Математикалык табышмактар

О.Жусупбеков мектеби

Математика мугалими: Уристамбек кызы Уулкан

МАТЕМАТИКАЛЫК ТАБЫШМАКТАР

Оригинальные шаблоны для презентаций: https://presentation-creation.ru/powerpoint-templates.html

Бесплатно и без регистрации.

Жылбай калат машина,

Ылдамдык менде жатканда.

Оозуң менден ачылат,

Атымды менин айтканда.

Ким экенмин анда,

Кана балдар айткыла.

Жөө күлүктөр жарышса,

Маараларга келишет.

Эң алдында келгенге,

Мендей наамды беришет.

Айткылачы атымды,

Мен билейин тезирээк.

Менин атымды укканда,

Көп балдар абдан күйүнөт.

Ал эми спортсмендер,

Анча-мынча сүйүнөт.

Тапкылачы атымды,

Эмне деген ат экен?

Жаңыдан бүткөн шоферго,

Классым менен берилет.

Баалар менен бөлүнүп,

«Жакшы», »жаман» делинет.

Анда мен кандай аталам,

Атымды айтып бериңер?

Жашап жүргөн үйүңдүн,

Кана бурчун сана бат.

Туура тапсаң эсебин,

Менин атым айтылат.

Бол батыраак тапкының,

Туура тапсаң эсебин.

Менин атым айтылат,

Жалган айтпай туура айт.

Кремлде жаркырап,

Жанып турган жылдыздын.

Канча болот чокусу,

Кана айтчы сен туруп.

Кубанайын мен дагы,

Өз атымды так угуп.

Бөдөнөнү куу түлкү,

Басып жээр маалында.

Амал менен айттырат.

Мен куткаргам аны да.

Айтчы атымды угайын,

Ачылаар оозуң сенин да.

Мына быйыл мектепке,

Биринчи жолу барамын.

Апам быйыл кубанып,

Китеп, дептер барагын.

Туура келген санды айт,

Канча жашар баламын?

Бутум менен турсам да,

Башым менен турсам да.

Мааним менин өзгөрбөйт,

Бир эле болот атым да.

Кана сен да токтобой,

Атымды ата тартынбай.

Улуттук оюн чынында,

Кызык болот турбайбы.

Сан менен дайым айтылчу,

Оюнду ойноп жыргайлы.

Кайсы сан экен айткыла,

Оюнду баштап турганда.

Бирден туруп баарыбыз,

Атыбызды атадык.

Чогубуз менен биригип,

Каалаган санды жазабыз.

Кана айтчы анда сен,

Ким болобуз баарыбыз?