Тэставая работа. Марфалагічныя нормы. Часціны мовы.

ТЭСТ ПА ТЭМЕ “МАРФАЛАГІЧНЫЯ НОРМЫ”. ВАРЫЯНТ 1

А1.Адзначце назоўнікі жаночага роду:

1. яблык

2. камода

3. неба

4. гусь

5. косць

А2.Адзначце назоўнікі, якія ўжываюцца толькі ў множным ліку:

1. сталы

2. ламачча

3. санкі

4. сум

5. хітрыкі

А3.Да назоўніка запіс дапасуйце прыметнік акуратны. Запішыце словазлучэнне ў назоўным склоне.

А4.Знайдзіце назоўнік, род якога ў беларускай і рускай мовах не супадае. Запішыце гэты назоўнік па-беларуску:

1. радуга

2. окно

3. дробь

4. карандаш

5. звук

А5.Адзначце сказы, у якіх правільна ўтвораны ступені параўнання прыметнікаў:

1. Добрае імя дабрэйшае за багацце.

2. Сёлетняя вясна цяплей мінулагодняй.

3. Няма на свеце лепшых падушак, як з гусінага пуху і пер’я.

4. Крок за крокам сцежка рабілася больш вузейшая і хутка зусім знікла.

5. Сумленны чалавек не павінен маўчаць, калі побач крыўдзяць слабейшага за яго.

А6.Ад назоўніка бацька ўтварыце прыналежны прыметнік.

Запішыце яго ў пачатковай форме.

А7.Адзначце правільныя сцверджанні адносна лічэбнікаў:

1. Лічэбнікі паводле значэння падзяляюцца на колькасныя і парадкавыя.

2. Зборныя лічэбнікі ўжываюцца з назоўнікамі, якія абазначаюць асоб жаночага полу.

3. Паводле складу лічэбнікі падзяляюцца на простыя, складаныя і састаўныя.

4. Зборныя лічэбнікі абодва, абедзве змяняюцца па родах і ліках.

5. Парадкавыя лічэбнікі падзяляюцца на зборныя, дробавыя і лічэбнікі, якія абазначаюць цэлы лік.

А8.Адзначце колькасныя лічэбнікі:

1. пяцісоты

2. другі

3. два

4. пяцьсот

5. сорак пяць

А9.Адзначце прыклады, у якіх ад лічэбнікаў правільна ўтворана форма творнага склону:

1. трынаццаць — трынаццаццю

2. сёмы — сямю

3. чатыры — чатырмя

4. дзевяць — дзевяццю

5. шэсцьсот — шасцістамі

А10.Адзначце словы, якія спалучаюцца са зборным лічэбнікам пяцёра:

1. дзеці

2. сяброўкі

3. студэнты

4. нажніцы

5. падручнік

А11.Запішыце лічэбнік у той форме, якой патрабуе словазлучэнне:
з (двое) студэнтамі.

А12.Адзначце сказы, у якіх на месцы пропуску трэба ўжыць займеннік сабе:

1. Усім сябрам ты не дагодзіш, а толькі сам ___ нашкодзіш.

2. Поплаў краскамі прыбраўся яркімі, кліча ў госці да ___ здалёк.

3. Лес, што акружае вёску, сам па ___ невялікі, але надзвычай густы.

4. Чаго ___ не жадаеш, таго і другому не зыч.

5. Сам ад ___ не пабяжыш упрочкі, ___ самога цяжка перагнаць.

А13.Адзначце правільныя варыянты перакладу словазлучэнняў з займеннікамі з рускай мовы на беларускую:

1. благодарить вас — дзякаваць вам

2. никого не просить — нікаго не прасіць

3. у моего брата — у майго брата

4. кто-то написал — хтосьці напісаў

5. не с кем поговорить — не з кім пагаварыць

А14.Адзначце сказы, дзе на месцы пропускаў трэба ўжыць займеннік нехта:

1. __ наперад не знае, што каго чакае.

2. «Ой, цябе не баіцца __!» — голасна адазвалася Марына.

3. «Нічога не відаць. Але __ ўсё ж павінен прыйсці»,— меркаваў Віталь.

4. З нас __ нахлебнікам прыроды не жадае быць.

5. Хтось палюе на сініцу, __ ловіць жураўля.

15.Адзначце сказы, дзе правільна ўжыты і запісаны займеннікі:

1. Вецер даносіў галасы людзей, якія выходзілі з самага клуба.

2. Бацька папрасіў, каб сын прынёс свае кнігі.

3. Аказалася, што дзяўчына жыве ў нашэм доме.

4. Бацька доўга расказваў пра сябе.

5. Проста я цябе прашу: клапатлівымі рукамі прытулі маю душу.

ТЭСТ ПА ТЭМЕ “МАРФАЛАГІЧНЫЯ НОРМЫ”. ВАРЫЯНТ 2

А1.Адзначце словазлучэнні, якія не адпавядаюць нормам беларускай літаратурнай мовы:

1. вялікая цень

2. сухое галлё

3. густая пыл

4. залаты медаль

5. шырокая стэп

А2.Адзначце словазлучэнні, у якіх ужыты нескланяльныя назоўнікі:

1. светлае паліто

2. маладая пані

3. горкі яблык

4. смачная салата

5. старая шафа

А3.Да назоўніка кацяня дапасуйце прыметнік жвавы. Запішыце словазлучэнне ў назоўным склоне.

А4.Знайдзіце назоўнік, род якога ў беларускай і рускай мовах не супадае. Запішыце гэты назоўнік па-беларуску:

1. дорога

2. телефон

3. гнездо

4. подпись

5. озеро

А5.Адзначце сказы, у якіх няправільна ўтвораны ступені параўнання прыметнікаў:

1. Сёння самы цёплы дзень.

2. Маці купіла мне самы цямнейшы касцюм.

3. Дзед быў найлепшым грыбніком.

4. Іван быў разумнейшы ўсіх.

5. Прагучала больш цікавае выступленне ў праграме.

А6.Ад назоўніка Каця ўтварыце прыналежны прыметнік.

Запішыце яго ў пачатковай форме.

А7.Адзначце няправільныя сцверджанні адносна лічэбнікаў:

1. Лічэбнікі паводле значэння падзяляюцца на колькасныя і парадкавыя.

2. Зборныя лічэбнікі ўжываюцца з назоўнікамі, якія абазначаюць асоб жаночага полу.

3. Паводле складу лічэбнікі падзяляюцца на простыя, складаныя і састаўныя.

4. Зборныя лічэбнікі абодва, абедзве змяняюцца па родах і ліках.

5. Парадкавыя лічэбнікі падзяляюцца на зборныя, дробавыя і лічэбнікі, якія абазначаюць цэлы лік.

А8.Адзначце парадкавыя лічэбнікі:

1. трохсоты

2. мільён

3. першы

4. чатыры

5. адзінаццаты

А9.Адзначце лічэбнікі, у якіх на месцы пропуску пішацца мяккі знак:

1. пяц _дзясят тры

2. сем_сот чатыры

3. восем_

4. шэсц_сот

5. з вас_мю

А10.Адзначце прыклады, у якіх дапушчаны памылкі ва ўжыванні зборных лічэбнікаў:

1. трое лістоў

2. чацвёра бліноў

3. дзясяцера хворых

4. пяцёра зубранят

5. сямёра коней

А11.Запішыце лічэбнік у той форме, якой патрабуе словазлучэнне:
з (дванаццаць) вяскоўцамі.

А12.Вызначце, у форме якога склону трэба ўжыць займеннік сам на месцы пропуску ў сказе. Запішыце гэты займеннік у той форме, якой патрабуе сказ:

На вуліцы дзеці сустрэлі дзядзьку Марціна, які трымаў у руках не абы-каго, а … рачнога бабра, маленькага і, відаць, вельмі цікаўнага.
Адказ: 

А13.Адзначце правільныя варыянты перакладу словазлучэнняў з займеннікамі з рускай мовы на беларускую:

1. благодарить вас — дзякаваць вам

2. никого не просить — нікаго не прасіць

3. у моего брата — у майго брата

4. кто-то написал — хтосьці напісаў

5. не с кем поговорить — не з кім пагаварыць

А14.Адзначце сказы з памылкай ва ўжыванні або напісанні займенніка:

1. Сусед Васіля, калі ён параўняўся з нім, адразу загаварыў.

2. Нават самага малога грыбка не ўдалося знайсці.

3. Ніхто наперад не знае, што каго чакае.

4. Віталю самаму хацелася, каб у гэты вечар ніхто яго не трывожыў.

5. А мы заўсёды ўспамінаем табе добрым словам.

А15.Адзначце сказы з правільным ужываннем займеннікаў:

1. Няхай сабе спытае кожны, ці пасадзіў ён дрэва ў жыцці.

2. Ніхто не зробіць горш табе, чым ты сам сабе.

3. Я табе не раз прапаноўваў перасяліцца ў наш край.

4. Замяніць Марысю было некім.

5. Сумна хлопчыку. Няма з кім пагуляць, няма да каго схадзіць у госці, нават пагаварыць няма з кім.