Сиз учун пайдасы тиет.

ЖАНЫБАРЛАРДЫН АТАЛЫШТАРЫ

Жылкынын аталыштары

Кулун – аттын баласынын жалпы аты

Жабагы – беш-алты айга чейин

Тай – бир жашка чыкканы

Кунан – эки жашар

Бышты – үчтөн ашканы

Бир асый – беш жаша

Эки асый – сегиз жашар

Бээ - ургаачысы

Байтал – кулундай элек бээ

Айгырак – кичирээк эркек жылкы

Айгыр – тукум улай турган эркеги

Азоо – тапталбаган ат

Жорго – эки бутун бирдей таштап тез баса алган ат

Буудан – эң күлүк

Койдун аталыштары

Козу – кой баласы

Күрпөң – бир жашар козу

Токту – эки жашка чыккан ургаачысы

Тубар – төлдөй турган кой

Соолук – төрт жаштан ашкан ургаачы кой

Ирик – бычылган, союу үчүн багылган кой

Кочкор – тукум улай турган эркеги

Уйдун аталыштар

Музоо – жаңы туулганы

Торпок – бир жашка чыкканы

Кунаажын – бир жаштан ашкан ургаачы уй

Инек – үч жаштан өткөн музоологон уй

Бука – тукум улаган эркеги

Өгүз – бычылган, согумга багылган эркек уй

Ноопаз – төрт жашка чыккан, бычылган уй

Эчкинин аталыштар

Улак-баласы

Чыбыт – ургаачысы

Теке – эркеги

Серке – бычылган, союуга багылганы

Төөнүн аталыштары

Бото же тайлак – баласы

Иңген – төлдөгөн ургаачы төө

Каймал – беш жашар ургаачы

Буура – тукум улоочу эркеги

Атан – бычылганы эркеги

Нар – бир өркөчтүүсү

Желмаян – күлүгү

 Ит баласы — күчүк

 Мышык баласы — мыймый

 Эшек баласы — такай, коделек

 Эшек менен жылкынын аргындашканы – качыр 

 Чочко баласы — торопой

 Эликтин баласы — чаарчык, эркеги куран, ургаачысы телки аталат.

 Топоздун баласы — мамалак

 Аркар баласы — козу, аркардын эркеги — кулжа

 Бугу баласы — музоо

 Суур баласы — чөндөлөй

 Чычкан баласы — мөндөлөй

 Карышкыр, бөрү баласы — бөлтүрүк

 Коёндун баласы — бөжөк

 Аюунун баласы — мамалак 

 Түлкүнүн баласы — бачики

 Чөө баласы да — бөлтүрүк (күчүк да дешет)

Пил баласы – бото

Пирлерди үйрөнөбүз

Адамзаттын пири – Адам ата
Наристенин пири – Умай эне.
Күүнүн пири – Камбаркан
Устанын пири – Дөөтү ата
Суунун пири – Сулайман
Сууктун пири – Аяз ата
Малдын пири – Малабай
Койдун пири – Чолпон ата
Жылкынын пири – Камбар ата
Күлүктүн пири – Дулдул
Уйдун пири – Заңги баба
Иттин пири – Кумайык
Төөнүн пири – Ойсул ата
Кийиктин пири – Кайберен
Алгыркуштун пири – Алпкаракуш
Курттун пири – Кара чаян
Суурдун пири – Чие ата
Кумурсканын пири – Кумпа баян
Жылдыздын пири – Үркөр ата
Бакыттын пири – Дөөлөткуш
Сүйүүнүн пири – Зулайка-Жусуп
Табыпчылыктын пири – Улукман
Эр азаматтын пири – Кырк чилтен
Тоонун пири – Тастар ата
Акылдын пири – Шайык баба.