Microsoft Excel Էլեկտրոնային աղյուսակ

Microsoft  Office  Excel  էլեկտրոնային աղյուսակ

Էլեկտրոնային աղյուսակները հատուկ ծրագրեր են, որոնք նախատեսված են աղյուսակային տեսքով տվյալների հետ աշխատելու համար, մասնավորապես`

• տվյալներով հաշվարկներ անելու,

• տվյալների հիման վրա դիագրամմաներ կառուցելու,

• որոշակի կրիտերիաներով տվյալների փնտրման և տեսակավորման, 

• տվյալների վերլուծության և "ինչ, եթե?" սցենարների հաշվարկների կատարման,

• տվյալների բազաների ստեղծման,

• աղյուսակների և դրանց գրաֆիկական տարբերակների տպման համար:

Էլեկտրոնային աղյուսակներն առաջին անգամ հայտնվեցին 1979 թ-ին:

• ՆՇԱՆԱԿՈՒԹՅՈՒՆԸ

Էլեկտրոնային աղյուսակները նախատեսված են տնտեսագետների, հաշվապահների, ինժեներների, գիտաշխատողների, ինչպես նաև` բոլոր նրաց համար, ովքեր ստիպված են աշխատել թվային տվյալների մեծ զանգվածների հետ: 

Excel   էլեկտրոնային աղյուսակի միջավայր մտնելու համար պետք է հաջորդաբար կատարել հետևյալ քայլերը.

Start−All  Programs−MS  Office−Microsoft  Office  Excel  
Excel   էլեկտրոնային աղյուսակի հիմնական աշխատանքային պատուհանն ունի նկ. 1.1-ում պատկերված տեսքը։

Էլեկտրոնային աղյուսակի աշխատանքային թերթը բաղկացած է լատինական այբուբենի տառերով նշված սյուներից և բնական թվերով համարակալված տողերից։ Յուրաքանչյուր բջիջ ունի իր հասցեն, որը կազմվում է այն սյան անունով ու տողի համարով, որոնց հատման տեղում գտնվում է տվյալ բջիջը, օրինակ՝ B4։ Անհրաժեշտության դեպքում միևնույն տողի կամ սյան վրա գտնվող հարևան բջիջներով կազմում են բջիջների բլոկ, որի հասցեն կարելի է գրել անվան դաշտում՝ նշելով բլոկը կազմող վերին ձախ և ստորին աջ բջիջների հասցեները՝ դրանք իրարից բաժանելով երկու կետով, օրինակ՝ B2:C4

Excel էլեկտրոնային աղյուսակում բջիջը կարող է պարունակել թիվ, բանաձև կամ տեքստ։ Թվային տիպի տվյալներ են՝ թվային հաստատունները, ամսաթիվն ու ժամանակը։ Բանաձևը գործողությունների կատարման կարգը սահմանող հրահանգ է, որը կարող է բջիջների հասցեներ, թվեր, գործողությունների նշաններ և ֆունկցիաների անվանումներ պարունակել։ Այն տվյալները, որոնք սպասարկվող ծրագրի կողմից որպես թվային տվյալներ չեն ճանաչվում, ընդունվում են որպես տեքստային տվյալներ։ Բջիջ ներմուծված տեքստի երկարությունը կարող է լինել մինչև 255 պայմանանշան։

Նկ. 1.1. Microsoft  Excel Էլեկտրոնային աղյուսակի պատուհանը 

Բջիջ տվյալներ ներմուծելու համար անհրաժեշտ է.

* ընտրել բջիջը
* ներմուծել տվյալները
* ներմուծումն ավարտել կամ Enter ստեղնով կամ բանաձևերի դաշտի   կոճակով, կամ՝ անցնելով այլ բջիջի։

Բանաձև ներմուծելիս այն պետք է սկսել հավասարության =  պայմանանշանով։

Բջիջից տվյալները ջնջելու համար անհրաժեշտ է մկնիկի ցուցիչով ընտրել տվյալ բջիջն ու սեղմել Delete ստեղնը։

Բջիջում եղած տվյալները փոփոխելու համար անհրաժեշտ է մկնիկի ցուցիչը տեղադրել տվյալ բջիջի վրա, մկնիկի ձախ սեղմակի կրկնակի սեղմում կատարել ու խմբագրել եղած ինֆորմացիան։ Բջիջի պարունակությունը կարելի է խմբագրել նաև բանաձևերի դաշտի միջոցով։
 
Excel էլեկտրոնային  աղյուսակում  արված  վերջին գործողությունը կարելի  է չեղյալ դարձնել (անտեսել) արագ հասանելիության վահանակի   (Սոdօ), իսկ չեղյալ դարձված վերջին գործողությունը վերականգնել՝   (Redo) կոճակով։

Excel–ում կիրառվում են թվաբանական հետևյալ գործողությունները.

•   գումարում՝ +

•   հանում՝-

•   բազմապատկում` *

•   բաժանում՝ /

•   տոկոս՝ %

•   աստիճանի բարձրացում՝ ^

Հաշվումներ իրականացնելիս կիրառվում է գործողությունների կատարման առաջնահերթության մաթեմատիկայում ընդունված ձեզ հայտնի կարգը։ Ինչպես մաթեմատիկայում, այստեղ ևս փակագծերի կիրառումը կարող է փոխել գործողությունների կատարման հաջորդականությունը։

Excel էլեկտրոնային   աղյուսակի   ստանդարտ   ֆունկցիաների   հավաքածուից գումարի հաշվման համար նախատեսված է SUM ֆունկցիան։ Այն բջիջների բլոկի վրա կիրառելու համար անհրաժեշտ է.

* ընտրել այն  բջիջը,  որտեղ պետք է պահպանվի հաշվարկվելիք գումարի արժեքը,

* Home ներդիրի Editing կամ Formulas ներդիրի Function  Library խմբից  ընտրել գումարի   հաշվման համար նախատեսված   գործիքը,
* մկնիկի ձախ սեղմակով նշել այն բջիջները, որոնց պարունակությունների գումարն անհրաժեշտ է հաշվել,
* սեղմել Enter  ստեղնը կամ բանաձևերի դաշտի  կոճակը։

Էլեկտրոնային աղյուսակի աշխատանքային թերթը  բաղկացած է լատինական այբուբենի տառերով (A,B,C,...,Z,AA,AB,...)  նշված սյուներից և բնական թվերով (1,2,3,...) համարակալված տողերից։

Յուրաքանչյուր աշխատանքային թերթ ունի 16384 սյուն և 1048576 տող։

Նկարում պատկերված աղյուսակի B3 բջիջն ունի ընդգծված ուղղանկյուն շրջանակի տեսք, այս ձևով ընդգծված ուղղանկյուն շրջանակը կոչվում է աղյուսակային կուրսոր։

Աղյուսակային կուրսորը կարելի է տեղակայել աղյուսակի ցանկացած բջիջի վրա և դրանով այն դարձնել ընթացիկ, այլ խոսքով՝ ակտիվ: Ընդ որում՝ կուրսորի տեղաշարժմանը զուգընթաց փոխվում է նաև անվան դաշտի պարունակությունը։

էլեկտրոնային աղյուսակի յուրաքանչյուր բջիջ ունի իր հասցեն, որը կազմվում է այն սյան անունով ու տողի համարով, որոնց հատման տեղում գտնվում է տվյալ բջիջը, օրինակ՝ A3, E12

Կուրսորը կարելի է տեղաշարժել նաև ←, ↑, →, ↓ ստեղների օգնությամբ։