Мальсагова Фатима Куразовна.Биография.

Мальсагова Кураза Фатима яьй 1902 ш. Революции ялалехьа Ольгински кхалнаьха гимназе дийшар Фатимас,цул т1ехьаг1а советски школе.Мальсагова Ф. дийша йистеяьккхай Къилбаседа Кавказски хьехархой института эрсий лит-ра факультет.Буро т1арча тайп-тайпарча техникумашка эрсий лит-ра хьехаш болх бир цо.Фатимай вежарий – Кураза Зоврбик вайна массанена дика вовзаш ва – г1алг1ай йоазув кхеллари эггара хьалхара драм. пьесаш язъяьри ва, Кураза Ибрах1им а цунца цхьан фаьлгаш гулдеш а йоазош деш а вар.Фатима а д1айолаелар 19-ча шера иллеш в1ашаг1дехка.Уж тара дар вай халкъа гаьнарча замах денна оалаш хьадоаг1аш хиннача турпала иллешта,цар хестабора кердача вахара духьа латаш бола турпалхой,цар дог ура а отттадора цар.Т1ехьаг1о ше даьккха илли Мальса-гова Ф. тоа а даь,къамаьл деча хьисапе д1аяздир.

1924 ш. Буро т1а Мальсагов К.З. керте а латташ,в1ашаг1ъеллар «Г1алг1ай говзаме йоазон юкъар-ло». Говзаме йоазош арахецарал совг1а цу юкъарлос багахбувцам гулбаьб,30-ча шерашка арахийцар «Вайнаьха багахбувцам» 2 том, 3- лит-рни сборник,царна юкъе дар наьрт-орстхой дувцараш, иллеш, фаьлгаш,кицаш,к1оанолгаш и кх.д1. 1931 ш. арадаьннача «Ц1е гайдолгаш» яхача лит-рни сборника т1а доаладаьд 5-6 Мальсагова Ф. илли;царех ца1,наьрт-орстхой илли,Наьсар-Кертерча Берсанова яхача йоккхача сагагара д1аяздаь хиннад цо. Илли нотни йоазув а долаш доалааьд Из йоазув даьр композитор Е.Колесников ва. Илле т1а бувцараш ба Сеска Солсеи Села Сатеи. Геттара гаьнара зама ювцаш долча цу илле т1а къахьегама говзал хестаю,укх дунен т1а ца Биа мерза безам готтача лахьта чу буарг ца хиларах тешаву.Вешта аьлча,илле чулоацам ч1оаг1а оптимистични ба.

Мальсагова Ф. ше багах д1аоалаш хиннад вайнаьха багахбувцама т1ара ши илли : «Жер-бабий во1»,»Шира илли».Цар дешаш а халкъа мукъамаш а довнза дисад Мальсагова Ф. бахьан.Поэтессай

Кхолламах вайна гуш да халкъа искусствагара даьнна профессиональни искусствага мишта йодаш латтар вай поэтически музыкальнии культура. Фатимай культурни балхех къаьстта белгалбе беза цун актёрски болх.Г1алг1ай профессиональни театр хилалехьа,30-ча шерага кхаччалца,шерра яьржа яр драматически самодеятельность.Цунца дакъа лаьцар Фатимас пандар т1ехьа а оалаш ший иллеш доахаш,пьесашка ролаш ловзаеш.Масала:цо ловзаяьй Мальсагов К.З.»Йо1 йодаяр»» яхача пьеса т1а-ра Калимата роль.

Мальсагова Ф. кхоллам кхы башха боккха беце а,цо ший хана доккха новкъостал даьд вай иллеш дахара,г1алг1ай поэзии дег1айоалаяра.

Поэтессай кхолама наькъах дувцаш хилча,эггара хьалха ц1и яккха еза цун «Котдаьлар вай» яхача илле.Из илли 32 муг1арах латт,царех 16 муг1 т1ехьаоалар дар : «Хьо кхера ма кхера,ва майра ва дог,хьо доха ма доха,ва кура ва дог «. Из тара да вайнаьха иллешка долча т1ехьаоалара.Илле ритм тоаяра новкъостал деш да»ва»,»мА» яха дакъилгаш.Стихотворене композицега вай хьежача,хьалха-ра биъ муг1 гонахьара 1алам хьокхаш язбаь ба(бийс баьде, 1аьржа я),из иштта далее а,дог майра, кура да.Д1ахора биъ муг1 юрташта т1алатта 1азап гойташ ба(яьннача ц1ерах йоагаш латта юрташ, хозаш дола унзара тата),д1ахо д1абодача биъ муг1ара т1а дуллар геттара унзара сурт да(Моастаг1ий караг1а лега г1алг1ай к1антий,юрта гобаь латта моастаг1ий). Цу муг1арашта т1ехьадоаг1ача т1ехьаоалар т1а дог г1ийла а маьлхара а долаш гойт автора.Т1еххьарча биъ муг1ар т1ара сурт да к1айча эскарал котбалар дувцаш,цудухьа т1ехьаоалар т1а йоах,дог майра а кура а.