Мяляфтомань урок

Мяляфтомань урок: Сложносочинённай валрисьмотне.

Урокть целенза:

1. Мяляфтомс и кърхкалгофтомс содомошитнень сложносочинённай валрисьмотнень коряс.

2. Виияфтомс маштомашить сложносочинённай валрисьмотнень текстста мушендомаснон и маштомс сёрмадомста явфтомаснон лотксема тяштеняса.

3. Касфтомс кельгомать родной кяльценди, шачема-косома вастоняцти, тядяти.

Эпиграфсь урокти:

Крайняй, тядянь-авань мастор,

Коста эздот ичкозян,

Кода лажаткшнян да мархтот

васедемазень учсян…

(М.А.Бебан)

Оборудованиясь:

Книга, тядять колга Малькинонь А,С, М,А,Бебанонь, А,П,Тяпаевонь стихотворениясна, компьютер, мультимедийнай экран,раздаточнай материал.

Урокть молемац: (Сл. 1-3)

1. Учительть валоц.Азови темась, цельхне. Азови, што тячи урокса мялезе шарфтомс мяль аф аньцек урокть теманц лангс: сложносочинённай валрисьмотнень лангс, но и шарфтомс мяль кельгомать лангс. Содаф, кельгомась уленди аф фкя лаца. Но мъзярда шабанясь аньцек шачи.,то сон васьфти кинь кельгоманц мархта? ----- Тядять кельгоманц мархта. Кулхцондость. Мезе сёрмады рузрнь писательсь Максим Горький: «Без солнца не цветут цветы, без любви нет счастья, без женщины нет любви, без матери нет ни поэта, ни героя. Вся радость мира - от матерей”

2. Литературно-орфографическяй разминкась. (сл. 4)

 Шарфтави мяль эпиграфть лангс. А тяни давайте шарфтатама мяль эпиграфть лангс. Лувови.

--кодама валса-кяльса лемнесы мокшень содаф поэтсь М.А,Бебан эсь крайнц? (тядянь-авань мастор). Иттнень ответсна:

-- пялькскять эзда няеви аф аньцек краенцты, масторонцты лажадомась, но и тядяти.

Шарфтови мяль ( тядянь-авань) валть сёрмадоманцты

-тя пъшкядема, парнай вал, сяс сёрмадови китькскя вельде. Мес авторсь сувафтозе имена тя валть?

-штоба сяда выразительнайста и виста няфтемс кельгоманц и лажадоманшачема краенцты.

Теориять мяляфтомац: (5 сл)

1.Мезе стамсь сложнай валрисьмось?

2. Кодапт улендихть сложнай валрисьмотнень видсна? ( 6сл )
3. Кодама валрисьмоти мярьгихть сложносочинённай?

Сложнай валрисьмотнень видсна

Союз мархта Союзфтома сложнайхть

Сложнайхть

Слложно- Сложноподчинённайхть

сочинённайхть

2. Самостоятельнай работа книгать коряс . (7сл)

Устна тиеви 113-це упражнениясь.
1-це вариантсь мусыне союзфтома сложнай валрисьмотнень.
2-це вариантсь ванцыне союзфтома сложнай валрисьмотнень.

Кизефкссь: кодама валрисьмоти мярьгихть сложносочинённай и кодама союз велде сотовихть валрисьмонь пяльксне?

( Мяляфтовихть сочинительнай союсне)

(8 сл)

Сложносочинённай валрисьмотне смузень и союзонь коряс.

Сотксонь союсне: и, да( и союзть значенияса), аф…аф, станя жа;

Карань-каршеконь союсне: а , но, да (но союзть смузьса), а то, афток, аньцек;

Явомань союсне:Или, либа, или…или, либа…либа,то…то, кати…кати

Союснень мяляфтомада меле 1 рядсь 8 влрисьмоти муйхть синонимичнай рядт ( простой, сложноподчинённай, союзфтома сложнай).

2 рядсь работй карточка коряс.

3 Карточка мархта работась (9 сл)

Явовихть эрь партати карточкат

Сотксонь союсне няфтихть:

1) фкя пингста моли действият, явленият или событият.

2)фкя-фкянь мельге моли действият, явленият, событият.

3) Туфталонь и следствиянь оттенка.

А) Ушеса уфась аера варма, и читордозь нюрясть вальмалонк эчке келунь тараттне.
Б) Тядязе андозе-симдезе анцинять, станя жа
макссь мархтонза сахар покольнят.
В) Конанцка вестенге тядязе ашезе токсе , и минь эздонза ашеме пеленде.

Карань-каршеконь союсне няфтихть:
карань каршеконь смузь, контраст. Кона ащи кафта предложениятнень ёткса.

А) Андомак, тядякай, мезьдонга, а то въдь ламос тяни куду аф пован.

Б) стадонга тядязе коськаналь, а тяни сон коське пяшекс арась.

В) Лангозонза ваномста алясь кода аля, аньцек винанясь гастязе.

Г) Кунара ни прась лов, но кеме морост нинге ашельхть.

Д) Лоткак нярцень пуряма тядяцень инголе, афток шлёпатте мекикятть.

Явомань союсне няфтихть:

1) фкя-фкянь мельге моли и фкя-фкянь мельге полафневи действият, а станяжа стама тевонь тиемат. Конатнень эзда тиеви аньцек фкясь.

А)То шинясь валдоптсь, то мольсь вишке пизем.

Б) Тон, цёра, петить эльбятькснень, или журналу путан кафта.

В) Либа пантк тядяцень шумонц, либа тутада кафцьке лия пяли.

Г) Кати минь сире прясонк шаракадоме, кати пингсь тяфтама шаракатф сась.

Заданиясь: ваномс валрисьмотнень, азомс кодама союз вельде сотневихть и кодама отношеният няфтихть простой валрисьмотне;

Тиемс схемат валрисьмотненди и кодама отношеният няфтихть простой валрисьмотне.( 1партась);

Тиемс схема и перевод рузонь кяльс. Азомс. Мезе полафтсь. (2 партась)

4 Доскать инголе работась.

Заданиясь:

1 )Тиемс валрисьмоти синтаксическяй разбор;

2) Путомс эрявикс тяштенятнень;

3) Азомс валрисьмоть видинц.

Сон пяк кельгозе тядянц(,) и тя кельгомась аф азомшка(,) сярятьфнезе(,) и таколтфнезе сединянц Аннанять.

5. Литературно-орфографическяй тевонь тиема.

А.П, Тяпаев «Тядя»
 
Ульсь тейне вете кизошка,
Лац касондонь – шумбраста.
И куду сувсемс шинь-шишка
Изь сашендов ульцяста.

И пара ялгакс тейне ульсь:
Ульцява юрги вармась,
Ки лан(г)(к)са псидо(нга) пси пульс.,
Ку(дть)(тть) вак(с)(сс)а пиже нарнясь.
 
И, кода мазы (атямъёнкт ) ( атям ёнкт),
Тусть сембе шири я(т)(тт)не.
И вов ни сер(ь)гядемазь монь
Шить ала пиже са(т)(тт)не.

А.П. Тяпаев «Тядя»
 
Кядь(б)(п)еда бабазе сявсь эсон,
И молеме минь калм(о)лан(г)(к)с.
Ка(с)(сс)ь ёфси тядязень пря(б)(п)еса
Од келу… Лангозон шись ванць.
Эсь аймакстонза – менельть тёкшста
Пси сюролданзон тейне мак(с)(сс)ь.
Сась тейне «тядя» валсь аф ёфк(с)(сс)та,
Сон калмолангста тейне сась.
 

А.С.Малькин « Тядяфтома ломань»

…И яказь(…) шяязь арась атякс,
Пряц шаржу, кода акша лов,
сон эста ожазонза фатясь,
Ш(ч)то тяни лоткамс ашель ков.
Весть шачем вели кати(…) кода
Сон пачко(ць)(дсь) сёксенда иля(ть)(дь),
Но ки (вок) тоса сонь изь сода,
Ульсь тоса сембонди иля.
 
Изь сода сон(ь)цьке кинь(ге) кудонц,
Ульсть сембе велень ку(т)(тт)не о(т)(тт),
Сон фкя(вок) шочконя изь пута
Ня якстер(ь)ди венецнень ёткс.

А.С.Малькин « Тядязти»
Валда павакс (,)тядяй(,) учсесамак
Шачем краю , павазу шинь стяма.
Колма кизот кирдеть кукшен(нн)яса
Вишке поза комля шиненяса.
Сонь аф панчсак, мезе афольхт ь макс,
Мзярс аф озан козя моркшцень вак(с)(сс).
Тапать я(н)(нн)я веле пень ки крайти,
Кеняр(дь)(ть)кшнеть тон кажнай куду сайти,
Карша васьфнить, кизефнеть поклон(ца)(са)—
Изезь няй ли цёрацень тонь фронт(ст)(цт)а,
Месс сонь лямбе сёрмац аш кува(тьс)(ц),
Сонь куване ка(н)(нн)есы судьбац?
…
Шоряф он(ц)(с) отшамазень монь няят,
Сяда курок лямбе васт(ст)(цт)от стяят,
Ар(ь)сят (,)пади(,) васе(ть)(дь)кшнема сань,
Вальмять ала эендазь учсян.

6. Обобщениясь и итокне.
Мезть лангса тячи работаме?
Кие мезти тонадсь урокса и кодама вывод тиеви урокть эзда?
-- ССВ-тя союз мархта сложнай валрисьме.
-- ССВ сотневи сочинительнай союз вельде.
-- Сочинительнай союсне явондовихть: сотксонь, карань-каршеконь, явомань юромга.
--Сёрмадомста ССВ явфневихть запятойса, корхтамста- интонацияса.
-- ССВ улендихть синонимичнайкс: простой валрисьмотненди, сложноподчинённай валрисьмотненди, союзфтома сложнай валрисьмотненди.

Куду заданиясь: анокламс задания мархта контрольнай работанди.