Местоименнё.Уроклöн технологическöй карта.

Уроклöн виззез

Велöтісьлöн удж

Велöтчиссезлöн удж

Пыр колана велалöммез, тöдöммез да кужöммез зорöтöм

1.Класс овсьом.

Настроеннё мыччалöм.

Велöтісь лыддьöтö кывбур.

Кыліс гора ни звонок,

Ми пондöтамö урок.

Видзöтыштö öтамöдлö,

Серöмтчыштö öтамöдлö.

Ась шыньсерöм отсалö уджын. Пуксьö веськыта, уджалö бура, мед шедтыны бур оценка.

- Бур удж тіянлö!

- Кружок вылісь колана рöмöн мыччалö настроеннё, кöдöн тійö пондöтатö урок.

Сулаöмöн панталöны велöтісьöс.

Велöтчиссез бöрйöны гöрд, зелёнöй кружоккез коласісь настроеннё сьöрті кружок и доска вылын мыччалöны сійö.

Л.- вынсьöтны желаннё шедтыны виль тöдöммез;

Р.- кужны донтны ассиныс состояннё урок пондöтчикö;

2.Одзза тöдöммез повторитöм.

- Орсам играöн «Ме уна, а тійö öтікö».

- Тури, шынньöв, анькытш, кань … Кыдз шуам энö кыввесö? (Существительнöй).

- Мый сэтшöм существительнöй?

- Гöрд, веж, чöскыт, шöма, кöдзыт, бур, басöк,ыджыт… Кыдз шуам энö кыввесö? (Прилагательнöйез). Мый сэтшöм прилагательнöй?

- Чеччалö, пукалö, лыддьöтö, миссьö, сёрнитö… Кыдз шуам энö кыввесö? (Глагол). Мый шусьö глаголöн?

- Вылын, бокам, йылісь, пытшкас, увтын, дорас, кузя,сайын… Кыдз шуам энö кыввесö? (Послелоггез).

- А кыдз шуам энö кыввесö быдöс?

- Кытшöм сёрни торрез тöдат эшö?

(союззэз – и, да, но…)

- Бура тöдат сёрни торресö.

Отвечайтöны юасьöммез вылö.

Уськöтöны тöд вылö сёрни торрез.

К.-сетны ответ велöтісь юасьöммез вылö.

Р.- перыта пырны велöтчан уджö;

Р.- кужны сетны ассит мненнё тöдöммез сьöрті;

Р. - уджавны тöдвыв сьöрті.

3. Тема дынö вайöтöм.

(СЛАЙД-2)

- А öні тöдö загадка.

Ме тэнö важын нёджжала

Тэ корзинкаöн оськалан.

Менö босьтан али он?

Менам кок и юрö дзонь. (Тшак).

- Кытшöм эта сёрни тор?

- Öні кылöн тшак аркмöтам неыджыт рассказ юасьöммез вылö отвечайтöмöн.

(СЛАЙД -3)

Кытöн быдмö тшак?

Кин öктö тшаксö?

Мый керöны тшакись?

(СЛАЙД – 4)

( Тшак быдмö вöрын. Тшаксö öктöны отир. Тшаксис пуöны тшкьяшыд да керöны тшаковöй студень).

- Позьö я энö сёрникузяэсö шуны текстöн? (текстлöн признаккез)

- Кытшöм ошибка тійö казяліт текстсис? (Повторяйтчö кыв тшак) А öні исправитам ошибкаэсö.

- Кытшöм сёрни тор местö сувтісö виль кыввес?

- Кытшöм серни торöн нія лоöны?

- Кин висьталас уроклісь тема?

- Кытшöм мог сувтöтам ас одзын?

Челядьлöн аркмасö сёрникузяэз

Уськöтны тöд вылö важ тöдöммез.

Аркмöтны текст.

Петкöтöны тема да мог.

П.- кужны самостоятельнöя адззыны и висьтавны уроклісь темасö и могсö;

П.- кужны янсöтны да вежöртны вильсö одзза велöтöмись;

П.- анализируйтны сетöм материал и адззыны колана признаккез;

К.- кужны висьтавны ассит думаэз; кывзыны и вежöтны велöтісьöс и ёрттэзöс;

К.-сетны ответ велöтісь юасьöммез вылö.

Р.- кужны сетны ассит мненнё тöдöммез сьöрті; уджавны тöдвыв сьöрті.

4. Виль тема вылын удж.

(СЛАЙД –4)

1) Слайд сьöрті удж

- Мый неöткодьыс сьöджыка гижöм кыввезын?

- Кытщöм вывод керам удж сьöрті?

(Местоименнё - сёрни тор, кöда мыччалö предмет вылö, но оз сет сылö ним)

- Правильнöй ли вывод мийö керим упражненнё сьöрті, кысь эта йылісь вермам тöдны? (учебникись)

- Осьтö небöг стр. 79 вылö, лыддьöтам правило. (Лыддьöтöны)

- Сідз ли миян петіс? (Сідз)

2) Правилосö велöтö и параэзöн öтамöдлö висьтасьö.

3)- Лыддьöтам сёрникузяэсö и сравнитам сьöджыка печатайтöм кыввес кытшöм сёрни тор нія вежöны.

- Мыля сёрни торыс шусьö местоименнё?

(рочöн бы шуимö займитіс место имени существительного)

(место +имени+ е), а комиöн – местоименнё.

(Учитель öшöтö карточка)

- Эта, челядь, виль тöдöм?

Висьталö: Сійöн, что этна местоименнёэс вежöны существительнöйез шусьöны личнöйезöн.

4) 187 удж. Заданнё сьöрті.

- Мый вермат висьтавны таблица сьöрті местоименнёэз йылісь?

- Вывод: Местоименнёэз торйöтсьöны 3 лицо вылö: первöй, мöдік и куимöт. Первöй лицоын: ме, мийö. Второй лицоын: тэ,тійö(ті). Куимöт лицоын: сія,нія. Единственнöй числоын:ме,тэ, сія. Множественнöй числоын: мийö (ми), тійö (ті), нія.

- Быд лицоа местоименнёöн öні лöсьöтам сёрникузяэз и керам выводдэз.

(СЛАЙД- 5)

Ответтэсö бöрьям коласіс:

- мыччалöны кин йылісь баитöны

- мыччалöны баитісьыс вылö;

- мыччалöны сы вылö, кинкöт баитöны;

Велöтісь мыччалö карточка:

1 л. (ме, мийö) мыччалöны баитісь вылö.

2л. (тэ, тійö (ті))

мыччалöны сы вылö, кинкöт баитöны;

3 л. (сія, нія) мыччалöны кин йылісь баитöны.

- Эта, челядь, виль тöдöм?

Челядь керöны вывод:

Местоименнё - сёрни тор, кöда мыччалö предмет вылö, но оз сет сылö ним.

Правилосö велöтöны и параэзöн öтамöдлö висьтасьö.

Челядь керöны вывод:

местоименнёыс вежö существительнöйесö

Местоименнёэз торйöтсьöны 3 лицо вылö: первöй, мöдік и куимöт. Первöй лицоын: ме, мийö. Второй лицоын: тэ,тійö(ті). Куимöт лицоын: сія,нія. Единственнöй числоын:ме,тэ, сія. Множественнöй числоын: мийö (ми), тійö (ті), нія.

Местоименнёэс овлöны куим лицоын, ед.ч. да мн.ч.

Велöтчиссезлöн вывод:

П.- анализируйтны сетöм материал и адззыны колана признаккез;

П.- адззыны и тöдны колана информация;

П.- кужны уджавны небöг сьöрті;

К.- кужны висьтавны ассит думаэз;

К.-сетны ответ велöтісь юасьöммез вылö.

Л.- вежöртны велöтчан моггез и кужны нійö судзöтны;

П.- кужны адззыны местоименнё мöдік сёрни торрез коласісь;

5.Шоччисьöм

Физкультминутка:

- Кылат кывбурыс строчкаись местоименнё, кутат кинаныт. Одö кылö, топöтат коккезнаныт.

Босьтамö местоименнё

Сія сёрнианым тор,

А кытшöм сылöн значеннё –

Ме висьтася эстöн то.

Сія тэ вылö вачкисьö,

Сэтшöм бытшöм сёрни тор.

Вот и радувьяс пичкисьö:

Ме не ме пö – колан тор.

Велöтчиссез керöны физкультминутка

6. Первуйись виль тöдöммез закрепитöм

1. 185 удж. Керам устнöя.

- Лыддьöтö текстсö ас кежö.

- Лыддьöтö горöна.

- Названнёыс текстлöн «Шарик да Васька», мый сьöрті сія сетöма, тема или основнöй думаыс сьöрті ? (Тема)

- А если сетны нимсö основнöй думаыс сьöрті, то кытшöм бы тійö ним сетітö? (Ёрттэз).

- Мыйö велöтö эта рассказыс? (Ёртасьны и животнöйезкöт).

- Кытшöм ёртасьöм йылісь мийö лыддьöтім литературнöй чтеннё урок

вылын?

-Кытшöм рассказыс и кин гижисьыс?

- Лыддьöтам сёрникузяэсö и сувтöтам юасьöммез сьöджыка печатайтöм кыввез дынö.

- Кытшöм юасьöммез тійö сувтöтіт сьöджыка печатайтöм кыввез дынö?

- Кытшöм вывод керам?

Велöтчиссез отвечайтöны юасьöммез вылö.

Тöд вылö уськöтöны тема да основнöй дума текстлісь.

Литературнöй чтеннё урок вылын мийö лыддьöтім, что дед Тарас ёртасис юськöт.

- Авторыс Дмитрий Наркисович Мамин-Сибиряк, рассказыс «Приёмыш».

Р. - уджавны тöдвыв сьöрті.

П.- кужны уджавны небöг сьöрті.

7.Закрепленнё.

1. - 186 удж. Лыддьöтны и бурсьöтны сёрникузяэсö. Комментируйтöмöн гижам тетрадьö и доска вылö.

2. - Медодзза кык сёрникузясö бöрьям членнэз сьöрті да сёрни торрез сьöрті.

3. – Кытшöм сёрникузя членöн да сёрни торöн лоис местоименнёыс?

4. – 188 удж. Заданнё сьöрті и быд местоименнёлісь висьтавны лицо да число.

5)- Карточка вылісь роч кыв вылісь вуджöтöм. Уджалам группаэзöн (загадка)

1. Расту в земле на грядке я,

Красная, длинная, сладкая.

2. Он большой, как мяч футбольный,

Если спелый – все довольны.

Так приятен он на вкус!

Что это за шар?

3. Я по дереву стучу,

Червячка добыть хочу,

Хоть и скрылся под корой-

Всё равно он будет мой.

4. Я умею часто мыться

Не водой, а язычком.

Как мне часто снится

Блюдце с тёплым молочком.

Велöтчиссез комментируйтöмöн гижöны, орфограммаэсö объясняйтöмöн.

Уськöтöны тöд вылö

сёрникузя членнэз да сёрни торрез.

Р. - уджавны тöдвыв сьöрті.

К. –кужны вуджöтны роч кыв вылісь коми – пермяцкöй кыв вылö;

К.- кужны уджавны кыкöн;

8. Гортся удж.

- Велöтны правило с. 79 вылісь

- «Чуманок» небöгись гижны 3 сёрникузя и кырöвтны местоименнёэз, скобкаэзын местоименнёэслісь гижны лицо да число.

Р.- кужны адззыны колана материал тöдöммез сьöрті;

9. Рефлексия.

(СЛАЙД -6)

1)- Вермим судзöтны мог?

2) - Помалö сёрникузяэз:

Понді тöдны…

Ме велалі …

Öні кужа …

Вöлі интересно …

3)- Настроеннё сьöрті донтö ассиныт удж.

Р.- кужны донтны ассиныс удж

К.-кужны висьтавны ассиныс думаэз;