Открытый урок аварского языка в 4 классе на тему "Правописание местоимений"

Дарсил тема: Ц1арубак!азул бит!унхъвай.

Дарсил мурад:

1. Лъай кьеялъул : каламалъул бут1а х1исабалда ц1арубак1ал лъик1 лъай,ц1арубак1ал гъалат1ал риччач1ого хъвазе лъай, к1алзул каламалъулъ гьел бит1ун х1алт1изаризе лъай, ц1арубак1азул бугеб к1вар бич1ч1и.

2. Тарбия кьеялъул: рахьдал мац1алде рокьи куцай, берцин ва бац1ц1адхъваялде куцай, Ват!аналде рокьи куцай, лъик1ал хасиятал куцай.

Дарсил алатал: т1ехь, компьютер, ц1арубак1азул таблица.

Дарсил тайпа: г!адатаб, такрар гьабиялъул дарс.

Дарсица кьезе кколел х1асилал: гьумералъул ц1арубак1ал ва гьезул грамматикиял хаслъаби лъай; ц1арубак1ал каламалъулъ х1алт1изаризе лъай; предметияб ц1аразул бак1алда гьумералъул ц1арубак1ал х1алт1изаризе ругьунлъи.

Дарсида лъимал ругьун гьаризе ккола (УУД).

- жидецаго дарсил масъала лъезе

- жидецаго хъвалеб ва ц1алулеб жоялъул маг1на бич1ч1изе

- лъараб ва бич1ч1араб жоялъе бит1араб къимат кьезе

- ч1ванкъот1ун жидерго пикру загьир гьабизе

- жидерго ва цогидазул гьабураб х1алт1уе къимат кьезе.

Дарсил ин:

I.Авалияб г1уц1и. Лъимал дарсиде х1адури.

Ассаламу г1алайкум , аваданаб авар халкъ

Ассаламу г1алайкум, аваразул миллат-мац1 !!

II. Рокъобе х1алт1и ц1ехей.

- Рокъобе щиб х1алт1и кьун бук1араб?

- Кинал зах1малъаби дандч1варал ?

- Нужее эбел-инсуца кумек гьабунищ?

( Тетрадал ва творческиял х1алт1аби рак1арила)

III. Берцинхъвай.

- Жакъа нилъеца берцинхъваялъе росила геминатал абун ц1ар жидер бугел.

- Рагьукъал х1арпазул цо хасаб бут1а, к1ирекъарал х1арпал росизе руго.

Ссанда к1ут1ун г1ала буго, г1одов к1усун Султ1ан вуго.

Рессарилел ясал руго, руссунилан баси буго, буссинехъин щарги буго.

- Хъвай берцинго ва бац1ц1адго.

Раг1аби: сси, ссан, руссун, бессизе, буссизе, буссине.

Торг1огун х1ай:

- Хехго предложениял ургъе гьелгун ва щивас цо-цо предложение абе.

- Дица торг1о рехарас абила предложение.

- Х1алч1ахъадал !!!

IV. Дарсил темаялде рачин.

Дун йигоха муг1алим, нуж руго ц1алдохъаби,

Нилъ киналго т1аделъун, цоцалъ рекъон х1алт1ула.

Гьелъги, гьесги, дуцаги авар мац1 лъазабула.

Мац1алъул къимат лъач1ел, гьел г1абдалзаби ккола.

- Дарсил тема?

- Дарсил мурадал?

( Лъималазул жавабазухъ г1енеккила).

V. Дарсил темаялда т1ад х1алт1и.

Аслияб п. щив? гьев Аслияб п. щий? гьей

Актив п. лъица? Актив п. лъица?

Хаслъул п. лъил? Хаслъул п. лъил?

Кьовул п. лъие? Кьовул п. лъие?

Аслияб п. щиб? гьеб Аслияб п. щал? гьел

Актив п. лъица? Актив п. лъица?

Хаслъул п. лъил? Хаслъул п. лъил?

Кьовул п. лъие? Кьовул п. лъие?

- Бажаранищ т1адкъай т1убазе?

- Щиб бажарич1еб?

- Нужерго пикраби рице.

- Релълъарал ругищ гьезул ахирал?

- Кинал зах1малъаби дандч1варал?

- Рагье нужерго т1ахьал 69 абилеб гьумералде.

- Ц1але жакъасеб дарсил мух1канго хъвараб тема.

- Ругьунлъизе руго ц1арубак1ал падежазде сверизаризе. Ц1але т1ехьалда бугеб баян.

Ц1алдохъанас ц1алила.

Ниж абураб ц1арубак1 х1алт1изабула нилъерго х1акъалъулъ цогидазе бицунеб мехалъ. Нилъ абураб ц1арубак1 х1алт1изабула цогидаздехун к1алъалаго гьезулги нилъергоги х1акъалъулъ абулеб бугони.

Масала : ниж руго маг1арулал, нилъ руго маг1арулал.

VI. Дарсил темаялда т1ад х1алт1и.

Х1алт1и № 156.гь. 70. ( жалго жидедаго ч1ун гьабила ).

VII. Х1ухьбахъиялъул лах1зат.

Расул Х1амзатовасул «Маг1арулазул Ват1ан» 1 куплет биччала ва цадахъ ах1ила киназго.

- Щиб кколеб нилъер Ват1ан?

- Бокьулищ нилъее нилъерго Дагъистан?

- Щиб доскаялда бан бугеб? ( Дагъистаналъул байрахъги, гербги)

- Кинал кьерал ругел гьелда?

- Гьел кинаб каламалъул бут1аби кколел? ( прилагательноял).

- Лъил улка кколеб Дагъистан?

- Кинаб ц1арубак1 данде кколеб бугеб тексталъе? ( нилъ)

VIII. Дарсил х1асил.

Дица предложения ц1алила. Нужеца ц1арубак1ал ратила.

Дие ц1акъ бокьула Дагъистан. Нужее бокьулищ нуж г1ураб росу. Дой ясалъ берцинго кеч1 ах1ула. Ниж жакъа рохьоре ун рук1ана. Нужее дарс бокьанищ?

IX. Рефлексия. Т1оцебецеб гьумералъул ц1арубак1алги х1алт1изарун, гьал предложениял лъуг1изаре.

Жакъа дида лъана….Дие бокьана…

Дие жеги зах1малъулеб буго… Дица т1адч1ей гьабила…

X. Рокъобе х1алт1и. Х1алт1и 155, гьум.70 Ц1арубак1алгун 2 предложение ургъизе.

МБОУ «Многопрофильный лицей № 9»

Открытый урок

по родному языку в 4 классе

на тему:

«Ц1арубак1азул бит1унхъвай».

( Правописание местоимений ) .

Провела:

учитель аварского языка

и литературы

Абдухаликова З.О.

Махачкала - 2020