Сыныпты қадағалау. Сыныпта қадағалау жүргізу әдістемесі.

1-апта

2-күн

1-сабақтар

Сабақтың тақырыбы:

Сыныпты қадағалау. Сыныпта қадағалау жүргізу әдістемесі.

Жалпы мақсаты:

Сыныпта қадағалау жүргізуге арналған әдістермен таныстыру.

Оқу нәтижелері:

Мұғалімдер қадағалау жүргізудің құрылымдалған және құрылымдалмаған тәсілдерін пайдалануды үйренеді.

Түйінді идеялар:

Қадағалау жүргізу ақпарат жинау және мектеп пен сыныптағы жағдайды білу тәсілдерінің бірі болып табылады.

Жаттығулар:

Қадағалау жүргізудің құрылымдалған және құрылымдалмаған түрлерін пайдалана отырып, сабақтардың бірінің бейнежазбасын қарау.

Құрылымдастырылған бақылау кестесінің үлгісі (Білім беру платформасын қараңыз).

«Астана қаласындағы Назарбаев Зияткерлік мектебі (орыс тілі)» бейнежазбасы (Білім беру платформасын қараңыз).

Бірлескен жұмысқа негізделген тәсіл: 

Мұғалімдер жұппен жұмыс істейді. Жұптағы бір мұғалімге құрылымдалған қадағалау сызбасын беру, ал екінші мұғалімнен ешқандай нұсқаулықтарды қолданбастан сабақ туралы жазба жүргізуді өтіну.

Мұғалімдерден рөлдерімен алмасуды өтініп, бейнежазбаны қайтадан көрсету. Алайда әрбір мұғалімнің бұған дейін қадағалауды қалай жүргізгенін талқыламау қажет.

Екі мұғалім де екі тәсілді пайдалану арқылы сабақты қадағалауды жүзеге асырған соң, жұптан өз жазбаларын салыстыруды сұрау. Олардың қорытындылары бірдей ме? Олар мұғалімге қандай кеңес береді?

Әрбір жұптан төрт адамнан тұратын топ құру үшін екінші жұпқа қосылып, жаңа топта өз қорытындыларымен өзара бөлісуді сұрау.

Қосымша жұмыс 

 Әріптестің сабағына қадағалау жүргізу.

Қосымша оқу:

Сапалық зерттеу: әдістемелік ұсынымдар. Қадағалау жүргізу (Білім беру платформасын қараңыз).