Урок матэматыкі ў 3 класе па тэме "Множанне і дзяленне круглых двухзначных лікаў на адназначны лік"

Матэматыка

Ход урока

1 .Арганізацыйны пачатак урока. Псіхолага-педагагічная падрыхтоўка вучняў да ўрока.

Добры дзень, я вас вітаю

І ўрок наш пачынаю.

- Мне вельмі хочацца пажадаць добрага дня ўсім хто прысутнічае на нашым уроку.

Я скажу словы “Добры дзень …” і назаву каго-небудзь з нашага класа. Тыя каго я назаву, памашуць мне рукой –гэта значыць, вы мяне пачулі і адказваеце на маё прывітанне.

Паспрабуем?

- Добры дзень усім дзяўчынкам!

- Добры дзень усім хлопчыкам!

- Добры дзень нашым гасцям!

- Добры дзень тым хто любіць цукеркі!

- Добры дзень усім, у каго добры настрой і хто сёння будзе добра працаваць на ўроку!

2. Актуалізацыя папярэдніх ВУН

- Адгадайце загадку

Калі лес пакрыты снягамі,

Калі пахне пірагамі,

Час падарункаў і прыгод,

Што за свята?... (Новы год)

• У кожным доме на Новы год ставяць елачку, упрыгожваюць яе цацкамі, аганькамі.

Сёння мы з вамі таксама ўпрыгожым елку, каб і ў нас у класе было прыгожа. Але для таго, каб нашу елачку ўпрыгожыць, трэба выканаць заданні. (Заданні запісаны на цацках і да іх прыкладаецца схема ў якім парадку ўпрыгожваць елку)

• Вусны лік

• Адзін вучань выцягвае чырвоную цацку, чытае заданне

• Гульня “Крыжыкі-нулікі”

(Калі выказванне правільнае дзеці ставяць х, калі “не ”- 0)

1. Здабытак лікаў 5 і 6 роўна 30.Так ці не.

2. Дзель лікаў 72 і 9 роўна 8. Так ці не.

3. У 10 дм 100см. Так ці не.

4. Лік 8 павялічыць на 6 роўна 46. Так ці не.

5. Лік 8 павялічыць у 6 разоў будзе 48. Так ці не.

6. Калі паменшыць лік 72 у 8 разоў, то будзе 9. Так ці не.

7. Лік 50 больш за лік 10 у 5 разоў. Так ці не.

8. 1/7 ад ліку 63 роўна 9. Так ці не.

9. У каробцы 18 мандарынаў. Лена з’ядае кожны дзень па 3 штукі. Ёй хопіць мандарынаў на 6 дзён. Так ці не.

10. Старана квадрата 4 см. Перыметр квадрата роўны 12 см. Так ці не.

• Узаемаправерка. (Дзеці звяраюць адказы ў сшытках з адказамі на дошцы)

• Дзеці справіліся з заданнем і таму можна павесіць шарык на елку.

• Другі вучань выцягвае сіні шарык, чытае заданне і вешае шарык на елку.

• Гульня “Выправі памылкі”

(На дошцы запісаны прыклады з памылкамі, дзеці павінны выправіць памылкі. Праверка пры дапамозе сігнальных картак)

4·7=28 8·8=64

45:9=6 42:6=8

9·3=29 3·8=24

36:6=6 25:5=4

9·7=67 9·4=34

• Дзеці справіліся з заданнем і таму можна павесіць шарык на елку.

• Хвілінка чыстапісання: запіс даты 21 снежня

• Назваць колькасць дзясяткаў і колькасць адзінак у гэтым ліку, даць яму характарыстыку(двухзначны, няцотны)

• Запіс ліку 21

• Запісаць лік у якім столькі дзясяткаў колькі зычных літар у назве месяца, а адзінак столькі колькі галосных.

• Запіс ліку 42

• Прапісаць чаргуючы лікі 21 і 42.

3. Фарміраванне новых ведаў, уменняў, навыкаў

-На дошцы лікавы рад:10, 2, 40, 30, 3, 1, 50, 4, 5, 20(даць характарыстыку лікам: адназначныя, двухзначныя; цотныя, няцотныя, круглыя)

- Выпісаць адназначныя лікі ў адзін рад, двухзначныя – у другі. Павялічыць адназначныя лікі ў 2 разы.

2, 4, 6, 8, 10

Павялічыць круглыя двухзначныя лікі ў 2 разы.

(Дзеці адказваюць, што яны не ўмеюць гэтага рабіць)

- паведамленне тэмы ўрока, пастаноўка мэт

- тлумачэнне множання і дзялення круглых двухзначных лікаў на адназначны

10·2=1дзяс.·2=2дзяс.=20

20·2=2дзяс.·2=4дзяс.=40 і г.д.

• Фізкультхвілінка “Танец са сняжынкай”

• Трэці вучань выцягвае зялёны шарык, чытае заданне.

• Памяншэнне круглых двухзначных лікаў у 3 разы з.№3 с.112(вусна)

• Зялёны шарык павесіць на елку

4. Замацаванне атрыманых вун

• Адзін вучань выцягвае упрыгожванне для вярхушкі, чытае заданне

Рашы задачу (праца ў парах, адзін вучань каля дошкі)

У магазін прывезлі 4 скрыні мандарынаў па 7 кг у кожнай і 6 такіх жа самых скрынь апельсінаў. Колькі ўсяго кілаграмаў фруктаў прывезлі ў магазін?

Самаправерка (пры правільным адказе шар вешаецца на елку)

• Адзін вучань выцягвае сіні шарык, чытае заданне

• Самастойная работа (па варыянтах) №6, 8 с.113

Праверка. Калі адказ правільны, то вучань можа павесіць шар на елку.

• Хто справіўся першым выцягвае ружовы шар, чытае заданне

• Рашыць геаметрычную задачу №5 с. 113

• Адказ 9 .

5. Падвядзенне вынікаў урока. Рэфлексія

- Чым мы займаліся сёння на ўроку?

- Якое заданне было самае цяжкае?лёгкае? цікавае?

- Калі вам зразумела як выконваць множанне круглых двухзначных лікаў на адназначны і вы задаволены сваёй працай на ўроку – вазьміце чырвоныя яблычкі і павесце на елку.

- Калі вам урок спадабаўся, але было не ўсё зразумела - вазьміце жоўтыя яблычкі і павесьце на елку.

- Паглядзіце, якая атрымалася ў нас елка прыгажуня, а пад ёй падарункі.

6. Д\З

- У першым падарунку – заданні для тых хто ўсё зразумеў с.113 №9, 10

- У другім падарунку- заданні для тых хто зразумеў, але другім растлумачыць не зможа. С. 113 №9, 11

- У трэцім падарунку - заданні для тых, каму патрэбна дапамога с.113 №11