Лирическое произведение "Противоречие-враг!"

Къаршишиву – душманни

I

Зунттал мюрщи щархъавун

Къурагъшиву дагьуна

Хъуранная дучIаймур

Авадансса къархьуна

Махъ хъус дума яхьунссар

Мунал пикри къабанссар

Хъус дакъасса мискинтал

Утти ци буллантиссар?

Буттал къатта кьабивтун

Ниттил тIюва кьариртун

Зунттал щархъал оьрч-вирттал

Дуланмагъ лякъинн бавчна

Аьтий нину кьариртун

ДакI гъаргъун ссу кьабивтун

Аьрххи багьна жагьилнан

Цайми щилчав щархъавун

Зунттал щархъаву хъатив

Зюннав дачIулул ххуй бай

Жагьилнал аькьлу-кьуват

Цакьшивруву ккаккан бай

Лехлаххисса чIимучIалт

Ххуймур тIутIуйн кIункIу шай

Вирищарнил ххуйшиву

Ас-намусраву кIул шай

Шяраву хъатул чIумал

Вай куннан кув ккавккуна

Хъати хьуннинма къуртал

Куннан кув ххуй бивзуна

Инсан кIул хьунин цалчин

Цийл пут дукан аьркинссар

Кунах кув эшкьи даннийн

Пикри буван аьркинссар

Мукссава мукун гужну

Куннан кув ччай бунува

Оьрчал ва душнил ччаву

Ца чулийн къадурккуна

Бюхъай вайннал ххуллухун

Цама ахчилай икIан

Бюхъай вайннал пикрирду

Цаманан ччай къабикан

Душнил ххуллий хъархъала

ДарцIун дия ттик диркIун

Оьрчалмур ххуллий тIурча

цIансса чIан дакъа къатта

Душнил ххуллий хъархъала-

Цалва чIун архал оьрчру,

Оьрчалмур ххуллий кьакьа-

Шяравусса жагьилтал

II

КIюрххицIунай баргъ щуннийн

Мунир ххуллийн увккуна

Жагьилтуращал архIал

ХIалтIилухун авчуна

ХIалтIилухун нанисса

Жагьилтурал ка дугьан

Шяраваллил хьхьич арив

Бувккун бия маччасса

Мунир миннайх акъая

Пикри цамунийх бия

Цуккуннив аьжаивну

Ччисса чIалай бакъая

Шяравунай ургайва

Махъун яру битайва

Шяравату укканин

Душ хьуна къабавкьуна

Ххуллийх нанисса хIаллай

Мунир пикрирдай ия

Оьрчарая арх увцун

Ца зуманийх на ия

Цал-цал ххурххулул чIунил

Пикрирдава уккайва

Жагьилтурал хъяхъаврил

Пикри бяличIан байва

III

ХIалтилуха Мунирдул

Ниттийн чагъар чичайва

Ссийн чичай чагъарданул

Ччиссаннуя бусайва

Ссийн кIула уссил оьрму

Цукун бикIантиссарив

Эшкьи-ччаврил ччучлайна

Цукун яхьунтиссарив

Нигьа буслай бия ссу

Шяраву хавардая

Ххира уссил дакIниймур

Щинчав кIул къашаврия

Нигьа къабусансса иш

Шяраву къабикIайва

Хъуни къатрал багтурал

Ххуй бивзсса душ буцайва

БикIуча га мискинсса

БикIуча авадансса

Буцирча буцинссия

ЧIал бакъа зана байва

Душнил оьрму ва куццуй

Багтурал зия байва

Мунияту Мурижат

Уссих дакI ций бикайва

Уссил бувсса гьалмахщар

Шаппай буцин ччай бия

Мурижатлун ччай бия

Щихьчав жуав къадуван

Уссу шавай учIаннин

Ччиссаннух къулагъас дан

КIюрххиуцIунмай Марижат

Зийлун щинав лагайва

Уссин ччиссагу ганийн

Зийлув хьуна бакьайва

Ссигьрив дуккан къашайва

Нигьа бувсун бикайва

Шяраву шярал хъаннил

Хавардалун къабагьан

IV

Хъундакъасса шяраву

Ттуршва къатта бакъая

Зумакъирагърай къатлув

Мунир яхъанай ия

Къатлуву Мунирдущал

Арула – ца шярава

Арулла къупку тIутIи

Ца марщарай ххявххусса

Къатлуву арулва кунтI

Ца щиная бивзусса

Яргсса бюргъил тIинтталу

ЦIай - цIай тIий чIалачIисса

КьурчIишиву дучIарчан

Арруллуннайх дачIайва

Цаннал къумасса дакIгу

Аррилла куклу шайва

Къашайшиву диярча

Арулва дару байва

Арулва гьантта хьуннийн

Къашайшала хъин шайва

Ца магъулу яхъанай

Ца кIичулува канай

Арула уссу куна

Куннал кув бувгьун бия

КIула гайннан Мунирдуйн

Чагъарду бучIайшиву

Ччисаннул шаммардалгу

Га тирх чин увайшиву

Чагъарду кьюлт къабайва

Уссурваврахь буккайва

Цала дакIниймур гайннахь

Ниттихь кунма бусайва

Шяраву нигьачаврил

Га къума лаган айва

Куний оьрчал дакI дурну

КъумашивруцIа айва

«Ссал пикри буллай ура.

Гьич дакI гъагъан мадара

Вила махъ жу буссаксса

СсалчIав пикри мабара

Зул шяраваллил багтал

ЧIумуйнур яхъанайсса

ДучIантиссар чIуннугу

Ми жухава зузисса

Ччиссаннул пикри мабав

ЦичIав бан къабитанну

Нажагь хавар баярча

МархлуцIакул ххарт банну

Дахьва жун баючала

Душнил чулиймайсса « марч»

Бищун бувну гувжсса марч

ЧIапив кунма гьан банну

Хъис пикри мабувара

Лярхъсса хъус цачIу диша

Шаппай бачин тти жунма

Хъунма хIал ливчун бакъар

Буруккинтту кьабити

Пикрирду мабулларда»-

Вай гъилисса мукъурттил

Мунир паракьат айва

Шяравату уссийчан

Ссийл чагъарду чан хьуна

Шяравасса хавардал

Мунир авлия увна

Бавуна жагьилтуран

Душнил хакъирав хавар

Багнал арснан ххуй бивзун

Ганан буллайссар тIиса

V

КIюрххицIунмай цIан-чаннай

ОьрчIру ххулbйн бувккуна

Цала уссийл ччисаннул

« Хъатийн» биян ччай бия

Лахьхьура хIадур дурсса

ЧIилдри жипаву дия

Гьрца жагьилнал чулух

Мажарду бивчун бия

Анаварну най бия

ЧIумуй шяравун биян

Хьхьич аривн букан бувну

Цинявнащщал гъалгъа бан

ОьрчIваврал цибанссия

ЧIун ссур хьуну най дия

Ттинийн кутIаса ххуллу

Къуртал къашавай бия

Шяравун биян-бивна

ЦIаннал я бахIлай бия

Шяраву шаппай къагьан

Гайннал маслихIат бувна

Хьхьувай шаппа къатлулсса

Ццаххандарал къабугьан

Икьрал дурна оьрчIваврал

Лухччиний гьантта бикан

Марщай, урттуй щябивкун

Гай хавардай ливчIуна

Вана вайннал ва куцуй

Хьхьу уттара дуруна

КюрххицIунмай тIанк куну

Оьрчру лавай гьаз хьуна

Янналийхгу ках куну

Шяравун тIайла хьуна

VI

ТIайланма лавгуна гай

Багнал хъун къапулучIан

Аглан къавхьун лучIинний

Бавчуна багнал хъатуйн

Тяхъяшивуртту дуллай

Багнал хъун къатлув бия

Жалин дурцун бучаннин

Хъинну ялугьлай бия

Чурттурдайх лавай найсса

Жагьилтуран кIул хьуна

Цала уссил гьалмахщщар

Хъирив лаявай дусса

Ца къатлувун увххуна

Ца чIирацIух авцIуна

КIиясса къапулуча

Аглан хъанан бувчIуна

ЛивчIми жула жагьилтал

Хъун хъатлувун бувххуна

Багтурал аппа-ппарду

Га цIана духларгуна

БарцI ккавксса ттурзангума

Вакса нигьа къабусай

Жагьилтал ккавксса багтал

Чарттайн ливчIна буккавай

Ттупангирттал чIу хьуна

Му ссят чукIа гьаз хьуна

Хъатул дав -даврал чIурду

Тти маоьрдайн бувккуна

Багнал хъун хIаятраву

ЧIявусса бия бивну

Хъун хъатул ссупралийгу

Найрду хханссия бивну

Ци аьлагъужарвав тIий

Мурижат кьатув бувксса

Цила уссу бакIчийну

Жагьилтал биян бувкIсса

ЧIявунайн щаву дирна

ЛивтIуссарив къавхьуна

Талатаврива увккун

Жагьилнал баян бвуна

«Баг , вила цу уссарив

Увцун лув арив ухьхьу

Жун вищал ихттилат бан

Аьркинни мяйжаннугу

Пикрилий ухьунссияв

Винма ччимур банна тIий

Жул ххира уссил ччисса

Дуснакьрав цакь банна тIий

Ва цувалу акъассар

Уссурвал чIарав буссар

Ччисса ванан хьунтиссар

Хъатигу бувантиссар.

Укку кьатув, далул бак

Адимина ухьурча

Зунттал чувнал тIуркIурду

Жува ккаккан баннуча»

Жагьилтал тIанк увкуну

ХIаятрава бувккуна

Шяраваллил жяматгу

Хьхьич аривн тIайла хьуна

Арнил лагма бавцIуна

Багнах ялугьлай бия

Къирин мажарду тIурча

Чуллахва бивчун бия

Хьуна ца талатаву

Хьхьич дяъвирдай къашайсса

Экьи бувтIуна оьтту

Тарихраву къабувтIсса

Жагьилтал чансса бия

Гужгу лаллай бакъая

Бакъанугу тарихну

Жагьилтал талай бия

Талай арив кьабивтун

Багнащал зунттал оьрчру

Багнал махъ агьулданул

РухIраца бувна ччисса

Ахтакьунмай жагьилтал

Шяравун зана хьуна

Гайннан хIисав къавхьуна

Мунир архIал акъасса

Багьтат хьусса жагьилтал

КуртIну шанан бивкIуна

КIюрххил маоьрдал чIурдал

Гай ццах учин бувуна

VI

Зунттуха баргъ бувккуна

Шяравалу чантI куна

Щинчав кIулну бакъая

Щил цу къурталхьуссарив

Шяравату арх дакъа

ХIатталу чIалай дия

ЦIуну дурксса гьаттаву

Жагьилсса бучлай бия

Мунир аривва ливчIсса

Ванал ччисса бивкIусса

Мадарасса жагьилтал

Вайннахлу буклай бивксса

Вана укун ва куццуй

Багтурал чIунну диркссар

Оьрч-душнил дурсса ччаву

Ца чулийн къадурккуссар

ЦIана багтал бакъассар

Ихтиярду цакуцссар

Хьхьич заманнайса оьрму

МархлуцIакул ххарт бувссар!

Хъинсса замана бувкIссар

Инсантал хъинсса хьуссар

Хъинсса мукъул мудангу

Ххуллурду тIитIлантIиссар!