Мэҥэ Хаҥалас төрүттэммит күнэ

Олунньу 10 күнэ – Мэҥэ –Хаҥалас төрүттэммит күнэ

Бүгүн олунньу ый 10 кунугэр 1930 сыллаахха Илин Хаҥалас уонна Мэҥэ улуустара холбоһон, Мэҥэ - Хаҥалас улууһа төрүттэммит күнэ.

Мэҥэлэр хайа үрдүгэр!

  Мэҥэ Хаҥалас улууһун баһылыга Дмитрий  Иванович Тихонов

Бу күн сахаттан бастакы академик, биир дойдулаахпыт Владимир Петрович Ларионов төрөөбүт күнэ

• 1938  сыл  олунньу 10  күнүгэр  Мэҥэ-Хаҥалас улууһугар   Лоомтукаҕа  бааһынай дьиэ кэргэнигэр төрөөбүт.
• Лоомтука сэттэ кылаастаах оскуолатыгар үөрэммит. 1956 сыллаахха Майа орто оскуолатын кыһыл көмүс мэтээлинэн бүтэрбит.
• 1962 сыллаахха Н. Э. Бауман аатынан Москватааҕы үрдүкү техническэй университеты кыһыл дипломунан бүтэрбит.
• 1962 сылтан ССРС билимнэрин Академията Сибиирдээҕи салаатын Дьокуускайдаҕы филиалыгар үлэлээбит.
• 1967 сыллаахха «Хрупкие разрушения сварных соединений в условиях Северо-Востока СССР» тиэмэҕэ кандидат диссертациятын көмүскээбит.
• 1968 сылтан — лаборатория сэбиэдиссэйэ.

• 1971 сылтан РБА СС Хоту дойду физико-техническэй кыһалҕаларын Институтугар директор солбуйааччытынан үлэлээбит; 1986 сылтан 2004 сылга дылы — Институт директора.
• 1983 сыллаахха «Технология сварки низколегированных сталей для конструкций в северном исполнении» тиэмэҕэ техническэй билимнэр доктордарын диссертациятын көмүскээбит; профессор.
• 1984 сылтан —  Саха государственнай университетыгар  машиноведение кафедратын сэбиэдиссэйэ.
• 1988 с. — ССРС билимнэрин Академията Сибиирдээҕи салаатын Дьокуускайдаҕы филиалын директорын солбуйааччыта.
• 1989 с. — ССРС норуодунай депутатынан талыллыбыт.
• 1990 с. — ССРС билимнэрин Академиятын чилиэн-корреспондена.
• 2004  сыл  кулун тутар 4  күнүгэр өлбүт.