Монтаж посвященный В.Д.Лонгинову

В.Д.Лонгиновка аналлаах монтаж

1.Алаастар, үрэхтэр нус-хас олохторун

Уот сэрии суоһар сураҕа аймаабыта.

Ийэ, аҕа – оо, сүрэҕэр ыттарбыта,

Иэнигийэр иэдээн кээлтин сэрэйбитэ.

2.Үгүс эдэр ыал аҕата хаалларбыта

Кэргэнин, кыһыл оҕотун, дьиэтин-уотун...

Халыйбыта атаарыы хараҕын уута,

Кэлбитэ арахсыы, аймалҕан түгэнэ...

3.Арай эдэрдэр: “ Өстөөх куттас, кыайыахпыт” –

Дэһэллэрэ, буорах сытын билбэттэрэ.

Атырдьах ыйыгар бэбиэскэ тутан

Ийэ дойдуларыттан арахпыттара.

4.Төрөөбүт Ленатын

Сүүрүктээх уутуттан

Атын этэ Днепр

Уордайбыт долгуна,

Ол эрэн чаҕыйбат

Өстөөх да уотуттан,

Чаҕыйбат ол герой

Ханнык да буулдьаттан.

5.Пулемет тутан Украина сиригэр

Үгүс немеһи имири эһэн,

Герой аатын чиэстээхтик сүгэн

Сахалар ааттарын ааттаппыта!

6. Кини көмүс уҥуоҕа хаалбыта

Украина сиригэр

Кини мөссүөнэ үйэтитиллибитэ

Геройдар аллеяларыгар.

7. Аны хаһан да, хаһан да күөдьүйбэтин

Атыйахтаах ууну аймыыр сэрии уота!

Аны хаһан да, хаһан да ытаабатын

Аҕатын билбэт сэрии кэмин оҕото!

8. Кэлэр кэнэҕэски сырдык үйэлэргэ,

Икки атах өркөн өйө туманнырбатын!

Кэрэкэ Аан Ийэ дойдубут барахсан,

Сэрии иэдээниттэн имири эстибэтин!