Տնտեսության ինովացիոն մակարդակը

Զարգացած տնտեսությամբ երկրների մեծ մասում ինովացիոն հատվածի զարգացումը տեղի է ունեցել բնականոն ճանապարհով և շուկայական պահանջարկին համապատասխան՝ տարիների ընթացքում գրանցելով չափավոր աճի տեմպեր։ Մինչդեռ զարգացող երկրները ձգտում են տնտեսության ինովացիոն հատվածը զարգացնել շոկային թերապիայի մեթոդով՝ գրանցելով աճի բավականին բարձր տեմպեր, այն պարագայում, երբ այդ երկրներում ցածր է ինչպես եկամուտների, այնպես էլ կուտակված գիտելիքի և տեխնոլոգիաների մակարդակը։ Այսպիսի պայմաններում զարգացման ենթակառուցվածքների արագ և ոչ լիարժեք պլանավորված զարգացումը հանգեցնում է դրանց գործունեության անարդյունավետության:¹ ՀՀ-ն, կարելի է ասել, դասվում է նմանօրինակ երկրների շարքին, սակայն այն ունի պոտենցիալ ինովացիոն հնարավորություններ և ոլորտում առկա հիմնախնդիրներին լուծում տալու դեպքում կարող է ինովացիոն ոլորտում մեծ հաջողություններ գրանցել։

1^ с. 3-18 Полтерович В.: “Проблемы формирования национальной инновационной системы” – Экономика и математические методы, N2, Москва 2009