Türkmen milli saçagy.

Bereketli saçagym

Düýe ýüňden dokalan,

Jähek bilen bezelen,

Göreni haýran eder

Bereketli saçagym

Myhmana gülüp bakar,

Çöregi myssyk saklar.

Dost-ýary garşy alar,

Bereketli saçagym.

Toýlara barar, geler,

Mele çöregi bilen

Agzybirligi saklar

Mukaddesligi bilen.

Milli türkmen saçagy

Maýyl eder özüne,

Milli türkmen saçagy.

Mydam türkmen çörekli

Milli türkmen saçagy

Myhman gelse gapydan,

Orun tapar ýurekden,

Ýaz sen türkmen saçagy

Galkynsyn bu ýürekler.

Ykbal çüwdi aslynda,

Hiç sowulmaz ýaz munda

Hemmeleň mukaddesi

Milli türkmen saçagy

Mähriban Hojaýewa

Gurama saçak

Gurama gülli saçakdyr,

Islän çagyň açykdyr,

Degre – daşy gaýmaly,

Nagşy “Tärimgoçakdyr”.

Lezzet kändir aşynda,

Dost – doganlar daşynda,

Ýagşy dileg – dogalar,

Kabul bolar başynda.

Dilegler ýüwrer barar,

Arzuwlar Arşa galar,

Gurama “kökeler” deý,

Öýlere rysgal ýagar.

Eziz ilim, aý – günüm,

Saçaklar gutly bolsun!

Ýigitler öýli bolsun,

Gelinler toýly bolsun!

Ogulbaýram Kulyýewa