Менің Отаным -Қазақстан

Ортаңғы  «Айналайын» тобының  ұйымдастырылған оқу қызметінің конспектісі

Тәрбиеші: Досымханова Ж.Ж

Білім беру саласы: «Коммуникация»

Пән: «Сөйлеуді дамыту»

Тақырыбы: «Менің Отаным -Қазақстан!»

Мақсаты: Қазақстан  Республикасының    жағдайы  туралы   әңгімелеп беруге   үйрету. Туған  жерін,  елін  сүюге,  құрметтеуге ,Отан  сүйгіштікке   тәрбиелеу. 

1.Тәрбиелік-Балалардың ақыл ойларын, қамту.

2.Дамытушылық-  Оқу  қызметінде балаларды  түгелдей  қамту.

3.Оқыту- Менің Отаным -Қазақстан!

Ресурстармен қамтамасыз ету: Тақырыпқа  сай  суреттер,   презентациясы. Қазақстан   бұрышын жасақтау.

Билингвальдық  компонент: Отан-Родина, Елбасы-Президент,

                               Елтаңба-Герб, Ту-Флаг

                Ұйымдастырылған оқу қызметінің барысы

1.Ұйымдастырушылық кезеңі

  Шаттық  шеңбері: 

Дөңгеленіп  тұрайық,

Керегені құрайық.

Уықша иіліп

Сәлемдесіп алайық.

2.Негізгі бөлімі:  – Қазақстан Республикасының Гимн орындау. Балалар ҚР гимн орындайды. Балалар, ерте кезде біздің елімізді хандар, билер, сұлтандар басқарған. Қазір Тәуелсіздігімізді алғаннан кейін елімізді елбасымыз басқарады.  Елімізді  басқарып отырған елбасымыз кім? Нұрсұлтан Әбішұлы Назарбаев.

Біздің тұңғыш елбасымыз Нұрсұлтан Әбішұлы Назарбаев 1991 жылы 1 желтоқсанда сайланды. Тәрбиеші:

Кең байтақ, туған өлкем Қазақстан,

Мен сені әрқашанда  мақтан тұтам.

Алтын дән, мыс, мырышы, мұнайымен,

Баршаны  байлығымен таңқалдырған.

Төбеңде  көк байрақты  желбіретіп,

Жасашы, жасай берші Қазақстан!

Өлеңде  не туралы айтылған?

Біздің мемлекетіміз  қалай  аталады?  Қазақстан  Республикасы.  Сендер қандай  ауылда  тұрасыңдар?   Октябрь  ауылында. 

Қазақстан  Республикасы   үлкен  мемлекет екен.  Сол мемлекетте  көптеген  үлкен-кіші  қалалар мен ауылдар  бар. Онда  бірнеше  ұлт  өкілдері  тұрады. Ол  ұлттардың  өздерінің   сөйлейтін  тілі, діні,  мәдениеті,  салт-дәстүрі болады.

Ал, сендер қай тілде  сөйлейсіңдер? Қазақ тілі-мемелекеттік тіл.

Басқа  қандай  тілдерді  білесіңдер? 

Отан туралы  тақпақ кім біледі.

Анастасия:

Отан-сенің ата-анаң,

Отан-досың, бауырың.

Артем:

Отан-менің үйім, елім, жерім.

Отан-тауымыз, табиғатымыз.

Отан-отбасымыз, мемлекетіміз.

 София:

Отан-туған үйіміз,

Отан-туған жеріміз.

Отан-ортақ  үйіміз,

Отан көңілді ән, күйіміз.

Қазақстан Республикасының рәміздерін ата? Ту, Елтаңба, Гимн.

Тәрбиеші рәміздер туралы түсінік береді.

Балалар кім рәміздер туралы тақпақ біледі

Денис:

Алтын қанат көмкерген

Шаңырақ бар,  уық бар.

Әсем бейне сен көрген

Жай бейне емес ұғып ал.

Данияр:

Аспан түстес көгілдір,

Тік бұрышты матаның.

Ортасында төгіп тұр,

Күн жаяды шапағын.

Серігіту сәті :

Топ-топ, топ-топ басайық,

Жалаудан  күн  жасайық.

Жайна-жайна алтын күн,

Жайна-жайна  жарқын күн.

 Отан, туған жер туралы қандай мақал-мәтел білесіңдер?

Диана:

Өз елім-өлең  төсегім.

Ернар:

Өзге елде сұлтан болғанша,

Өз еліңде ұлтан бол.

Медина:

Отан-оттан да ыстық.

Тәрбиеші:

Өркениетті ел боламыз  келешек,

Шет елдерге  болмаймыз  біз  берешек.

Екі мың  отыз  келген кезде  бұйырса

Елім дейтін, халқым дейтін ер өседі.

Аш болмайды, тоқ болады  халқымыз,

Ешқашанда  бұзылмайды   салтымыз.

Президентті  әрқашанда қолдаймыз,

Жастарымызға, толық сенім артамыз.

3. Қортынды: Бүгін біз не жайлы әңгімелестік?

 Еліміз қалай аталады?

Рәміздерді ескі түсірейік?

Отан туралы тақпақтар?

- Балалар сендерге үлкен рахмет. Бүгінгі оқу қызметімізге барлығыңыз жақсы қатыстыңыздар.