Միջոցառման պլանավորում

Ինտեգրված միջոցառում` քիմիան թանկարժեք քարերի աշխարհում

Յուրաքանչյուր թանկարժեք քարում , ինչպես ջրի կաթիլում, արտացոլված է բնության ամբողջ վեհությունը, և նրանցից յուրաքանչյուրը բավական է բնության կատարելությունը զգալու համար:

Նպատակը.

1. Ոչ ավանդական ձևով խորացնել սովորողների գիտելիքները քիմիական միացությունների, բնության մեջ դրանց գտնվելու և մարդու առողջության վրա դրանց ազդեցության մասին:

2. Համակարգել քիմիայի , կենսաբանության , պատմության , գրականության , աշխարհագրության ժամերին ձեռք բերած գիտելիքները, կարողությունները , հմտությունները:

3. Զարգացնել լրացուցիչ գրականությունից օգտվելու հմտությունները:

4. Դաստիրակել ուշադրություն, դիտողականություն, ինչպես նաև դասընկերներին լսելու , լսրանի առաջ ելույթ ունենալու կարողություն:

5. Ձևավորել այնպիսի արժեքներ, ինչպիսիք են մտքերը հստակ ձևակերպելու անհրաժեշտությունը, այլոց մտքերն ու գաղափարները, կարծիքները գնահատելու կարևորություն:

6. Կարևորել քիմիայի դերը գեղագիտական արժեքները, գեղեցիկը հասկանալու գործում:

Խնդիրները.

1. Կազմակերպել խմբային աշխատանք ` դասի ուսուցողական խնդրի պարզաբանումից մինչև վերջնական արդյունքների քննարկումը:

2. Աշակերտների ուշադրությունը բևեռել քիմիայի և այլ առարկաների միասնացման հնարավորությունների վրա:

Կիրառվող մեթոդներ` - խմբային հետազոտություն

Կահավորումը.

Համակարգիչ, պրոյեկտոր, թանկարժեք քարերի և դրանցից բաղկացած իրերի ու զարդերի նմուշներ , քիմիական նյութեր , փորձանոթներ :

Միջոցառման ընթացքը կառուցված է հետևյալ ենթաթեմաների հիման վրա.

1. Քննարկվող թանկարժեք քարերի առաջացումը բնության մեջ , բաղադրությունը և կիրառության ոլորտները

2. Ուշագրավ փորձեր

3. Գրական և պատմական ակնարկներ բնական քարերի ` տարբեր ոլորտներում դրանց կիրառության մասին

4. Առաջադրանքների կատարում և գնահատում

5. Արդյունքների ամփոփում: