Мой родны куточак зямлі

Тэма: « Мой родны куточак зямлі”

Мэта: паглыбленне ведаў вучняў аб малой радзіме.

Задачы: садзейнічаць фарміраванню сацыяльна актыўнай асобы з грамадзянска-гуманістычным светапоглядам; стварыць умовы для развіцця звязнага маўлення, памяці, увагі, узбагачэння лексічнага запасу у навучэнцаў; развіццю кемлівасці, дапытлівасці, садзейнічаць выхаванню патрыятызму, пачуцця павагі і гордасці за знакамітых суайчыннікаў, пачуцця калектывізму.

Абсталяванне: прэзентацыя “Мой родны куточак зямлі”, відэаролік “Край родной, так сердцу милый”, кам’ютар, мультымедыйны праектар, праекцыйны экран.

Форма правядзення: літаратурна-музычная кампазіцыя.

Ход мерапрыемства

Люблю цябе такой,

Якая ёсць,

Зямля мая,

Зямлю бацькоў святая…

Н. Загорская

1. Эмацыянальны настрой вучняў

Настаўнік:

- У кожнага чалавека ёсць Радзіма, і кожны любіць яе. Любіць месца, дзе нарадзіўся і жыве. Любіць родную прыроду, свой народ. Любіць сваю родную мову і песні свайго народа, казкі, танцы, кнігі ... Без бацькаўшчыны і без свайго народа чалавек не можа жыць.

Вучні:

1. Яна мне дадзена адзіная

На ўсё жыццё, на цэлы век.

Мая адзіная, радзімая

Ў вянках лясоў і стужак рэк.

2. Заўсёды самая прыветная,

Як сонца, свеціцца сама,

Жыве, як мара запаветная,

І роўных ёй — нідзе няма.

3. Яе праменнямі сагрэтая,

Наліта сілай маладой,

Іду, нястомная, па свету я

Яе часцінкаю жывой.

4. І ганаруся ўсюды смела я,

Што вырасла на той зямлі,

Якую клічуць Руссю Белаю,

Што тут дзяды мае жылі.

- Наша мерапрыемства мае назву “Мой родны куточак зямлі”. Можа хто здагадаўся, пра што сёння пойдзе размова? (Адказы навучэнцаў) Сапраўды, сёння мы пагаворым пра нашу малую радзіму. Скажыце, калі ласка, а што мы называем малой радзімай? (Адказы навучэнцаў).

- Для нас малой радзімай з’яўляюцца аграгарадок Капачы.

Ад нас з вамі залежыць будучыня не толькі нашай малой радзімы, але і ўсёй нашай Рэспублікі Беларусь. “Наша Беларусь − прыгожая і добраўпарадкаваная краіна з чыстымі ўтульнымі гарадамі, дагледжанымі сельгасугоддзямі, багатай прыродай. Дзяржава шмат зрабіла ў гэтым кірунку і не спыніцца на дасягнутым. Але няма мяжы дасканаласці і заўсёды знойдзецца, дзе прымяніць уласныя сілы. Беларусь − наш агульны дом, і ў нашых інтарэсах зрабіць яго ўтульным і ўзорным. Давайце пакажам, што мы сапраўдныя і руплівыя гаспадары сваёй зямлі. Нас шмат, і таму нават самы сціплы ўклад кожнага адыграе сваю ролю, зробіць краіну яшчэ прыгажэйшай”.

Вучні:

5. Ты такі ненаглядны —

Мой радзімы куточак зямлі.

Ты такі ненаглядны —

Край, дзе крылы ўзнімаюць буслы,

6. Дзе асколачкам неба

Васілёк у мірным полі цвіце

І ля кожнай хацінкі

Прыгажуня бяроза расце,

7. Край азёраў глыбокіх

І чаромхавых белых завей,

Ідэалаў высокіх,

Працавітых і шчырых людзей.

8. Тут з адкрытай душою

Запрашаюць гасцей у свой дом.

Тут накормяць, напояць,

Абагрэюць сардэчным цяплом.

• Зараз я прапаную паглядзець вам відэаролік “Край родной, так сердцу милый!” Будзьце ўважлівы. Пасля відэароліка вам будуць прапанаваны заданні.

(Пасля прагляда відэароліка?

- Скажыце, калі ласка, як называецца аграгарадок, якому быў прысвечаны відэаролік?

- Якія назвы маюць вуліцы нашага аграгарадка?

- Якія назвы маюць вуліцы, на якіх вы жывяце?

- Якія вуліцы вы заўважылі ў відэароліку?

- Якія сацыяльныя аб’екты наведаў аўтар відэароліка?

- Малайцы! Але для вас ёсць новае заданне. Гатовы? Вам трэба пазнаць сацыяльныя аб’екты, якія ёсць у нашым аграгарадку, расказаць аб іх прызначэнні, а таксама назваць прафесіі насельніцтва нашага аграгарадка. (Гульня “Пазлы)

(Пасля гульні)

• Адгадайце, калі ласка загадку

Дом – палац стаіць высокі,

Нашых ведаў там вытокі.

Радасць свеціцца наўкола,

Ну, вядома, гэта (школа).

- Раскажыце, якія прафесіі можна “сустрэць” у нашай школе?

- Малайцы. Наша мерапрыемства заканчваецца. Пра што мы сёння размаўлялі? Што новага вы даведаліся пра свой аграгарадок?

- Працягніце, калі ласка, ланцужок: Радзіма …., ……

Вучні:

9. Што такое Бацькаўшчына,

Знаеш?

Гэта рэчка, сцежка лясная,

Гэта ў лузе залатая пчолка,

А ў вачах тваіх — вясёлка.

10. Бацькаўшчына — гэта дом твой,

Школа;

Гэта песні, што звіняць наўкола,

Гэта сам ты,

Гэта тата твой і мама.

І сябры твае таксама.

• Скажыце, калі ласка, а што для вас значыць “Быць Беларусам”?

Вучні:

11. Быць Беларусам —

Гэта значыць

Свайго ні гуку не забыць,

Усё чужое перайначыць,

Каб Беларусі вечнай быць!

12. Быць Беларусам —

Гэта значыць

За родны край згараць на дым,

Па-беларуску чуць і бачыць

На гэтым свеце і на тым.

• Я жадаю вам быць сапраўднымі Беларусамі, Памятайце, што будучае нашага роднага куточка, нашай Радзімы-Беларусь залежыць і ад нас!

Дзякуй за ўвагу!