Маркеттинг презентация

Маркетинг

Тагаева Рахима

Группа: АСОИиУ 1-18

Маркетинг

Маркетинг (англисче marketing, market – рынок ) – рынокто түзүлгөн ар кандай кырдаалды эсепке алып, монополиялык пайда табуу максатында жаңы продукция иштеп чыгаруу, ал товарды сатуу же кызмат көрсөтүү боюнча ири корпорациянын ишин башкаруу жана уюштуруу системаларынын бири. Өндүрүүчүдөн керектөөчүгө товар жана тейлөө кызматтарын багыттаган бардык ишкердүүлүктүн иш-чаралар жыйындысы. Алар – продукциянын ассортиментин пландоо, өндүрүлгөн продукцияга баа коюу, транспорттоо, дүң жана чекене соода кылуу, товар сактоо, аны кредитке берүү жана тейлөө кызматы, жарнама, маркетинг изилдөөлөрүн ж. б. камтыйт.

Маркетингдин негизги иши

Маркетингдин негизги иши – кардарчылыкты, баа түзүлүшүн изилдөө, сатууну күчөтүү, товар түрлөрүн пландаштыруу.

Маркетинг кызматы рынокто ага тиешелүү позицияларды бекемдеп жана өндүрүлгөн продукцияны сатуу боюнча бардык иш-чараларды камтыйт.

Маркетинг рынокто кайсы товарга суроо талап көп экенин изилдеп, анын жыйынтыгында фирманын иш-чараларын пландаштырып, чечим кабыл алат. Рынокту комплекстүү изилдөө үч багытта – рыноктогу суроо-талапты изилдөө, продукциянын конкуренттүү түрүн жана тейлөө кызматтарын аныктоо, товарды сатуу жана анын ыкмаларын изилдөө. Товардын конкреттүү түрүн чекене соодалоо жана аны тейлөө компания кызматкерлеринин негизги максаты. Рынокту изилдөө – фирма-өндүрүшчүлөрдүн маанилүү маселеси. Калган багыттар жардамчы милдетти аткарат. Товар өндүрүүчү бат-бат кооптуу абалга туш болуп турат, анткени керектөөчүлөрдүн товарга болгон талабы тез-тез өзгөрүлөт. Ошондуктан учурдагы маркетинг негизинен керектөөчүнүн келечектеги керектөөсүн камсыз кылууга багытталат

Маркетингдин концепциясы

Маркетингдин концепциялары – өнүгүүнүн ар

кандай стадияларында ишкананын рыноктук ишмердигин активдүү божомолдоону мүнөздөгөн баштапкы жоболор.Концепциялар өндүрүштүк, товардык, сатып өткөрүүчүлүк,керектөөчүлүк, социалдык-коомдук жана стратегиялык божомолдуно бөлүнөт.

Маркетингдин эволюциясы

XIX-XX- кылымдарда маркетингдин товардык деп аталган концепциясы калыптанган. Эгерде фирма чыгарган товардын сапаты жакшы жана жетишерлик арзан баада сунушталса, керектөөчү ыңгайлуу деп эсептеген. Милдет, ошончолук көп товарды чыгарып, андан кийин бардык күч менен керектөөчүнү аларды сатып алууга мажбурлоодо турган.

Бирок бир канча убакыттан кийин пайда алуу үчүн товардын өзүнүн гана болушу жетишсиз болгон. 20-30-жылдарда сатып алуучулар сунушталган товарларды, эгерде аларды сатуу процессинде айрым бир аракеттерди жасаса, сатып алат деп эсептеген сатып өткөрүү концепциясы түзүлгөн. Маркетингдин өнгүшүнүн бул этабында товарлардын өндүрүшүн өнүктүрүү менен катар аларды сатуу боюнча коммерциялык аракеттерди интенсификациялоо саясаты активдүү иш жүзүнө ашыралган

Бул концепциялардын баары өндүрүш менен сатуучунун көйгөйлөрүн чечүүнүн зарылдыгынан келип чыккан. Принципиалдык жаңы этап болуп сатып алуучунун муктаждыктарына ориентациялоо, анын көйгөйлөрүн

чечүү болуп эсептелген.

50-60-жылдардан баштап маркетингдин керектөөчүлүк (рыноктук) концепциясы басымдуулук кыла баштады (рынок сатып алууга жөндөмдүү керектөөлөрдүн жыйындысы катары). Ал, баарынан мурда, ишкананын өндүрүштүк, соодалык жана ишмердиктин башка түрлөрүн рыноктун талабына ылайык баш ийдирүү дегенди түшүндүрөт. Мындай мамиле керектөөлөрдү аныктоого ж анатоварлардын сапатын жана түрдүүлүгүн реалдуу керектөөчүлүк баалоого, бул керектөөлөр менен баалоолорго өндүрүштү жана сатып өткөрүүнү атаандаштарына караганда натыйжалуу жана мыкты өздөштүрүүнүн зарылдыгына негизделет. Рыноктук ишмердиктин башкы обңектиси керектөөчү болуп калат жана эми ишкана пайда алуу керектөөчүлүк канааттандырууну түзүү жана колдоонуну жардамында боло тургандыгына таянат.

Маркетингдин учурдагы концепциясынын түрү болуп интеграцияланган деп аталган маркетинг эсептелет. Ал бир эле учурда жаңы продуктыга жана керектөөчүгө ориентация болушун шарттайт. Бул өндүрүштүк ишмердик процессиндеги тобокелдиктин бир кыйла азайышына мүмкүндүк берет.

80-жылдарда стратегиялык маркетинг калыптанган жана өнүгө баштаган, анын негизинде керектөөчүлөргө жана атаандаштарга ориентация жатат. Анын мазмуну мыкты сапаттык параметрлери бар товарларды же бир кыйла төмөнкү бааны коюу жолу менен бир мезгилде атаандаштарына караганда артыкчылыктарга жетишүүдө турат. Атаандаштарга ориентация жасоо керектөөчүлөргө ориентация жасоого каршы келбейт.

70-60-жылдардагы ири экологиялык, чийки заттык, энергетикалык жана башка көйгөйлөр маркетингдин керектөөчүлүк концепциясына болгон көз карашты коомдук керектөөлөрүнө жана коомдун экономикалык булактарына ориентациялоо тарапка бир кыйла өзгөрттү. Маркетингдин социалдык-коомдук (социалдык-этикалык) концепциясы түзүлө баштады. Ал инсандын жеке керектөөлөрүн гана эмес, ошондой эле жалпы коомдун керектөөлөрүн канааттандырууга багытталган. Мында ишкананын пайдасы, сатып алуучунун керектөөлөрү жана коомдун кызыкчылыктардын байланышы жана макулдашуусу жүрөт.

Заманбап маркетингдин өзөгү – бизнести рыноктук маселелерди ийгиликтүү чечүүгө ориентациялоо.

Маркетингдин кредосу - керектөөчүлөрдүн талаптарын канааттандыра турган жана рынокто сатыла тургандарды өндүрүү. Маркетингдин максаты – кардардардын керектөөлөрүнө так жоопберген жана «өзүн-өзү сата турган» товарларды же кызматтарды билүү, башкача айтканда минималдык сатык боюнча аракет жасоо дээнгелинде таануу жана түшүнүү.

Заманбап маркетинг – бул, бир жагынан, рыноктук чындыктын күнүмдүк көрүнүшүн түшүндүрүүгө аракет кылган концепциялардын жана механизмдердин тобу, экинчи жагынан - маркетингдин практикалык тажрыйбаларын чагылдырган турмуштук кырдаалдардын көп саны. Маркетингдин усулдары – цивилизациялуу

ишкердүүлүктүн, экономикалык маданияттын органикалык

элементи

Маркетингдин концепциясы

1 .Өндүрүштү жакшыртуу концепциясы. Керектөөчүлөр кеңири таралган жана баасы арзан болгон товарларды жактыра тургандыгын далилдейт. Товарларды ийгиликтүү жеткирүү үчүн көңүлдү өндүрүштү жакшыртууга топтош керек. Бул концепцияны колдонуу товарга сурооталап сунуштан ашып түшсө же товардын өздүк наркын төмөндөтүү үчүн резервдер болгондо натыйжалуу деп эсептелет. Бул концепция бир канча эскиргендей көрүнүшү мүмкүн, бирок көптөгөн алдыңкы компаниялар (мисалы,

«Тексас инструментте») аны колдонуп келет. Андан сырткары конкуренттик артыкчылыкка жетишүүнүн негизги жолун М. Портер чыгымдарды азайтуудан көрөт. Чыгымдарды азайтуу жолдорунун бири болуп өндүрүштү жакшыртуу болуп эсептелет.

2 . Товарды жакшыртуу концепциясы. Керектөчүлөр мыкты эксплуатациялык касиеттери жана мүнөздөмөлөрү бар товарларга жакшы ниеттенишет жана ошондуктан ишкана өзүнүн көңүлүн товарды тынымсыз жакшыртууга бурушу керек экендигине негизделет. Туура болуп эсептелгендигине карабастан мындай концепция коркунучту ичине камтыйт.

3.Салыштырмалуу түрдө жаңы коммерциялык аракеттерди интенсивдештирүү концепциясынын жактоочулары ишкананын товарлары, эгерде ишкана сатуу жана стимулдаштыруу чөйрөсүндө бир кыйла аракеттерди көрбөсө, алгылыктуу санда болот. Бул концепцияны дайыма шайлоо компанияларын жүргүзүүдө колдонушат. Чуулгандуу шайлоо компаниясыз утушка ээ боло албайт деп эсептелинет.Ошондуктан бизге кандидатты түрлөнтүрүп ашыра макташат, анын алмаштырылгыстыгы тууралуу ойду ынандырышат ж.б.

4. Маркетингдин концепциясы. Ишкананын максаттарына жетишүүнүн салымы болуп максаттуу рыноктордун муктаждыктарын жана керектөөлөрүн аныктоо, кардарлардын керектөөлөрүн атаандаштарга караганда натыйжалуу жана продуктивдүү ыкмалар менен канааттандырылгандыкты камсыздоо эсептелгендигин далилдейт.