Сочинение «Наб неш дигахъис цIакьли»

Муниципальное казённое общеобразовательное учреждение «Лицей Мюрего»

Сочинение

«Наб неш дигахъис цIакьли»

БелкIунси саби: 6«б» классла ученик Умалатов Исламли

Учительница: Умалатова Барият БяхIямадовна

2013г.

Наб неш дигахъис цIакьли

Гьарил адамлис «неш» ибси дев бегIлара дурхъаси саби.Гьарил адамла ца ахIенси неш хIерирар,ВатIан кьяйдали. Бац-берхIи кьяйда цаси, гIур агарси дунъяли-чир бегIлара малхIямси сари наб дила неш.

Дила нешлис Барият бикIар. Ил школализир учите-льницали рузуси сари. Илис дебали биштIати дигахъу, илдас дигуси бирес къайгъилизир рирар. Ученикунас илра дигахъу. Наб дила неш дебали дигахъис,сенкIун илис нура дигахъни балас. Илини мурталра дила уркIи иргъу, наб дигуси бирес кьаслизир рирар.Ил дебали уркIецIичерси,духуси, гIяхIси ва гIякьлучерси сари.Илини бизиси беркала биру.

Ну сецад халаваасра, нешла духути гIякьлумачи лехIихъес гIягIниси саби. Наб гIяхIси ва гIягIниси нешлицун бала. Нушани нешла халаси хIурмат бирес гIягIниси саби. Нуша адикьес багьандан илини халаси къиян буркIули саби, арадеш мяштIхIебарили, бамсри хIейхъули хIянчилара рашули, хъулирра рузули сари. Иличи уркIецIидулхъули, вирусигъуна кумек нунира бирис: ил разириахъес школализив гIяхIил учIулра, риштIаси рузичи хIерикIулра, узизи дурсри дирахъулра,хясасупIличил хъулри умудирулра,ил гIясихIериахъес ну мурталра къайгъилизив вирус. ДахъхIиагарли нешла байрам саби. Ил байрамлис нуни неш мубаракририс ва савгъат бедлугас. Дила неш набчи дебали разириркур.

Нушани школализир нешличила чумра даргала поэтунала ва писательтала гIяхIцад произведениеби делчIунра: «Нешла дуруг», «Нешла бебкIа», «АхIерси неш».

Нуни нешличила бурала балас: «Нешлис хъатлаб хайгина берцIадра, илала чебла ахъес хIейруд». Чум азир тугъ делкIалра Адамли нешличила, Таманбируси ахIен Буруси иличила.

Арали ратаби, дила дигуси неш!

Азир баркалла хIед, дила ахIерси неш!