"Ұялы телефонның пайдасы мен зияны" тәрбие сағаты

Тәрбие сағатының

тақырыбы:

Ұялы телефонның пайдасы мен зияны

Мақсаты :

Ұялы телефонның пайда болу тарихы,  адам  өміріне   пайдасы мен зияны туралы ақпаратпен танысады, ой бөліседі, ұялы телефонды дұрыс пайдалану мәдениетін, әдебін үйренеді

Түйінді идеялар:

Ұялы телефонның түрлері, ұялы телефонның шығу тарихы, ұялы телефонды тиімді пайдалану

көрнекіліктер

интерактивті тақта, слайд, стикер, үлестірме материалдар

Дереккөздер:

Интернет ресурстары: http://massaget.kz/; http://www.namys.kz/

Барысы:

Сабақтың басы

Мұғалімнің іс-әрекеті

Оқушының іс-әрекеті

Ынтымақтастық атмосферасын орнатып, сергіту сәтін өткізу; тәрбие сағатының тақырыбы мен мақсатын анықтау

Оқушылар "Үнсіз телефон" ойынын ойнайды.

Шеңбер бойымен отырады, бір оқушы келесі оқушының құлағына сыбырлап, бір сөз айтады, ал келесі оқушы өз көршісіне айтады т.с.с.

Осыдан кейін оқушылар бүгін қарастыратын тақырыпты анықтайды, өз пікірін айтады.

Топқа бөлу: Оқушыларды ұялы телефон түрлері бойынша топқа бөлу

Оқушылар 3 шағын топқа бөлінеді:

Samsung Galaxy, IPHONE, XIAOMI

Мағынаны тану кезеңі

Тарихи деректер.

Оқушыларды ұялы телефонның шығу тарихымен таныстыру

\слайд бойынша\

Ұялы телефон — радиожелі арқылы байланыс жасауға арналған құрал.

1875 жылдың 2 маусымында Бостон университетінің Шешендік өнер мектебінің профессоры Грехем Белл ең алғаш рет байланыстырушы сымдардың көмегімен өз көмекшісінің даусын естиді. Өнертапқыш шотландтықтың бұл жаңалығы тарих бетінде телефон деген атпен қалды. 1947 жылы Bell Laboratories зерттеу орталығы мобильді телефон жасау туралы ұсыныс тастады.1973 жылы Motorola DynaTAC компаниясы ең алғашқы портативті ұялы телефонның прототипін шығарды. 1973 жылдың 3 сәуірінде Motorola компаниясының әріптесі Мартин Купер өзінің бәсекелесі Джоэло Энгелоға қоңырау шалады. Бұл ұялы телефонмен жасалған алғашқы нағыз байланыстың ең алғашқысы болатын.

Топтық жұмыс: Әр топқа тапсырма беріледі:

Оқушылар өзара ақылдаса отырып, ой бөліседі, постер жасайды, қорғайды.

І топ:

Ұялы телефонның пайдасы

 Ұялы телефон біреумен кезігерде оңай тауып алуға, бір нәрсе жайында сұрай салуға, алыстағы ағайынның жағдайын біліп тұруға таптырмайтын құрал. Оның көмегімен әуен тыңдауға, бейнеклип көруге, ғаламторға кіруге , хабарлама жазуға, ақпаратпен алмасуға, т.б. болады. Адамдар телефонмен тек сөйлесіп қана қоймайды, ондағы күнтізбесін, оятқышын (будильник), еске салғышын (заметка), сағатын және т.б. пайдаланады.

ІІ топ:

Ұялы телефонның зияны

Ұялы телефон балалардың денсаулығына кері әсер етеді екен. Есте сақтау қабілеті нашарлайды. Танымдық қабілеті төмендейді.Ғалымдардың айтуынша, 10 жыл бойы күніне жарты сағат ұялы телефонмен сөйлескен адамдардың глиома дертіне шалдығу қаупі 40 пайызға дейін ұлғаятын көрінеді. Ұялы телефондардың электромагниттік сәулелері жүйке, эндокриндік және жыныстық аурулардың асқынуына әсер етеді. Эпилепсия, жүйке аурулары, ақ қан сияқты дерттің де асқынуының негізгі себепкері де осы сымсыз телефон екен. Сонымен қатар, мида қатерлі ісіктің пайда болуына әкеледі.

ІІІ топ:

Ұялы телефонды қолдану әдебі

Ұялы телефонмен қоғамдық орындарда өзгелерге кедергі келтірмес үшін тасалау жерге немесе адамдар аз орындарда мүмкіндігіне қарай сөйлесу керек. Қандай да біреу қоғамдық көлікте немесе көпшілік орында жүргенде қоңырау шалса, жұмысын қаншалықты маңыздылығын біліп алып, сәлден кейін қоңырау шалсам бола ма деген секілді өтініш жасап көрген абзал. Ұялы телефондар күрделі медициналық аппараттардың бұзылуына алып келуі мүмкін. Сондықтан да оны ауруханаларға алып кіруге болмайды немесе өшіріп кіру қажет.

Бейнематериал көру.

Оқушылар бенематериал бойынша өз ойларын ортаға салады

Ой толғаныс кезеңі

"Микрафон" әдісі бойынша оқушылар тәрбие сағатында қандай ой түйгені туралы өздерінің пікірін айтады