն դարձնել բովանդակությանը ,ոճին երրորդ դեմքով պատմելու եղանակին ,ժամանակի պահպանմանը և այլն:Այնուհետև կատարել բառային աշխատանք ՝բացատրել շնորհակալություն և համբուրվեցին բառերի ուղղագրությունը:

Հարցերով ամփոփել ՝ընդգրկելով բոլոր աշակերտներին:3-4 աշակերտ շարունակելով միմյանց կպատմեն :Երկու աշակերտ կպատմեն ամբողջությամբ ,որից հետո սկսել գրել:

Աշխատանքն ավարտելուց հետո կատարել ինքնաստուգում և հանձնել:

Դասարան՝ երկրորդ

Առարկան՝ մայրենի ստողծագործական շարադրության ուսուցման դաս

Թեման ՝ Ձմեռ

Նպատակները ՝

Բանավոր և գրավոր կապակցված խոսքի զարգացում

Ձմեռ հասկացության ձևավորում

Բառապաշարի ընդլայնում ՝ ըստ թեմայի

Նախադասություն կազմում իսկ շաղկապով

Զննական պարագաներ՝ Սյուժետային և առարկայական նկար քարտեր , բնության երևույթներ պատկերող նկարներ

Խթանում ՝ Ձմեռ հասկացություն ձևավորում

Նախնական զրույց

Հարցեր ՝

1. Տարին քանի եղանակ ունի

2. Որոնք են տարվա եղանակները

3. Այժմ տարվա , որ եղանակն է

4. Բնության մեջ ինչ փոփոխություններ է տեղի ունենում ձմռանը

5. Կռահեցիք, թե տարվա, որ եղանակի մասին ենք այսօր խոսելու

- Ձմռան

Թվում ենք ձմռան ամիսները, ձմռան նախորդ և հաջորդ եղանակները: Խոսում ձմռան տոների մասին, թե որ տոներն ենք նշում ձմռանը:

-Ձմռանը մենք դիմավորում են Ամանորը և անհամբեր սպասում Ամանորի գալուն: Ձմռանը շատ ցուրտ է լինում:

-Ուսուցիչ

Ձմռանը դրսում ի՞նչ խաղեր եք խաղում:

-Աշակերտներ

Ձմռանը դրսում դահուկ, սահնակ, ձնագնդի ենք խաղում: Պատրաստում ենք ձնեմարդ:

Ֆրզկուլտդադար խաղ՝ Ձմեռ է գալիս