Сыныптан тыс жұмыс "Қызықты математика"

«Қызықты математика"

Математикалық ойынның мақсаты:

1. Оқушыларды математика пәніне деген қызығушылықтарын арттыру, математикадан алған білімдерін нығайту, ойлау қабілеттерін дамыту.

2.Ұйымшылдыққа, топ болып жұмыс жасауға, өздіктерінен іздене білуге, ой қорытындысын жасай білуге, шапшаңдыққа, жинақтылыққа дағдыландыру.

3. Оқушылардың мақсатқа жету барысында жауапкершіліктерін жетілдіру, күшіне деген сенімін арттырып, үлкен жетістіктерге жетуге тәрбиелеу.

Қатысушылар: 5-7 сынып оқушыларынан 2 команда (6 оқушыдан). Өздері топ басшыларын сайлап, топтың атын, ұранын ойлап табады. Командаға қажетті құралдар:  • Қатысушылардың аты-жөні жазылған бейдж • Командаға ат ойлап табу,капитанын сайлау.

Жоспары:

І. Екі топтың таныстыруы

ІІ. «Жекпе – жекке» шақыру

ІІІ. «Сырлы конверт»

ІV. «Ақылдассаң шешерсің»

V. «Ұшқыр ойдан – ұтымды жауап» VІ. Жанкүйерлер сайысы

VІІ. «Сергіту сәті» (көрермендер сайысы)

VІІІ. Қорытынды.

Уа, халайық, халайық, Бәріңе жар салайық Бүгінгі жарыс төрінде Математика елінде Математика тілінде Есеп шешіп жарысып Жұмбақ шешіп аңдысып Шабыт тасып шалқысып Есеппен ән салысып Көңілді жарыс жасайық Жұмбақ шерді шашайық Ат салысып аянбай Бар өнерге басайық

Математика сырлары

Қызықтырды біздерді

Ойынға бірге қатысуға

Шақырамыз сіздерді

Есептен сайысады қос команда, Алға озар ең мықтысы осы жолда Көпшілік өнерлерін қызықтамақ, Сұрайық шығуларын жұрт алдына. (топтар ортаға шығады)

Ал, командалар дайынсыңдар ма? Әділ қазылар алқасы, сіздер дайынсыздар ма? Жанкүйерлер, дайынсыздар ма?

І. Екі топтың танысуы: Әр топтың аты, ұраны болуы керек (5 ұпай)

ІІ. «Жекпе – жекке» шақыру. Топ басшыларын жарыстыру.

«К» әрпінен басталатын математика терминдерін кім көп айтады?(әрбір сөз 5 ұпай)

ІІІ. Ал, қанеки, балалар!

Құлақ салшы сөзіме

Сұрақ берсем берейін,

Логикадан өзіңе!

І топ

1.Үстелдің 4 бұрышы бар, егер бір бұрышы кесіп алынса үстелде енді неше бұрыш қалды? (5) 2. АУКЦИОН - сұрақ : Алмұрт алмадан ауыр, ал алма өріктен ауыр. Алмұрт ауыр ма, әлде өрік ауыр ма? (алмұрт)

3. Үйде 12 шәшке мен 9 табақшалар бар.Балалар шәшкелердің жартысын және 7 табақша сындырды.Неше шәшке табақшасыз қалды? (4) 4. Екі қолда 10 саусақ, онда 10 қолда неше саусақ?(50)

ІІ топ 1. Әсем поездың басынан есептегенде 7–ші вагонда, соңынан есептегенде 7–ші вагонда. Сонда Әсем неше вагонды поезда?(13)

2. Үстел үстінде бірнеше кәмпит жатқан.Оны екі анасы, екі қызы және әжесі мен немересі 1 кәмпиттен бөліп алғанда үстелде кәмпит қалған жоқ.алғашқыда үстелде қанша кәмпит болған? (3)

3. Еменде үш бұтақ, ал әр бұтақта үш алмадан бар.Барлығы неше алма? (еменде алма өспейді) 4. Бөлмеде 2 ит, 3 құс, 1 шыбын бар. Осы жануарлардың аяқтарын қосып есептегенде қанша болды? (20)

  ІV . «Ақылдассаң шешерсің» (есептерді 7 минутта шешу, викториналық сұрақтарға жауап беру) Айыра біл, жақсы менен жаманды, Айыра біл, қарындаш пен қаламды. Айыра біл, соқпағын да өмірдің, Айыра біл тапсырмаңды алдағы.

№ 1 20*5= 88+12= 40/2= 22*4= 63 - 23= 11*5= 7*9= 98+12= 42*2= 7*14= 25+17= 70 - 12= 100 - 25= 100/5= №2 1-топ а) 44/4= б) 4444/44= в) 44444/44= 2-топ а) 55/5= б) 5555/5= в) 55555/5=

Математика мен физикада түрлі ғылыми жаңалықтардың ашылуының өзіндік сыр, себеп салдары бар. Мысалы әйелдерден шыққан тұңғыш математик София Ковалевскаяның математикаға қызығушылығы былай туындаған екен. Бірде ата - анасы Софияның бөлмесіне түсқағаз жапсырады. Жетпей қалған түсқағаздың орнына математика кітабының бір бетін жапсырған екен. Сол беттегі математикалық өрнекті күнде көріп жүрген қыздың математикаға қызығушылығы күннен - күнге артып, кейінен дүние жүзіне белгілі математик – ғалым болған екен.

V. «Ұшқыр ойдан – ұтымды жауап» І топқа 1. Бұрышты өлшейтін құрал... (транспортир) 2. Бойы 2 қарыс, сыйып тұр 25 арыс? (сызғыш) 3. 31 құс ұшып келе жатты. Аңшы біреуін атып алды. Олардың қаншасы қалды? (1) 4. Қандай сан барлық санға қалдықсыз бөлінеді? (0) 5. Ең кіші натурал сан? (1) 6. Барлық қабырғалары тең тіктөртбұрыш? (квадрат) 7. Шеңбердің центрі арқылы өтетін хорда? (диаметр) 8. Бір жазықтықтықта қиылыспайтын екі түзу? (параллель түзулер) ІІ топқа 1. Қатар тұрған үш санның қосындысы да. көбейтіндісі де 6-ға тең. Олар қандай сандар? (1, 2, 3) 2. Төртбұрыштың бір бұрышын кесіп тастаса қанша бұрыш қалады? (бесбұрыш) 3. Жазыңқы бұрыштың шамасы? (180 0 ) 4. Шеңбер сызатын құрал? (циркуль) 5. Барлық бұрыштары тік болатын төртбұрыш? (тіктөртбұрыш) 6. Тік бұрыш жасап қиылысатын екі түзу? (перпендикуляр түзулер) 7. Қандай сандар 0 - ден үлкен? (оң сандар) 8. 1 саны мен өзіне ғана бөлінетін сандар? (жай сандар)

VІ. Жанкүйерлер сайысы. Жиналған ылғи дарындар, Жүректе от, көздерінде жалын бар. Жанкүйерлерді қарсы алайық, Қол соғып қарсы алайық. 1.Төртінші артығын тап: 37;19;27;29 .(27) 2.Төртінші артығын тап:қосынды,айырма,бөлінгіш, көбейтінді. (бөлінгіш) 3.Төртінші артығын тап: радиус,центр,төбесі,диаметр(төбесі)

1.Есімдері әртүрлі, жастары бірдей жеті ағайындылардың есімдерін атаңдар. (апта күндері) 2. Тәуліктің қалған бөлігі өткен бөлігінен екі есе артық болса, қазір сағат неше? (8) 3. 4 таяқтың 8 ұшы бар. Алты жарым таяқтың неше ұшы бар? (14) 4. Бір-бірімен жарысқан Бес аю, бір арыстан Екі қой мен бір түлкі Бәрі нешеу кім білді? (11)

VІІ. «Сергіту сәті» (көрермендер сайысы) VІІІ. Қорытынды. Сөз әділқазы алқасы мүшелеріне беріледі. Марапаттау. Негізі бар ғылымның математика Жалықпай оқып үйрен тек қана Білімнің есігін ашты, көзін тауып Ньютон, Колмогоров, Ковалевская Бүгінде математика барлық жерде Құрылыста, техникада, өндірісте Сырларын бұл ғылымның үйреніңдер. Жас достар, зерделікпен меңгеріңдер.

Тамашалағандарыңызға

рахмет.......